ក្លិបតោខៀវ Chelea ជាក្លិបល្បីក្នុងក្របខណ្ឌបាល់ទាត់អង់គ្លេសប្រឺមីញេលីក បានបន្តកិច្ចសន្យាជាមួយក្រុមហ៊ុនសាំស៊ុងរបស់កូរ៉េខាងត្បូងរហូតដល់រដូវកាល ២០១៤-២០១៥ ដោយក្នុងមួយឆ្នាំៗទទួលបាន១៨លានផោន ។ក្រោយពីក្រុមហ៊ុនសាំស៊ុងធ្វើជាអ្នកឧបត្ថម្ភដោយបង្ហាញស្លាកសញ្ញាលើអាវកីឡាកររបស់ក្លិប Chelesa តាំងពីឆ្នាំ២០០៥ ជំនួសកន្លែងក្រុមហ៊ុនអាកាសចរណ៍អេមីរ៉ាដ អ៊ែរឡាញ កន្លងមក ទីបំផុតក្លិបជើងឯកតំបន់អឺរ៉ុបមួយនេះបានបន្តកិច្ចសន្យាជាមួយក្រុមហ៊ុនសាំស៊ុងរហូតដល់ឆ្នាំ២០១៥។
អ្នកនាំពាក្យក្លិប Chelsea បានបង្ហើបឱ្យដឹងថា «ក្រុមហ៊ុនសាំស៊ុងបានបន្តកិច្ចសន្យាធ្វើឱ្យក្រុមហ៊ុននៅតែជាដៃគូដ៏សំខាន់របស់ក្លិបរហូតដល់ខែឧសភា ២០១៥ ។ ការបន្តកិច្ចសន្យាលើកនេះនឹងធ្វើឱ្យក្លិបល្បីនៅអង់គ្លេសនេះទទួលបានប្រាក់យ៉ាងច្រើនសន្ធឹកសន្ធាប់ចំនួន១៨លានផោនក្នុងមួយឆ្នាំៗ ។
ស្របពេលជាមួយគ្នានេះរបាយការណ៍បញ្ជាក់បន្តថា សាំស៊ុងមានផែនការបន្តកិច្ចសន្យានេះតាំងពីយូរមកហើយចាប់តាំងពីក្លិបក្លាយជាជើងឯកយូហ្វាឆេមពានលីកម៉្លេះ ហើយគម្រោងបន្តកិច្ចសន្យាខាងលើពេលនេះបានក្លាយជាការពិត ៕
ចែករំលែកព័តមាននេះ