មេដឹកនាំជាន់ខ្ពស់ចិនមួយរូបដែលកំពុងបំពេញទស្សនកិច្ចនៅអីុរ៉ង់ ថ្លែងកាលពីថ្ងៃទី១១ កញ្ញា ថាចិនចង់ឃើញដំណោះស្រាយដ៏ត្រឹមត្រូវនិងសមហេតុផលមួយចំពោះបញ្ហានុយក្លេអ៊ែរអីុរ៉ង់ ហើយប្រឆាំងចំពោះការផលិតនិងការមានអាវុធនុយក្លេអ៊ែរដោយគ្រប់ប្រទេសទាំងអស់នៅមជ្ឈឹមបូពា៌ ។
មេដឹកនាំជាន់ខ្ពស់ចិនមួយរូបដែលកំពុងបំពេញទស្សនកិច្ចនៅអីុរ៉ង់ ថ្លែងកាលពីថ្ងៃទី១១ កញ្ញា ថាចិនចង់ឃើញដំណោះស្រាយដ៏ត្រឹមត្រូវនិងសមហេតុផលមួយចំពោះបញ្ហានុយក្លេអ៊ែរអីុរ៉ង់ ហើយប្រឆាំងចំពោះការផលិតនិងការមានអាវុធនុយក្លេអ៊ែរដោយគ្រប់ប្រទេសទាំងអស់នៅមជ្ឈឹមបូពា៌ ។
ក្នុងកិច្ចជួបសន្ទនាមួយជាមួយប្រធានាធិបតីអីុរ៉ង់លោកម៉ាមូដអាម៉ាឌីណឺហ្សាដលោកវូបាងហ្គោ ប្រធានគណៈកម្មាធិការអចិន្ត្រៃយ៍នៃសភាប្រជាជនចិន ក៏គូសបញ្ជាក់ផងដែរពីសិទ្ធិរបស់ប្រទេសមួយប្រើប្រាស់ដោយសន្តិវិធីនូវថាមពលនុយក្លេអ៊ែរ ។
អំពីទំនាក់ទំនងចិន-អឺុរ៉ង់ លោកវូ គូសបញ្ជាក់ថា ការថែរក្សាទំនាក់ទំនងមិត្តភាពនិងកិច្ចសហប្រតិបត្តិការរវាងចិននិងអីុរ៉ង់គឺបម្រើមិនត្រឹមតែផលប្រយោជន៍របស់ប្រទេសទាំង២ និងប្រជាជនទំាង២ប៉ុណ្ណោះទេ ក៏ប៉ុន្តែក៏រួមចំណែកផងដែរដល់ការថែរក្សាសន្តិភាព ស្ថេរភាពនិងភាពរុងរឿងរបស់តំបន់ ។
ចំណែកប្រធានាធិបតីអីុរ៉ង់វិញ ថ្លែងថា ប្រទេសរបស់លោកចង់ដោះស្រាយបញ្ហានុយក្លេអ៊ែរតាមរយៈការចរចានិងកិច្ចសហប្រតិបត្តិការ ហើយនៅតែប្រាស្រ័យទាក់ទងជាមួយគ្រប់ភាគីដែលទាក់ទិន ។ អីុរ៉ង់ចង់ធ្វើឱ្យស៊ីជម្រៅដល់ទំនាក់ទំនងជាមួយចិន ហើយពង្រីកកិច្ចសហប្រតិបត្តិការជាក់ស្តែងជាមួយចិនក្នុងវិស័យសេដ្ឋកិច្ច ពាណិជ្ជកម្ម ថាមពល កសិកម្ម និងហេដ្ឋារចនាសម្ព័ន្ធ។
លោកវូបាងហ្គោចាប់ផ្តើមកាលពីថ្ងៃទី១១ កញ្ញា នូវទស្សនកិច្ចរយៈពេល៤ថ្ងៃនៅអីុរ៉ង់ ក្នុងក្របខណ្ឌនៃដំណើរទស្សនកិច្ចមួយ ដែលក៏នឹងនាំលោកផងដែរទៅកាន់មីយ៉ាន់មា៉ ស្រីលង្កានិងហ្វ៊ីដជី ៕
ចែករំលែកព័តមាននេះ