តាមការអង្កេតផ្នែកពាណិជ្ជកម្មបានបង្ហាញថា កំណើននៅក្នុងវិស័យផលិតកម្មឥណ្ឌាធ្លាក់ចុះដល់ទៅ៩ខែគិតត្រឹមខែសីហា ខណៈដែលការបញ្ជាទិញថយចុះនៅក្នុងខែទី២ ។ សន្ទស្សន៍ផលិតកម្មPuchasing Manager’Index សម្រាប់ខែទី២ធ្លាក់ចុះដល់៥២,៨%នៅក្នុងខែសីហា ដែលជាកម្រិតមួយទាបបំផុតចាប់តាំងពីខែវិច្ឆិកាឆ្នាំមុន ។
តាមការអង្កេតផ្នែកពាណិជ្ជកម្មបានបង្ហាញថា កំណើននៅក្នុងវិស័យផលិតកម្មឥណ្ឌាធ្លាក់ចុះដល់ទៅ៩ខែគិតត្រឹមខែសីហា ខណៈដែលការបញ្ជាទិញថយចុះនៅក្នុងខែទី២ ។ សន្ទស្សន៍ផលិតកម្មPuchasing Manager’Index សម្រាប់ខែទី២ធ្លាក់ចុះដល់៥២,៨%នៅក្នុងខែសីហា ដែលជាកម្រិតមួយទាបបំផុតចាប់តាំងពីខែវិច្ឆិកាឆ្នាំមុន ។
លោក លេហ្វ អេស្កេហ្សែន សេដ្ឋវិទូប្រចាំស្ថាប័ន HSBC ថ្លែងថា សន្ទុះល្បឿននៅក្នុងវិស័យផលិតកម្មបានធ្លាក់ចុះដោយសារតម្រូវការក្រៅប្រទេសធ្លាក់ចុះដែរ ហើយការថយចុះនៃទិន្នផលបង្កឡើងដោយការខកខានផ្គត់ផ្គង់អគ្គិសនីកាលពីដើមខែសីហា ។ ក្នុងនោះរដ្ឋចំនួន១៦នៅភាគខាងជើងឥណ្ឌា ផ្ទះសំបែងរាប់លានខ្នងត្រូវបានដាច់ចរន្តអគ្គិសនី ។
តាមទិន្នន័យមួយបង្ហាញថា សេដ្ឋកិច្ចឥណ្ឌាកើន៥,៥%នៅក្នុងត្រីមាសខែមិថុនា ស្ទើរតែឈានដល់ល្បឿនទាបបំផុតនៅក្នុងរយៈពេល៣ឆ្នាំកន្លងមកនេះ ។ តំបន់អឺរ៉ុបដែលជាដៃគូពាណិជ្ជកម្មធំបំផុតរបស់ឥណ្ឌាបានធ្លាក់ទៅក្នុងវិបត្តិបំណុលដែលចាប់ផ្តើមឡើងនៅក្រិកហើយទំនងជាប៉ះពាល់ដល់កំណើនសេដ្ឋកិច្ចក្នុងបណ្តាប្រទេសដែលមានសេដ្ឋកិច្ចធំៗដូចជា បារាំង និងអាល្លឺម៉ង់ ហើយមិនតែប៉ុណ្ណោះក៏បង្កហានិភ័យដល់សេដ្ឋកិច្ចឥណ្ឌាផងដែរ ៕
ចែករំលែកព័តមាននេះ