ខេត្តកំពត ៖ កុមារាអាយុជាង១ឆ្នាំម្នាក់បានឆក់ខ្សែភ្លើងស្លា.ប់ភ្លាមៗនៅនឹងកន្លែងក្នុងផ្ទះរបស់ខ្លួន ខណៈកុមារារូបនោះភ្ញាក់ពីដំណេកវែកមុងចេញរួចយកដៃទៅកាន់ខ្សែភ្លើងនៅក្តារកុងម៉ាដែលឪពុកដាក់ផ្ទាល់នឹងដីក្បែរក្បាលដំណេកជាប់មាត់ទ្វារខាងក្នុងផ្ទះ កាលពីវេលាម៉ោង៥និង៣០នាទីព្រឹកថ្ងៃទី៥ កញ្ញា ២០១២ នៅក្នុងផ្ទះរបស់កុមារារងគ្រោះ ស្ថិតក្នុងភូមិក្រាំង សង្កាត់ក្រាំងអំពិល ក្រុងកំពត។
ខេត្តកំពត ៖ កុមារាអាយុជាង១ឆ្នាំម្នាក់បានឆក់ខ្សែភ្លើងស្លាប់ភ្លាមៗនៅនឹងកន្លែងក្នុងផ្ទះរបស់ខ្លួន ខណៈកុមារារូបនោះភ្ញាក់ពីដំណេកវែកមុងចេញរួចយកដៃទៅកាន់ខ្សែភ្លើងនៅក្តារកុងម៉ាដែលឪពុកដាក់ផ្ទាល់នឹងដីក្បែរក្បាលដំណេកជាប់មាត់ទ្វារខាងក្នុងផ្ទះ កាលពីវេលាម៉ោង៥និង៣០នាទីព្រឹកថ្ងៃទី៥ កញ្ញា ២០១២ នៅក្នុងផ្ទះរបស់កុមារារងគ្រោះ ស្ថិតក្នុងភូមិក្រាំង សង្កាត់ក្រាំងអំពិល ក្រុងកំពត។
តាមស្ត្រីជាម្តាយឈ្មោះស្រី ឌៀប អាយុ២៩ឆ្នាំ ឱ្យដឹងថា កុមារារងគ្រោះឈ្មោះសុខ សម្បត្តិ អាយុជាង១ឆ្នាំ ជាកូនទីបីក្នុងចំណោមកូនប្រុសទាំង៣នាក់។ តាមស្ត្រីជាម្តាយឱ្យដឹងទៀតថា មុនពេលកើតហេតុនៅល្ងាចថ្ងៃទី៤ កញ្ញា មានភ្លៀងខ្លាំងដោយសារនៅកន្លែងដេកក្នុងផ្ទះភ្លៀងស្រក់ រួចក៏នាំ ប្តីប្រពន្ធ និងកូនមកចងមុងដេកមុខមាត់ទ្វារផ្ទាល់ដីនៅក្នុងផ្ទះ ហើយនៅក្បាលដំណេកបុរសជាប្តីបានដាក់ក្តារកុងម៉ាដែលចិនយួនគេនិយមគោរពម្ចាស់ទឹកម្ចាស់ដី ដោយមានតាំងភ្លើងអគ្គិសនីជំនួសធូបទៀនផង ។ លុះដល់ម៉ោង៥និង៣០នាទីព្រឹកកកូនៗទាំង៣នាក់បានភ្ញាក់ពីដំណេកខ្លួនជាម្តាយក៏ភ្ញាក់ដែរ ប៉ុន្តែមិនទាន់ក្រោកឡើង ស្រាប់តែឃើញកូនតូចជាងគេវែកមុងចេញរួចយកដៃទៅកាន់ខ្សែភ្លើងនៅក្តារកុងម៉ានោះ រូបគាត់ក៏ស្ទុះទៅទាញកូនចេញឃើញម្រាមដៃទាំង៥របស់កូនឡើងក្រញង់ ទើបដឹងថា កូនឆក់ខ្សែភ្លើង ពេលនោះបានភ្ញាក់ឆោឡោបម្រុងដឹកកូនទៅមន្ទីរពេទ្យតែដោយចរន្តខ្សែភ្លើងនោះមានកម្រិតធ្ងន់ ទើបបណ្តាលឱ្យកូនប្រុសរបស់គាត់ដាច់ខ្សល់ស្លាប់ភ្លាមៗតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ