យោងតាមតុល្យការថ្មីថា មនុស្សឡើងដល់យ៉ាងតិច៨០នាក់ហើយបានត្រូវស្លា.ប់ដោយសារការរញ្ជួយដីនិងការញ័រកក្រើកដីជាច្រើនទៀតកាលពីថ្ងៃទី៧ កញ្ញា កន្លងមកនេះ ក្នុងតំបន់ភ្នំមួយ នៅខេត្តយុនណាន់ ភាគនិរតីចិន ។ពួកអ្នកជួយសង្គ្រោះខេត្តយុនណាន់ និយាយថាពួកគេបានចូលទៅដល់៩០%នៃស្រុកទាំង៦ នៅតំបន់ហ្សាវតុង ដែលមានប្រជាជនជាង៧៤០.០០០នាក់
យោងតាមតុល្យការថ្មីថា មនុស្សឡើងដល់យ៉ាងតិច៨០នាក់ហើយបានត្រូវស្លាប់ដោយសារការរញ្ជួយដីនិងការញ័រកក្រើកដីជាច្រើនទៀតកាលពីថ្ងៃទី៧ កញ្ញា កន្លងមកនេះ ក្នុងតំបន់ភ្នំមួយ នៅខេត្តយុនណាន់ ភាគនិរតីចិន ។ពួកអ្នកជួយសង្គ្រោះខេត្តយុនណាន់ និយាយថាពួកគេបានចូលទៅដល់៩០%នៃស្រុកទាំង៦ នៅតំបន់ហ្សាវតុង ដែលមានប្រជាជនជាង៧៤០.០០០នាក់ រងការប៉ះពាល់ដោយសារការរញ្ជួយដីនោះហើយ ។
ផ្នែកកិច្ចការស៊ីវិលខេត្តរាយការណ៍ថា រហូតមកទល់ពេលនេះការខូចខាតខាងសេដ្ឋកិច្ចដោយផ្ទាល់ទាក់ទិនដល់គ្រោះមហន្តរាយធម្មជាតិនេះមានប្រមាណជា៣,៥ពាន់លានយាន់ (៥៥១ លានដុល្លារ )។ការរញ្ជួយដី២ដែលមួយមានកម្លាំង៥,៧រីស្ទ័រមួយទៀតមានកម្លាំង៥,៦រីស្ទ័រ កើតមានពីថ្ងៃទី៧ កញ្ញា ជាបន្តបន្ទាប់គ្នាក្នុងតំបន់ព្រំប្រទល់ យីលៀងខេត្តយុនណាន់និងស្រុកវ៉ីនិញ ខេត្តហ្គីហ្សូ៊ ។ យោងតាមផ្នែកកិច្ចការស៊ីវិលចិនថា ការរញ្ជួយដីទាំងនេះញុំាងឱ្យដាច់ភ្លើងអគ្គិសនី ព្រមទាំងមានការហូរភក់់ និងបាក់ថ្ម ភ្នំរាំងខ្ទប់ផ្លូវថ្នល់ទាំងឡាយបណ្តាលឱ្យមានការលំបាកក្នុងការជួយសង្គ្រោះ។ ផ្ទះចំនួន៦.៦៥០ ខ្នង រងការបំផ្លាញ ហើយផ្ទះ៤៣០.០០០ខ្នងទៀតរងការខូចខាត ។
ប្រជាជន១០០.០០០នាក់ត្រូវជម្លៀសចេញហើយ ១០.០០០នាក់ទៀតទៅជ្រកនៅកន្លែងផ្សេងៗ។ ក្នុងការរញ្ជួយដីទាំងនោះសត្វពាហនៈ៤.០០០ក្បាលក៏ត្រូវងាប់ដែរ ៕
ចែករំលែកព័តមាននេះ