ប្រធានាធិបតីឡាវលោក ជុំម៉ាលីសៃយ៉ាសន និងរដ្ឋមន្ត្រីការពារប្រទេសនិងជាទីប្រឹក្សារដ្ឋចិន លោកLIANG GUANGLIE កាលពីថ្ងៃទី៧ កញ្ញា កន្លងមកនេះបានជួបពិភាក្សាគ្នានៅទីក្រុងវៀងចន្ទ ពីការជំរុញពង្រីកទំនាក់ទំនងរវាងប្រទេសទាំង២ ។លោកសៃយ៉ាសន ដែលជាអគ្គលេខាគណបក្សប្រជាជនបដិវត្តន៍ឡាវដែរនោះថ្លែងពេលជួបគ្នាថាប្រទេសចិនជាមិត្តជិតដិតមួយនិងជា
ប្រធានាធិបតីឡាវលោក ជុំម៉ាលីសៃយ៉ាសន និងរដ្ឋមន្ត្រីការពារប្រទេសនិងជាទីប្រឹក្សារដ្ឋចិន លោកLIANG GUANGLIE កាលពីថ្ងៃទី៧ កញ្ញា កន្លងមកនេះបានជួបពិភាក្សាគ្នានៅទីក្រុងវៀងចន្ទ ពីការជំរុញពង្រីកទំនាក់ទំនងរវាងប្រទេសទាំង២ ។លោកសៃយ៉ាសន ដែលជាអគ្គលេខាគណបក្សប្រជាជនបដិវត្តន៍ឡាវដែរនោះថ្លែងពេលជួបគ្នាថាប្រទេសចិនជាមិត្តជិតដិតមួយនិងជាដៃគូយុទ្ធសាស្ត្ររបស់ប្រទេសលោក ។
ឡាវនិងចិនបានបំពេញនូវកិច្ចការគួរឱ្យកត់សម្គាល់ជាច្រើនដោយសារកិច្ចសហប្រតិបត្តិការក្នុងវិស័យការពារនិងសន្តិសុខ ។ លោកក៏គូសបញ្ជាក់ផងដែរថាឡាវវាយតម្លៃខ្ពស់ចំពោះការគាំទ្រនិងជំនួួយរយៈពេលយូររបស់ក្រុងប៉េកាំងដោយលោកបន្តថា ប្រទេសរបស់លោកនឹងជំរុញ ទំនាក់ទំនងយោធាទ្វេភាគីជាមួយចិន ។
ចំណែកលោកLIANG វិញអះអាងថា ចិននិងឡាវកត់សម្គាល់ឃើញការពង្រីកជាបន្តបន្ទាប់ក្នុងវិស័យនយោយបាយសេដ្ឋកិច្ច យោធានិងវប្បធម៌ និងវិស័យកិច្ចសហប្រតិបត្តិការចាប់តាំងពីការបង្កើតទំនាក់ទំនងការទូតនឹងគ្នា រយៈពេល៥១ឆ្នាំមកហើយ។
លោកLIANG នាថ្ងៃទី៧ កញ្ញា ក៏បានជួបពិភាក្សាគ្នាដែរជាមួយរដ្ឋមន្ត្រីការពារប្រទេសឡាវលោកឌូអាងឆៃភីជិត ហើយរដ្ឋមន្ត្រីទាំង២បានពិភាក្សាគ្នា ពីទំនាក់ទំនងរវាងកងទ័ពទាំង២ និងពីសភាពការណ៍សន្តិសុខ តំបន់និងអន្តរជាតិ។
លោកLIANGបានមកដល់ក្រុងវៀងចន្ទកាលពីថ្ងៃទី៦ កញ្ញា ដើម្បីបំពេញទស្សនកិច្ចផ្លូវការមួយដែលនោះជាដំណាក់កាលចុងក្រោយនៃដំណើរទស្សនកិច្ចរបស់លោកនៅអាស៊ី ដែលបាននាំលោកទៅកាន់ប្រទេសស្រីលង្កានិងឥណ្ឌា ៕
ចែករំលែកព័តមាននេះ