ប្រភពព័ត៌មានមួយរាយការណ៍ថា តុលាការអេហ្ស៊ីបកាលពីថ្ងៃទី១១ កញ្ញា បានចេញបញ្ជាឱ្យចាប់ខ្លួនអតីតនាយករដ្ឋមន្ត្រីរបស់លោក ហូស្នីមូបារ៉ាក់ និងជាបេក្ខជនប្រធានាធិបតីមិនជាប់ឆ្នោត លោក អាម៉ាដ ចាហ្វិក ដើម្បីកាត់ទោសលោកពីបទឧក្រិដ្ឋ ។
លោក ចាហ្វិក ដែលស្ថិតនៅប្រទេសអេមីរ៉ាត់អារ៉ាប់រួម ក្រោយពីលោកទទួលបរាជ័យក្នុងការបោះឆ្នោតកាលពីខែមិថុនា មក ជាប់
ប្រភពព័ត៌មានមួយរាយការណ៍ថា តុលាការអេហ្ស៊ីបកាលពីថ្ងៃទី១១ កញ្ញា បានចេញបញ្ជាឱ្យចាប់ខ្លួនអតីតនាយករដ្ឋមន្ត្រីរបស់លោក ហូស្នីមូបារ៉ាក់ និងជាបេក្ខជនប្រធានាធិបតីមិនជាប់ឆ្នោត លោក អាម៉ាដ ចាហ្វិក ដើម្បីកាត់ទោសលោកពីបទឧក្រិដ្ឋ ។
លោក ចាហ្វិក ដែលស្ថិតនៅប្រទេសអេមីរ៉ាត់អារ៉ាប់រួម ក្រោយពីលោកទទួលបរាជ័យក្នុងការបោះឆ្នោតកាលពីខែមិថុនា មក ជាប់ការស៊ើបអង្កេតពីរឿងពុករលួយមួយដែលទាក់ទិននឹងការធ្វើសម្បទានដីមួយកន្លែងដល់កូនប្រុស២នាក់របស់អតីតប្រមុខរដ្ឋ គឺលោកអាឡាអា និងលោកហ្គាម៉ាល់មូបារ៉ាក់ ។
កូនប្រុសលោកមូបារ៉ាក់ទាំង២នាក់នោះ ដែលពេលនេះជាប់ឃុំឃាំងនៅទីក្រុងគែរក៏ត្រូវកាត់ទោសនៅតុលាការឧក្រិដ្ឋពីរឿងចោទប្រកាន់នោះដែរ ក៏ដូចជាអតីតឧត្តមសេនីយ៍៤នាក់ ។តុលាការអេហ្ស៊ីបពុំបាននិយាយពីសំណើធ្វើបត្យាប័ន ឬពីដីកាចាប់ខ្លួនជាអន្តរជាតិមួយឡើយ ហើយគ្រាន់តែបញ្ជាក់ថា អតីតនាយករដ្ឋមន្ត្រីរូបនោះត្រូវចាប់ខ្លួន ពេលវិលចូលស្រុកវិញប៉ុណ្ណោះ ។
លោក ចាហ្វិក អតីតប្រមុខកងទ័ពអាកាសត្រូវបានតែងតាំងជារដ្ឋមន្រ្តីអាកាសចរណ៍សុីវិលមុនពេលត្រូវតែងតាំងជានាយករដ្ឋមន្ត្រីដោយលោកហូស្នីមូបារ៉ាក់ កាលពីដំណាច់ខែមករា ឆ្នាំ២០១១ គឺនៅបណ្តាថ្ងៃចុងក្រោយដែលលោកបារ៉ាក់នៅជាប្រធានាធិបតី ៕
ចែករំលែកព័តមាននេះ