ក្រុងប៉ោយប៉ែត ៖ សាច់មាន់ និងស៊ុតខូចគុណភាពរាប់រយគីឡូក្រាមបង្កប់តាមរទេះអូសពីប្រទេសថៃចូលមកកម្ពុជាតាមច្រកទ្វារអន្តរជាតិប៉ោយប៉ែត ត្រូវបានក្រុមមន្ត្រីជំនាញកាំកុងត្រូលឈរជើងនៅមាត់ច្រកទ្វារអន្តរជាតិប៉ោយប៉ែត ឃាត់ចាប់បានកាលពីវេលាម៉ោងប្រមាណ៩និង៣០នាទីព្រឹកថ្ងៃទី៥ កញ្ញា ២០១២ នេះ ។
ក្រុងប៉ោយប៉ែត ៖ សាច់មាន់ និងស៊ុតខូចគុណភាពរាប់រយគីឡូក្រាមបង្កប់តាមរទេះអូសពីប្រទេសថៃចូលមកកម្ពុជាតាមច្រកទ្វារអន្តរជាតិប៉ោយប៉ែត ត្រូវបានក្រុមមន្ត្រីជំនាញកាំកុងត្រូលឈរជើងនៅមាត់ច្រកទ្វារអន្តរជាតិប៉ោយប៉ែត ឃាត់ចាប់បានកាលពីវេលាម៉ោងប្រមាណ៩និង៣០នាទីព្រឹកថ្ងៃទី៥ កញ្ញា ២០១២ នេះ ។
តាមប្រភពពីមន្ត្រីជំនាញកាំកុងត្រូលឈរជើងនៅមាត់ច្រកបានឱ្យដឹងថា រទេះចំនួន៤ដែលអូសដឹកបន្លែផ្លែឈើ រួមទាំងត្រីផងនោះបានអូសពីប្រទេសថៃចូលមកកម្ពុជាតាមច្រកទ្វារអន្តរជាតិប៉ោយប៉ែត លុះមកដល់ចំណុចមន្ត្រីជំនាញឈរជើងបានឆែកឆេររកឃើញមានសាច់ និងស៊ុតមាន់ខូចគុណភាពបានលួចដាក់បង្កប់នៅក្នុងរទេះនោះ ហើយត្រូវបានឃាត់ទុកតែម្តង ដើម្បីយកទៅធ្វើការដុតកម្ទេចចោលផងដែរ និងគោរពទៅតាមបទបញ្ជារបស់ថ្នាក់ដឹកនាំ ។ ប្រភពបន្តថា សាច់ និងស៊ុតមាន់ខូចគុណភាពទាំងអស់នេះក្រុមមន្ត្រីជំនាញកាំកុងត្រូលដែលឈរជើងនៅមាត់ច្រកទ្វារអន្តរជាតិប៉ោយប៉ែតនេះ មិនអនុញ្ញាតឱ្យមានការនាំចូលដោយខុសច្បាប់នោះឡើយ ដោយសារជាបញ្ហាធ្វើឱ្យខូចសុខភាពដល់ពលរដ្ឋដែលបានបរិភោគសាច់ និងស៊ុតមាន់ខូចគុណភាពអស់ទាំងនេះ ។
លោកស៊ាន ស៊ីណាត អនុប្រធានសាខាកាំកុងត្រូល និងជាប្រធានក្រុមមន្ត្រីជំនាញកាំកុងត្រូលឈរជើងនៅមាត់ច្រកប៉ោយប៉ែតបានឱ្យដឹងថា រទេះដឹកសាច់មាន់ចំនួន៤រទេះនេះ ក្រោយពេលមន្ត្រីរបស់លោកឃាត់រទេះឆែកឆេរ ស្រាប់តែកម្មករអូសរទេះនោះបាននាំគ្នាគេចខ្លួនបាត់អស់បន្សល់ទុក តែរទេះដែលលួចបង្កប់ដឹកសាច់ និងស៊ុតមាន់ខូចគុណភាពទាំងអស់នេះចោលនៅកន្លែងកើតហេតុ ហើយបន្ទាប់មកត្រូវបានជំនាញយកទៅស្នាក់ការក្រុងប៉ោយប៉ែត ដើម្បីធ្វើការដុតកម្ទេចចោលនៅរសៀលថ្ងៃដដែលនេះតែម្តង ៕
ចែករំលែកព័តមាននេះ