ក្រុមហ៊ុនអាកាសចរណ៍សិង្ហបុរី(SIA) និយាយថា ខ្លួននឹងចាប់ផ្តើមការហោះហើរទៅ កាន់ទីក្រុងរ៉ង់ហ្គូនជារៀងរាល់ថ្ងៃនៅក្នុងខែតុលាខាងមុខ ដើម្បីបំពេញតម្រូវការផ្នែកពាណិជ្ជកម្មនិងភ្ញៀវទេសចរដែលកើនឡើងឥតឈប់ឈរ ។ សេចក្តីប្រកាសនេះធ្វើឡើងចំពេលមានការចាប់អារម្មណ៍ខ្លាំងពីសំណាក់ក្រុមហ៊ុនអាកាសចរណ៍នានានៅលើពិភពលោកចំពោះប្រទេសភូមាបន្ទាប់ពីប្រទេស
ក្រុមហ៊ុនអាកាសចរណ៍សិង្ហបុរី(SIA) និយាយថា ខ្លួននឹងចាប់ផ្តើមការហោះហើរទៅ កាន់ទីក្រុងរ៉ង់ហ្គូនជារៀងរាល់ថ្ងៃនៅក្នុងខែតុលាខាងមុខ ដើម្បីបំពេញតម្រូវការផ្នែកពាណិជ្ជកម្មនិងភ្ញៀវទេសចរដែលកើនឡើងឥតឈប់ឈរ ។ សេចក្តីប្រកាសនេះធ្វើឡើងចំពេលមានការចាប់អារម្មណ៍ខ្លាំងពីសំណាក់ក្រុមហ៊ុនអាកាសចរណ៍នានានៅលើពិភពលោកចំពោះប្រទេសភូមាបន្ទាប់ពីប្រទេសនេះបានធ្វើកំណែទម្រង់នយោបាយក្នុងប្រទេសកាលពីឆ្នាំមុន ។
អនុប្រធានប្រតិបត្តិ SIA លោកម៉ាក ស្វីវ៉ា (Mak Swee Wah) និយាយថា តម្រូវការបាននិងកំពុងកើនឡើងខ្លាំងសម្រាប់ទាំងពាណិជ្ជកម្មនិងការធ្វើដំណើរកម្សាន្តមកកាន់ប្រទេសភូមា ហេតុដូច្នេះហើយបានជាក្រុមហ៊ុនអាកាសចរណ៍សិង្ហបុរីមានបំណងបម្រើសេវាហោះហើរសម្រាប់ភូមាជា លើកដំបូង ។
SIA នឹងកាន់កាប់ការហោះហើរចំនួន៧ក្នុងចំណោមការហោះហើរទាំង១៦រៀងរាល់សប្តាហ៍តាមអាកាសយានដ្ឋាន Silk Air ចាប់ពីថ្ងៃទី២៨តុលាតទៅដោយប្រើយន្តហោះប្រភេទ Boeing 777-200 ដែលមាន323កៅអី ។ ជាទូទៅអាកាសយានដ្ឋាន Silk Air ប្រើយន្តហោះប្រភេទ AirBus A320 ។ លោកម៉ាកបន្ថែមថា SIA និង SilkAir កំពុងសម្លឹងមើលកាលានុវត្តភាពទីផ្សារនិងការចាប់ផ្តើមសេវារបស់ SIA ដើម្បីអាចឱ្យយើងបំពេញតម្រូវការសម្រាប់ការធ្វើដំណើរដែលចេះតែកើនឡើងឥតឈប់ឈរចំពោះគោលដៅដែលពេញនិយមមួយនេះ ៕
ចែករំលែកព័តមាននេះ