ក្រុងប៉ោយប៉ែត ៖ ប្រភពព័ត៌មានតាមបន្ទាត់ព្រំដែនបានឱ្យដឹងថា អង្ករ និងស្រូវនៅខេត្តចំនួន៣ ជាប់គ្នា គឺខេត្តបន្ទាយមានជ័យ បាត់ដំបង និងប៉ៃលិន ឈមនឹងខេត្ត២របស់ប្រទេសថៃ គឺខេត្តស្រះកែវ និងចាន់បុរី កំពុងមានការកកស្ទះរាប់សិបឡានដែលការកកស្ទះនេះកើតឡើងរយៈពេល៣ថ្ងៃមកហើយ គឺតាំងពីថ្ងៃទី៣ រហូតដល់ថ្ងៃទី៥ កញ្ញា ២០១២ ដោយសារការបិទមិនឱ្យនាំចូលពីភាគីថៃ ។
ក្រុងប៉ោយប៉ែត ៖ ប្រភពព័ត៌មានតាមបន្ទាត់ព្រំដែនបានឱ្យដឹងថា អង្ករ និងស្រូវនៅខេត្តចំនួន៣ ជាប់គ្នា គឺខេត្តបន្ទាយមានជ័យ បាត់ដំបង និងប៉ៃលិន ឈមនឹងខេត្ត២របស់ប្រទេសថៃ គឺខេត្តស្រះកែវ និងចាន់បុរី កំពុងមានការកកស្ទះរាប់សិបឡានដែលការកកស្ទះនេះកើតឡើងរយៈពេល៣ថ្ងៃមកហើយ គឺតាំងពីថ្ងៃទី៣ រហូតដល់ថ្ងៃទី៥ កញ្ញា ២០១២ ដោយសារការបិទមិនឱ្យនាំចូលពីភាគីថៃ ។
ស្របពេលដែលមានប្រភពអះអាងថា អង្ករ និងស្រូវនៅបន្ទាត់ព្រំដែនមានការកកស្ទះនៅព្រំដែនក្នុងខេត្តបន្ទាយមានជ័យ ដូចជាច្រករបៀងភូមិជោគជ័យ ច្រកអូរបីជាន់ក្នុងស្រុកអូរជ្រៅក៏ដូចជាច្រកមួយចំនួនទៀតក្នុងស្រុកថ្មពួក គេឃើញរថយន្តផ្ទុកអង្ករ និងស្រូវជាច្រើនគ្រឿងបានចតត្រៀបត្រាកកស្ទះមិនអាចនាំចេញបាន ។ តាមលោកសួង មឿន មេឃុំអូរបីជាន់ បានប្រាប់កោះសន្តិភាពថា ការបិទមិនឱ្យនាំចូលអង្ករ និងស្រូវនៅបន្ទាត់ព្រំដែនក្នុងឃុំអូរបីជាន់ ពីសំណាក់ភាគីថៃបានកើតឡើងរយៈពេល៣ថ្ងៃមកហើយ ដោយការបិទមិនឱ្យនាំចូលស្រូវ និងអង្ករនោះភាគីថៃមិនបានប្រាប់ពីមូលហេតុទេ ។ ប្រភពបន្តថា ពីមុនមានការនាំចូលស្រូវអង្កររាល់ថ្ងៃពីកម្ពុជា ទៅថៃ តាមបន្ទាត់ព្រំដែនពុំដែលមានការផ្អាកដូច្នេះឡើយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ