ក្រុងប៉ោយប៉ែត ៖ ភ្ញៀវទេសចរចម្រុះជាតិសាសន៍ដែលចូលមកកម្ពុជាតាមច្រកទ្វារអន្តរជាតិប៉ោយប៉ែត សម្រាប់ខែសីហា ២០១២ បើប្រៀបធៀបខែសីហា ២០១១ ភ្ញៀវថៃនៅតែជាភ្ញៀវនាំមុខគេ ហើយមានការកើនឡើងជាលំដាប់។
តាមលោកជង់ ឡឹម ប្រធានមន្ទីរទេសចរណ៍ខេត្តបន្ទាយមានជ័យ និងជាអនុប្រធានក្រុមការងារច្រកទ្វារប្រាប់កោះសន្តិភាពតាមទូរស័ព្ទនៅព្រឹកថ្ងៃទី៧ កញ្ញា ២០១២ ថា ភ្ញៀវចម្រុះជាតិសាសន៍ដែលចូលមកកម្ពុជាតាមច្រកទ្វារអន្តរជាតិប៉ោយប៉ែត បើប្រៀបធៀបភ្ញៀវសរុបខែសីហា ២០១២ និងខែសីហា ២០១១ គឺមានការកើនឡើង៣៣,៧៨% ហើយភ្ញៀវថៃឈរលំដាប់លេខ១ ដោយក្នុងខែសីហា ២០១២ ភ្ញៀវសរុបចម្រុះជាតិសាសន៍មានចំនួន៤៩.០៤៨នាក់ ឯភ្ញៀវសរុបខែសីហា ២០១១ មានតែ៣៦.៦៦១នាក់ ហើយបើប្រៀបធៀបខែសីហា ឆ្នាំ២០១២ភ្ញៀវថៃ កើនឡើង៩.៩៦១នាក់ ឯខែសីហា ២០១១ មានតែ៣.៧០៥នាក់ ។ ភ្ញៀវលំដាប់លេខ២ គឺភ្ញៀវរុស្ស៊ី, លេខ៣ ភ្ញៀវកូរ៉េ, លេខ៤ ភ្ញៀវបារាំង និងលេខ៥ ភ្ញៀវជប៉ុន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ