ក្រសួងពាណិជ្ជកម្មអាមេរិកថ្លែងថា ឱនភាពពាណិជ្ជកម្មអាមេរិកបានរីកធំឡើងនៅក្នុងខែកក្កដា ដល់ទៅ៤២ពាន់លានដុល្លារកើនឡើងពី៤១,៩ពាន់លានដុល្លារនៅក្នុងខែមិថុនា ។ របាយការណ៍នោះវាខុសពីការរំពឹងទុករបស់ក្រុមអ្នកវិភាគមួយចំនួនដែលបានព្យាករថា គម្លាតពាណិជ្ជកម្មនឹងឈានដល់៤៤ពាន់លានដុល្លារលើសពីការព្យាករកាលពីខែមិថុនា ដែលមានចំនួន៤២,៩ពាន់លាន
ក្រសួងពាណិជ្ជកម្មអាមេរិកថ្លែងថា ឱនភាពពាណិជ្ជកម្មអាមេរិកបានរីកធំឡើងនៅក្នុងខែកក្កដា ដល់ទៅ៤២ពាន់លានដុល្លារកើនឡើងពី៤១,៩ពាន់លានដុល្លារនៅក្នុងខែមិថុនា ។ របាយការណ៍នោះវាខុសពីការរំពឹងទុករបស់ក្រុមអ្នកវិភាគមួយចំនួនដែលបានព្យាករថា គម្លាតពាណិជ្ជកម្មនឹងឈានដល់៤៤ពាន់លានដុល្លារលើសពីការព្យាករកាលពីខែមិថុនា ដែលមានចំនួន៤២,៩ពាន់លានដុល្លារ ។
កាលពីខែមុនការនាំចេញនិងនាំចូលបានធ្លាក់ចុះ ។ ទឹកប្រាក់នាំចេញមានចំនួន១៨៣,៣ពាន់លានដុល្លារក្នុងខែកក្កដា តិចជាងកាលពីខែមិថុនាចំនួន១,៩ពាន់លានដុល្លារ ។ ក្នុងនោះការផ្គត់ផ្គង់ផ្នែកឧស្សាហកម្មនិងវត្ថុធាតុដើមធ្លាក់ចុះដល់ទៅ២,៤ពាន់លានដុល្លារ ។ ប្រទេសដែលមានសេដ្ឋកិច្ចធំបំផុតលើពិភពលោកមួយនេះបាននាំចូលទំនិញនិងសេវាគិតជាទឹកប្រាក់ចំនួន២២៥,៣ពាន់លានដុល្លារនៅក្នុងខែកក្កដា ធ្លាក់ចុះ១,៨ពាន់លានដុល្លារកាលពីខែមិថុនា។ មុនពេលដែលវាវិលត្រឡប់ទៅរកស្ថិរភាពវិញគម្លាតពាណិជ្ជកម្មអាមេរិកបានធ្លាក់ចុះ៣ខែជាប់ៗគ្នា ពោលគឺធ្លាក់ចុះជាង១០%នៅក្នុងខែមិថុនា ។
ឱនភាពពាណិជ្ជកម្មអាមេរិកជាមួយនឹងប្រទេសទាំង២៧នៅអឺរ៉ុបកើនដល់១២ពាន់លានដុល្លារនៅក្នុងខែកក្កដា ហើយនៅក្នុងខែមិថុនា មានចំនួន៨,៤ពាន់លានដុល្លារ ខណៈដែលឱនភាពពាណិជ្ជកម្មជាមួយនឹងចិនកើនដល់៧,៣%ស្មើនឹង២៩,៤ពាន់លានដុល្លារអំឡុងខែកក្កដាដូចគ្នានោះ៕
ចែករំលែកព័តមាននេះ