ហ៊ុនអាស៊ី​បានកើន​ឡើងកាល​ពីថ្ងៃ​ព្រហ​ស្បតិ៍​​ដោយ​សារមាន​​ក្តីសង្ឃឹម​ពីការ​ទិញ​សញ្ញា​ប័ណ្ណ​​របស់​ធនាគារ​កណ្តាល​អឺរ៉ុប​​ដើម្បី​សង្គ្រោះ​បណ្តា​​រដ្ឋ​ដែលកំពុង​ជាប់បំណុល​វ័ណ្ឌ.ក​ ។សន្ទស្សន៍​​ផ្សារហ៊ុន​ FTSE CNBC Asia 100 ដែល​វាស់វែង​ផ្សារហ៊ុន​នៅអាស៊ី​កើន០,៥%​។ ​

ចំណែក​​សន្ទស្សន៍​នៅផ្សារ​ហ៊ុន​ Nikkei របស់​​ជប៉ុន​កើន០,៧៥%​ដល់​​​៨៦៨០,៥៧​​។ ចំណែក​​សន្ទស្ស​ន៍​ផ្សារហ៊ុន​ក្រុង​សេ​អ៊ូល ឡើង​ខ្ពស់​បន្ទាប់ពី​ធ្លាក់​១​ខែ ក្នុងនោះ​សន្ទស្សន៍​ហ៊ុន ​Korea Composite Stock Price​ ​ (KOSPI) កើន​០,៤%​​ដល់​​​១៨៨១,២៤ ។ ​ខណៈ​ដែល​សន្ទស្សន៍​នៅផ្សារ​ហ៊ុន​ S&P/ASX 200 របស់​អូស្រ្តាលី​កើន​៣,៤%​ដល់​​​​៤៣១២,៩ និង​សន្ទស្សន៍​​​ផ្សារ​ហ៊ុនNZX របស់​នូវែល​សេឡង់​កើន​០,៧%​ដល់​​៣៦៩៣,៥ ។

ចំណែក​នៅទី​ក្រុងសៀង​ហៃ​វិញ​ សន្ទស្ស​ន៍​​ផ្សារ​ហ៊ុនក្រុង​សៀងហៃ​ Shanghai Composite កើន០,៧%ដល់​ ២០៥១,៩ ​ខណៈ​ដែល​ផ្សារ​ហ៊ុន​​ Hang Seng របស់​ទីក្រុង​ហុងកុង​កើន​០,២%ដល់​​​១៩១១០,២ ។ ​ដោយឡែក​សន្ទស្សន៍​នៅផ្សារ​ហ៊ុន​​អា​ស៊ី​អាគ្នេយ៍​​​វិញមាន​ការ​ធ្លាក់​ចុះគួរ​ឲ្យកត់​សម្គាល់​​ដោយ​សន្ទស្សន៍​ផ្សារ​ហ៊ុន ​Straits Time ​របស់​សិង្ហ​បុរី​ និង​សន្ទស្សន៍​ផ្សារ​ហ៊ុន​ KL Composite ​របស់ម៉ា​ឡេស៊ី​ ធ្លាក់​ចុះ​រៀងៗ​ខ្លួន០,៣% និង១,៤% ៕