សភាពាណិជ្ជកម្មអង់គ្លេស (BCC)ដែលជាអង្គការពាណិជ្ជកម្មឈានមុខគេ បានទម្លាក់ការព្យាករកំណើនសេដ្ឋកិច្ចអង់គ្លេសកាលពីថ្ងៃសុក្រដោយស្នើសុំឱ្យមានសកម្មភាពច្បាស់លាស់ពីរដ្ឋាភិបាលអង់គ្លេសដើម្បីបញ្ចៀសប្រទេសចេញពីវិបត្តិនាពេលបច្ចុប្បន្ន ។ BCC ដែលតំណាងឱ្យក្រុមហ៊ុនជាង១០ម៉ឺននៅក្នុងប្រទេស បានសន្និដ្ឋានថា ផលិតផលក្នុងស្រុកនៅក្នុងឆ្នាំ២០១២ ធ្លាក់ចុះ
សភាពាណិជ្ជកម្មអង់គ្លេស (BCC)ដែលជាអង្គការពាណិជ្ជកម្មឈានមុខគេ បានទម្លាក់ការព្យាករកំណើនសេដ្ឋកិច្ចអង់គ្លេសកាលពីថ្ងៃសុក្រដោយស្នើសុំឱ្យមានសកម្មភាពច្បាស់លាស់ពីរដ្ឋាភិបាលអង់គ្លេសដើម្បីបញ្ចៀសប្រទេសចេញពីវិបត្តិនាពេលបច្ចុប្បន្ន ។ BCC ដែលតំណាងឱ្យក្រុមហ៊ុនជាង១០ម៉ឺននៅក្នុងប្រទេស បានសន្និដ្ឋានថា ផលិតផលក្នុងស្រុកនៅក្នុងឆ្នាំ២០១២ ធ្លាក់ចុះ០,៤% ហើយនៅក្នុងឆ្នាំ២០១៣ខាងមុខកើនបានតែ១,២%ប៉ុណ្ណោះ ។ តួលេខនេះគឺវាស្របទៅនឹងការព្យាកររបស់សហព័ន្ធឧស្សាហកម្មអង់គ្លេសដែលបានព្យាករកាលពីថ្ងៃព្រហស្បតិ៍ ។
សហព័ន្ធឧស្សាហកម្មនេះនិយាយថា អត្រាអត់ការងារធ្វើទំនងជាកើនដល់១៨៦.០០០នាក់ចន្លោះត្រីមាសទី២និងទី៣ឆ្នាំនេះ ។ ប៉ុន្តែសម្រាប់វិស័យសំណង់វិញ ជាដំណឹងមួយដ៏អាក្រក់បើតាមការព្យាករធ្លាក់ដល់ទៅ១,៧% នៅក្នុងឆ្នាំ២០១២នេះ ។ ក្រុមនេះបានស្នើសុំឱ្យរដ្ឋាភិបាលផ្តល់ការអនុគ្រោះការហូតពន្ធសម្រាប់ការចំណាយលើហេដ្ឋារចនាសម្ព័ន្ធដូចជាគ្រឿងចក្រជាដើមនិងបន្ធូរបន្ថយវិភាគទានធានារ៉ាប់រងជាតិដើម្បីលើកទឹកចិត្តការបង្កើតការងារ ។
កាលពីថ្ងៃព្រហស្បតិ៍កន្លងទៅ សហព័ន្ធឧស្សាហកម្មអង់គ្លេសនិយាយថា ផលិតផលក្នុងស្រុកសរុបអង់គ្លេសធ្លាក់ចុះ០,៣%នៅក្នុងឆ្នាំនេះ ហើយនៅឆ្នាំ២០១៣ខាងមុខនឹងកើន១,២% ។ ប្រទេសអង់គ្លេសកំពុងតែវិលវល់នឹងការធ្លាក់ចុះផ្នែកសេដ្ឋកិច្ច ហើយបើតាមតួលេខផ្លូវការបង្ហាញថា សេដ្ឋកិច្ចក្នុងប្រទេសធ្លាក់ចុះ០,៥% នៅក្នុងត្រីមាសទី២ឆ្នាំនេះ ៕
ចែករំលែកព័តមាននេះ