ទំនាស់ដែនដីរវាងជប៉ុននិងចិនជុំវិញអធិបតេយ្យភាពលើប្រជុំកោះគ្មានមនុស្សនៅស្ថិតក្នុងសមុទ្រចិនខាងកើតដែលប្រជុំកោះនោះជប៉ុនហៅសេកាគូ ហើយចិនហៅឌីអាវយូអាចញុំាងឱ្យមហាអំណាចអាស៊ីទាំង២នោះធ្លាក់ក្នុងជម្លោះដោយចំហមួយដែរឬទេ?
ដំណាក់កាលនយោបាយសំខាន់ដែលកើតនាដំណាច់ឆ្នាំ២០១២ នេះនៅចិន ជប៉ុន និងកូរ៉េខាងត្បូង ជំរុញឱ្យរដ្ឋាភិបាលនៃប្រទេស
ទំនាស់ដែនដីរវាងជប៉ុននិងចិនជុំវិញអធិបតេយ្យភាពលើប្រជុំកោះគ្មានមនុស្សនៅស្ថិតក្នុងសមុទ្រចិនខាងកើតដែលប្រជុំកោះនោះជប៉ុនហៅសេកាគូ ហើយចិនហៅឌីអាវយូអាចញុំាងឱ្យមហាអំណាចអាស៊ីទាំង២នោះធ្លាក់ក្នុងជម្លោះដោយចំហមួយដែរឬទេ?
ដំណាក់កាលនយោបាយសំខាន់ដែលកើតនាដំណាច់ឆ្នាំ២០១២ នេះនៅចិន ជប៉ុន និងកូរ៉េខាងត្បូង ជំរុញឱ្យរដ្ឋាភិបាលនៃប្រទេសទាំងនេះ ប្រកាន់យកភាសាកាន់តែខ្លាំងៗលើបញ្ហានោះដែលបំពុលដល់ទំនាក់ទំនងតំបន់ចាប់តាំងពីទសវត្សឆ្នាំ១៩៧០មក ។
កាលពីថ្ងៃទី១១ កញ្ញាក្រុងប៉េកាំងបានបញ្ជូននាវាល្បាត២គ្រឿងទៅកាន់ក្បែរប្រជុំកោះមានជម្លោះនោះដើម្បីអះអាងពី អធិបតេយ្យភាពដែនដីរបស់ប្រទេស ។ នេះជាការឆ្លើយតបចំពោះការប្រកាសរបស់រដ្ឋាភិបាលជប៉ុនទិញយកប្រជុំកោះដ៏ចម្រូងចម្រាស់នេះយោងតាមកិច្ចព្រមព្រៀងមួយជាមួយគ្រួសារជប៉ុនមួយដែលចាត់ទុកជាម្ចាស់ឯកជនរបស់ប្រជុំកោះគ្មានមនុស្សនៅនោះ ។
ប្រជុំកោះសេនកាគូដែលបញ្ចូលជាឧបសម្ព័ន្ធដោយជប៉ុនស្ថិតនៅចម្ងាយ៩០ម៉ាយខាងលិចកោះអូគីណាវ៉ា និងចម្ងាយ១២០ម៉ាយខាងជើងកោះតៃវ៉ាន់ ដែលប្រជុំកោះនោះសរុបមានកោះតូចៗ៥គ្មានមនុស្សរស់នៅក្នុងនោះកោះដែលធំជាងគេមានទំហំត្រឹមតែ៣,៨គីឡូម៉ែត្រក្រឡា ហើយកោះដទៃផ្សេងៗមានទំហំត្រឹមប៉ុន្មានហិកតាប៉ុណ្ណោះ ។ ជប៉ុនបានធ្វើឧបសម្ព័ន្ធប្រជុំកោះសេនកាគូកាលពីឆ្នាំ១៨៩៥មកក្រោយសង្គ្រាមលើកដំបូងរវាងជប៉ុននិងចិន ។
ពេលចប់សង្គ្រាមលោកលើកទី២ប្រជុំកោះនោះរួមជាមួយកោះអូគីណាវ៉ា ស្ថិតក្រោមការគ្រប់គ្រងរបស់អាមេរិកមុនពេលប្រគល់ឱ្យជប៉ុនវិញកាលពីឆ្នាំ១៩៧២យោងតាមកិច្ចព្រមព្រៀងមួយ។ ចាប់ពីឆ្នាំ១៩៧១មក កោះតៃវ៉ាន់ក៏ដូចជាចិនដីគោកដែរទាមទារអធិបតេយ្យភាពលើប្រជុំកោះនេះ ។ ខាងចិនអះអាងថាប្រជុំកោះឌីអាវយូនោះតាំងពីបុរាណកាលមកជារបស់ចិន ៕
ចែករំលែកព័តមាននេះ