បណ្តាញអីុនធើរណេតមួយរបស់ប្រទេសម៉ូរីតានីបានចេញផ្សាុយកាលពីថ្ងៃទី៨ កញ្ញា នូវវីដេអូមួយដែលបង្ហាញចំណាប់ខ្មាំងជនជាតិបារំាង៤នាក់ស្ថិតក្នុងកណ្តាប់ដៃពួកអាល់កៃដា នៅសាហែលដែលអំពាវនាវឱ្យមានការចរចាដើម្បីដោះលែងពួកគេ ។
វីដេអូនេះថតកាលពីដំណាច់ខែ សីហា ហើយចាក់ផ្សាយខណៈសល់ពេល៨ថ្ងៃទៀតដល់ខួបគម្រប់២ឆ្នាំនៃការចាប់ពង្រត់អ្នកទាំងនោះនៅប្រទេសនីហ្ស័រ ។
បណ្តាញអីុនធើរណេតមួយរបស់ប្រទេសម៉ូរីតានីបានចេញផ្សាុយកាលពីថ្ងៃទី៨ កញ្ញា នូវវីដេអូមួយដែលបង្ហាញចំណាប់ខ្មាំងជនជាតិបារំាង៤នាក់ស្ថិតក្នុងកណ្តាប់ដៃពួកអាល់កៃដា នៅសាហែលដែលអំពាវនាវឱ្យមានការចរចាដើម្បីដោះលែងពួកគេ ។
វីដេអូនេះថតកាលពីដំណាច់ខែ សីហា ហើយចាក់ផ្សាយខណៈសល់ពេល៨ថ្ងៃទៀតដល់ខួបគម្រប់២ឆ្នាំនៃការចាប់ពង្រត់អ្នកទាំងនោះនៅប្រទេសនីហ្ស័រ ។
ក្នុងវីដេអូនោះចាក់ផ្សាយកាលពីថ្ងៃទី៧ កញ្ញា ដោយSAHARA MEDIAS ចំណាប់ខ្មាំងម្នាក់ក្នុងចំណោមចំណាប់ខ្មាំងទាំង៤នាក់នោះនិយាយថា យើងបង្ហាញខ្លួនថតវីដេអូនោះនាថ្ងៃទី២៩ សីហា ២០១២ ។ ប្រការនេះបង្ហាញថា យើងជាប់ជាចំណាប់ខ្មាំងរយៈពេល២ឆ្នាំហើយ ។
វីដេអូនោះបញ្ជាក់ថាចំណាប់ខ្មាំងទាំង៤នាក់ទោះបីពួកគេមានរូបរាងស្គមស្គាំង ហេវហត់ ក៏ប៉ុន្តែពួកគេនៅរស់ ។ តាមវីដេអូចំណាប់ខ្មាំងទាំងនោះអំពាវនាវដល់សាច់ញាតិបណ្តានិយោជក និងអាជ្ញាធរបារំាងធ្វើការចរចាដើម្បីឱ្យទទួលបានការដោះលែងពួកគេ ។ ពួកគេទទូចជាពិសេសដល់និយោជក ក្រុមហ៊ុននុយក្លេអ៊ែរ សាធារណៈបារំាង AREVAនិងនិយោជកក្រុមហ៊ុនដៃគូ SATOM ឱ្យធ្វើអន្តរាគមន៍ ។ ជនជាតិបារំាងទាំង៤នាក់នោះត្រូវចាប់ពង្រត់កាលពីថ្ងៃទី១៦ កញ្ញា ឆ្នាំ២០១០ នៅ ARLIT ភាគខាងជើងនីហ្ស័រ ហើយចាប់តាំងពីពេលនោះមកស្ថិតក្នុងកណ្តាប់ដៃអាល់កៃដាតំបន់MAGHREB អ៊ិស្លាម AQMI ។ ពួកនោះបានចាប់ជាមួយគ្នានូវមនុស្ស៣នាក់ទៀតដែលក្រោយមកត្រូវបានដោះលែង ៕
ចែករំលែកព័តមាននេះ