នៅប្រទេសស្វាស៊ីឡង់មានស្ត្រីជាច្រើនពាន់នាក់ដើរជាក្បួនបង្ហាញសុដន់ក្រពុំក្នុងពិធីជាលក្ខណៈប្រពៃណីនៅចំពោះមុខព្រះមហាក្សត្រ ។រាជាណាចក្រស្វាស៊ីឡង់ ស្ថិតនៅក្នុងភូមិភាគអាហ្រ្វិកខាងត្បូង ដោយគ្មានទីតាំងជាប់សមុទ្រ និងជាប្រទេសចុងក្រោយក្នុងភូមិភាគគ្រប់គ្រប់ដោយព្រះមហាក្សត្រ ។ ព្រះមហាក្សត្របច្ចុប្បន្ន គឺសម្តេចព្រះរាជាធិបតីស្វាស៊ីឡង់ទី៣ ដែលឡើង
នៅប្រទេសស្វាស៊ីឡង់មានស្ត្រីជាច្រើនពាន់នាក់ដើរជាក្បួនបង្ហាញសុដន់ក្រពុំក្នុងពិធីជាលក្ខណៈប្រពៃណីនៅចំពោះមុខព្រះមហាក្សត្រ ។រាជាណាចក្រស្វាស៊ីឡង់ ស្ថិតនៅក្នុងភូមិភាគអាហ្រ្វិកខាងត្បូង ដោយគ្មានទីតាំងជាប់សមុទ្រ និងជាប្រទេសចុងក្រោយក្នុងភូមិភាគគ្រប់គ្រប់ដោយព្រះមហាក្សត្រ ។ ព្រះមហាក្សត្របច្ចុប្បន្ន គឺសម្តេចព្រះរាជាធិបតីស្វាស៊ីឡង់ទី៣ ដែលឡើងគ្រងរាជ្យនៅថ្ងៃទី២៥ មេសា ១៩៨៦ ។
ពិធីបុណ្យប្រពៃណីរាំរបាំដើមត្រែងតែងតែ រៀបចំឡើងជារៀងរាល់ឆ្នាំ រយៈពេល៥ថ្ងៃ ក្នុងអំឡុងពេលដំណាច់រដូវក្តៅ ឬរដូវប្រាំង ។ ពិធីនេះនារីក្រមុំ និងក្មេងស្រី អាយុពី៥ឆ្នាំឡើងទៅត្រូវស្លៀកសំពត់ខ្លីពណ៌ឆើតឆាយ បញ្ចេញសុដន់ តាមបែបបុរាណនៃជនអំបូរអ៊ូនី និងច្រៀងរាំតាមបទភ្លេង រួមទាំងកាន់ដើមត្រែង ដែលពួកគេកាប់នៅតាមមាត់ទន្លេទៅថ្វាយព្រះមហាក្សត្រ និងសម្តេចព្រះមហាក្សត្រីយានី ដើម្បីបញ្ជាក់ភាពជាស្ត្រីភេទ និងនៅព្រហ្មចារីរបស់ពួកនាង ខណៈពេលច្បាប់របស់ព្រះមហាក្សត្រ ហាមស្ត្រីអាយុទាបជាង២៣ឆ្នាំ មានសម្ព័ន្ធភាពផ្លូវភេទ ។
នៅក្នុងឆ្នាំនេះពិធីបុណ្យរាំរបាំដើមត្រែង រៀបចំឡើងកាលពីថ្ងៃទី២ និងថ្ងៃទី៣ កញ្ញា នៅរាជធានីលុតឈីតស៊ីនី ឆ្ងាយពីរាជធានីបាបាន ប្រហែល២០គីឡូម៉ែត្រ ដោយមានការចូលរួមពីភ្ញៀវទេសចរ និងអ្នកសារព័ត៌មានជាច្រើនរូប ។តាមទំនៀមទម្លាប់របស់ស្វាស៊ីឡង់គឺព្រះមហាក្សត្រមានព្រះជាយាច្រើនអង្គ ដោយជ្រើសរើសនារីពីពូជអំបូរផ្សេងៗក្នុងប្រទេស ដើម្បីឱ្យមានចំណងមេត្រីភាពជាមួយប្រជាជនគ្រប់អំបូរ ។
សម្រាប់ពិធីបុណ្យប្រពៃណីរាំរបាំដើមត្រែងនេះ គឺជាឱកាសដែលព្រះមហាក្សត្រជ្រើសរើសព្រះជាយាថ្មី ។ ដូច្នេះហើយស្ត្រីមួយចំនួនមានបំណងចង់ឱ្យព្រះមហាក្សត្រចាប់អារម្មណ៍ ព្រោះក្រៅពីពួកនាងនឹងបានទទួលយសសក្តិ និងមានជីវភាពរស់នៅល្អប្រសើរនោះក៏បានទទួលរថយន្ត BMW និងដំណាក់ផ្ទាល់ខ្លួនផងដែរ ។បច្ចុប្បន្នព្រះមហាក្សត្រស្វាស៊ីឡង់ទី៣ មានព្រះជន្មាយុ៦៦ព្រះវស្សា មានព្រះជាយា១៣ព្រះអង្គ និងបុត្រា-បុត្រី សរុប២៦អង្គ ។ ក្នុងចំណោមព្រះជាយាទាំង១៣ព្រះអង្គនេះ នៅមិនទាន់មាននរណាម្នាក់បានទទួលការដំឡើងយសសក្តិជាអគ្គមហេសីនៅឡើយ ។
ពិធីបុណ្យនោះ គឺជាបុណ្យប្រពៃណីដែលបានបន្សល់ទុកជាយូរលង់ណាស់មកហើយ និងទទួលបានចំណាប់អារម្មណ៍ពីនារីព្រហ្មចារីនៅទូទាំងប្រទេស ដោយសារអ្នកខ្លះចូលរួមក្នុងពិធីនេះជារៀងរាល់ឆ្នាំ ។ចំណែកក្រុមទាមទារសិទ្ធិនារី និងភាគីប្រឆាំងនឹងប្រពៃណីនោះបញ្ជាក់ថា ការមានព្រះជាយាច្រើនអង្គរបស់ព្រះមហាក្សត្រស្វាស៊ីឡង់ មានចំណែកធ្វើឱ្យអត្រាអ្នកឆ្លងវីរុស HIV នៅក្នុងប្រទេសកើតឡើងខ្ពស់ ដោយតួលេខអ្នកឆ្លងមេរោគអេដស៍មានជាង៤០% នៃចំនួនប្រជាជនសរុបនៅទូទាំងប្រទេស ។ ទោះជាយ៉ាងណាក៏ដោយ ព្រះរាជាបានផ្តល់ហេតុផលថា ការមានស្រីកំណាន់ចិត្តច្រើននាក់គឺជាផ្នែកមួយនៃទំនៀមទម្លាប់ប្រពៃណីរបស់ជនជាតិស្វាស៊ីឡង់ និងថែមទាំងជួយរឹតចំណងមិត្តភាពនៅក្នុងប្រទេសផងដែរ ។
ក្រៅពីនេះមានទស្សនៈជាច្រើនលើកឡើងថា ទោះបីជាព្រះមហាក្សត្រស្វាស៊ីឡង់ទី៣ មានទ្រព្យសម្បត្តិដ៏ស្តុកស្តម្ភ ស្ថិតនៅលំដាប់ទី១៥ នៅលើពិភពលោក ដោយមានទ្រព្យសម្បត្តិសរុប ២០០លានដុល្លារក៏ដោយ ប៉ុន្តែស្វាស៊ីឡង់ ជាប់លំដាប់ជាប្រទេសក្រីក្រនៅលើពិភពលោក ។
ប្រជាជន២ភាគ៣ នៃប្រជាកសិករសរុប១,៤លាននាក់នៅទូទាំងប្រទេសមានជីវភាពលំបាកវេទនា រួមទាំងអត្រាអ្នកឆ្លងវីរុស និងកើតអេដស៍ក៏មានច្រើននៅលើពិភពលោកផងដែរ ។ ដូច្នេះរដ្ឋាភិបាលចាំបាច់ត្រូវដោះស្រាយបញ្ហាទាំងនេះជាអាទិភាព ៕
ចែករំលែកព័តមាននេះ