នាយករដ្ឋមន្ត្រីរុស្ស៊ី លោក ឌីមីឌ្រីម៉េដវេដេវ ប្រកាសកាលពីថ្ងៃទី១២ កញ្ញា ពីការគាំទ្រឱ្យមានការដោះលែងសមាជិក៣នាក់នៃក្រុមតន្រ្តីPUSSY RIOT ដែលទទួលការកាត់ទោសកាលពីខែសីហា ដាក់គុកម្នាក់២ឆ្នាំ ពីបទចូលរួមធ្វើបាតុកម្មមួយប្រឆាំងនឹងប្រធានាធិបតីលោក វ៉្លាឌីមៀរពូទីនក្នុងព្រះវិហារគ្រឹស្តមួយនៃក្រុងមូស្គូ ។
នាយករដ្ឋមន្ត្រីរុស្ស៊ី លោក ឌីមីឌ្រីម៉េដវេដេវ ប្រកាសកាលពីថ្ងៃទី១២ កញ្ញា ពីការគាំទ្រឱ្យមានការដោះលែងសមាជិក៣នាក់នៃក្រុមតន្រ្តីPUSSY RIOT ដែលទទួលការកាត់ទោសកាលពីខែសីហា ដាក់គុកម្នាក់២ឆ្នាំ ពីបទចូលរួមធ្វើបាតុកម្មមួយប្រឆាំងនឹងប្រធានាធិបតីលោក វ៉្លាឌីមៀរពូទីនក្នុងព្រះវិហារគ្រឹស្តមួយនៃក្រុងមូស្គូ ។
ក្នុងសន្និសីទសារព័ត៌មានមួយផ្សាយតាមទូរទស្សន៍ លោក ម៉េដវេដេវ ថ្លែងថា ការបន្តឃុំឃាំងយុវនារីទាំង៣នាក់នោះ សម្រាប់រូបខ្ញុំហាក់ដូចជាមិនស្ថាបនាសោះ។ ការកាត់ទោសឱ្យជាប់ គុកជាមួយនឹងការព្យួរទោស វានឹងសមល្មមគ្រប់គ្រាន់ហើយ ។ ក៏ប៉ុន្តែអតីតប្រមុខរដ្ឋរូបនោះបានប្រកាសថា លោកមិនពេញចិត្តឡើយចំពោះសកម្មភាពពួកគេ និងចំពោះការស្លៀកពាក់របស់ពួកគេ ។
នាយករដ្ឋមន្ត្រីរុស្ស៊ីបញ្ជាក់ថា លោកគ្រាន់តែសម្តែងពីទស្សនៈផ្ទាល់ខ្លួនរបស់លោក ហើយលោកនឹងមិនប្រើឥទ្ធិពលសម្រាប់ការចេញសាលក្រមមួយដែលនឹងប្រកាសក្នុងការកាត់សេចក្តីនៅសាលាឧទ្ធរណ៍ដែលត្រូវចាប់ផ្តើមនាថ្ងៃទី១ តុលា ខាងមុខនេះឡើយ ។
តាំងពីពេលសវនាការដំបូងលោកពូទីនយល់ថា គេមិនចាំបាច់កាត់ទោសយុវនារីទាំង៣នាក់នោះធ្ងន់ធ្ងរពេកទេ ។ នារីទាំង៣នាក់នោះ នាងណាដេសាដា តូឡូកូនីកូវ៉ា នាងអឺកាតឺវីណា សាមូដសឺវិក និងនាងម៉ារីយ៉ា អាលីមូឃីណា ជាប់ឃុំឃាំងចាប់តាំងពីខែមីនា មក ត្រូវទទួលការកាត់ទោសកាលពីថ្ងៃទី១៧ សីហា ពីបទបំផ្លិចបំផ្លាញ មកពីកំហឹងខាងសាសនា ។ នារីទាំង៣នាក់នោះ បានចូលក្នុងព្រះវិហារគ្រឹស្តក្រុងមូស្គូ កាលពីថ្ងៃទី១២ កុម្ភៈ ដោយស្លៀកពាក់យ៉ាងលេចលើលេចក្រោម យ៉ាងស៊ិចស៊ីពេលសូត្រធម៌ដោយសូមឱ្យព្រះម៉ែម៉ាវី កម្ចាត់លោកពូទីន ៕
ចែករំលែកព័តមាននេះ