សារព័ត៌មានបរទេសផ្សាយឱ្យដឹងថា លោកម៉ារីយ៉ាណូ រ៉ាចយ នាយករដ្ឋមន្រ្តីនៃប្រទេសអេស្ប៉ាញ ប្រកាសលុបចោលបំរាមផ្សាយបន្តផ្ទាល់កីឡាបញ្ជល់គោរបស់រដ្ឋាភិ បាលអាណត្តិមុនធ្វើឱ្យស្ថានីយទូរទស្សន៍អាចផ្សាយការប្រកួតកីឡាដែលមានប្រវត្តិជាង៤.០០០ឆ្នាំ ជាថ្មីខណៈ ពេលជនជាតិអេស្ប៉ាញដែលប្រឆាំងនឹងការ បញ្ជល់គោយល់ថា កីឡានេះជាអំពើហិង្សា និងធ្វើទារុណកម្មលើសត្វ ។
លោករ៉ាចយ ជាអ្នកគាំទ្រកីឡាបញ្ជល់គោផ្ទុយគ្នានឹងរដ្ឋាភិបាលអាណត្តិមុន បានបញ្ជាក់ថាកីឡានេះមានលក្ខណៈជាប្រពៃណី ជាសិល្បៈ ចាក់ឫសនៅក្នុងប្រវត្តិសាស្រ្តរបស់អេស្ប៉ាញ ត្រូវវិលត្រឡប់ទៅរកយុគសម័យរ៉ូមាំុង កាលពី៤.០០០ឆ្នាំមុន ។
សមាជិកភាគច្រើនក្នុងគណបក្សប្រជាជនរបស់លោក រ៉ាចយ មានភាពត្រេកអរចំពោះព័ត៌ មាននេះ ។ ក្រោយពីមានការលុបចោលបំរាមនោះ ស្ថានីយទូរទស្សន៍អេស្ប៉ាញ TVE ត្រៀមផ្សាយពិធីបញ្ជល់គោជាថ្មី ដោយបញ្ជាក់ថា បទបញ្ជានេះជាជ័យជំនះរបស់អ្នកគាំទ្រកីឡាបញ្ជល់គោនៅ ទូទាំងប្រទេស ។
កាលពីចុងឆ្នាំមុុន សភានៅក្នុងតំបន់កាតា ឡូនី ក្នុងអេស្ប៉ាញបានស្ទាបស្ទង់មតិចំនួន ៦៨-៥៥ សំលេងហាមបញ្ជល់គោ និងជាតំបន់ដំបូងរបស់ប្រទេសក្រោយពីអ្នកស្រុកកាតាឡូនី ចុះឈ្មោះចំនួន១៨០.០០០នាក់ដើម្បីស្នើសុំឱ្យលុបចោលការបញ្ជល់គោ ខណៈបទបញ្ជានោះនឹងចូលជាធរមាន នៅក្នុងខែមករាខាងមុខ ៕
ចែករំលែកព័តមាននេះ