ឯកអគ្គរដ្ឋទូតអាមេរិកប្រចាំប្រទេសលីប៊ី លោកគ្រីស ស្ទេវេន និងជនជាតិអាមេរិក៣នាក់ទៀតត្រូវស្លា.ប់ក្នុងការវាយប្រហារមួយប្រឆាំងស្ថានកុងស៊ុលអាមេរិកនៅក្រុងបេនហ្គាហ្ស៊ី ដោយពួកជនប្រដាប់អាវុធ ដែលមានកំហឹងប្រឆាំងនឹងខ្សែភាពយន្តប្រឆាំងអ៊ិស្លាមមួយដែលញុំាងឱ្យមានការក្តុកក្តួលកាលពីថ្ងៃទី១២ កញ្ញា នៅក្រុងវ៉ាស៊ីនតោន និងលើពិភពលោក ។
ឯកអគ្គរដ្ឋទូតអាមេរិកប្រចាំប្រទេសលីប៊ី លោកគ្រីស ស្ទេវេន និងជនជាតិអាមេរិក៣នាក់ទៀតត្រូវស្លាប់ក្នុងការវាយប្រហារមួយប្រឆាំងស្ថានកុងស៊ុលអាមេរិកនៅក្រុងបេនហ្គាហ្ស៊ី ដោយពួកជនប្រដាប់អាវុធ ដែលមានកំហឹងប្រឆាំងនឹងខ្សែភាពយន្តប្រឆាំងអ៊ិស្លាមមួយដែលញុំាងឱ្យមានការក្តុកក្តួលកាលពីថ្ងៃទី១២ កញ្ញា នៅក្រុងវ៉ាស៊ីនតោន និងលើពិភពលោក ។
អ្នកទទួលខុសត្រូវអាមេរិកម្នាក់និយាយថា នោះជាការវាយប្រហារមានផែនការច្បាស់លាស់មួយពុំមែនជាអំពើរបស់បណ្តាហ្វូងមនុស្សដែលទោះជាមានកំហឹងនោះឡើយ ។ យោងតាមអ្នកទទួលខុសត្រូវរូបនេះដែលមិនបញ្ចេញឈ្មោះថា ពួកជ្រុលនិយមបានប្រើប្រាស់ពួកបាតុករដែលតវ៉ាប្រឆាំងនឹងខ្សែភាពយន្តនេះ ធ្វើជាលេសសម្រាប់វាយប្រហារស្ថានកុងស៊ុលអាមេរិកជាមួយអាវុធុនស្រាលផង និងអាវុធបាញ់គ្រាប់រ៉ុក្កែតផង ។ ចំណែកប្រធានគណៈកម្មការស៊ើបការណ៍របស់សភាអាមេរិកលោកMIKE ROGERS បានហៅការវាយប្រហារនោះថា ជាស្ថាដៃរបស់អាល់កៃដា ។
អាជ្ញាធរលីប៊ីបានសុំទោសសហរដ្ឋអាមេរិក ហើយទម្លាក់ការទទួលខុសត្រូវចំពោះការវាយប្រហារនោះ ទៅលើបណ្តាមនុស្សនៃរបបលោកមូអាម៉ាកាដាហ្វី ដែលត្រូវផ្តួលរំលំនិងអាល់កៃដា ក្រោយការវាយប្រហារនោះដែលកើតមានកាលពីយប់ថ្ងៃទី១១ កញ្ញា ជាថ្ងៃខួបលើកទី១១ នៃការវាយប្រហារភេរវកម្មថ្ងៃទី១១ កញ្ញា នៅសហរដ្ឋអាមេរិក ។
ប្រធានាធិបតីអាមេរិកលោកបារ៉ាក់អូបាម៉ា បានបរិហារការវាយប្រហារដោយក្តុកក្តួលនោះដោយបដិសេធការកាត់ផ្តាច់ទំនាក់ទំនងជាមួយលីប៊ី ខណៈដែលមន្ទីរប៉ង់តាហ្គោនប្រកាសពីការដាក់ពង្រាយក្នុងប្រទេសនេះនូវកងម៉ារីន ពិសេស១ក្រុមដែលមានឯកទេសក្នុងការតស៊ូប្រឆាំងភេរវកម្ម ។
សហរដ្ឋអាមេរិកក៏ចេញបញ្ជាផងដែរឱ្យពិនិត្យឡើងវិញបណ្តាវិធានការសន្តិសុខ នៅជុំវិញរាល់បេសកម្មការទូតអាមេរិក ចំណែកបុគ្គលិកស្ថានកុងស៊ុលអាមេរិកនៅក្រុងបេនហ្គាហ្ស៊ីត្រូវជម្លៀសទៅកាន់ប្រទេសអាល្លីម៉ង់រួចវត្តមានការទូតអាមេរិកនៅក្រុងទ្រីប៉ូលី ត្រូវកាត់បន្ថយ ៕
ចែករំលែកព័តមាននេះ