រាជធានីភ្នំពេញ ៖ លោកហ៊ុន សាមុត ប្រធាននាយកដ្ឋានអប់រំកាយ និងកីឡា បានឱ្យដឹងថា ការប្រកួតកីឡាជ្រើសរើសជើងឯកទូទាំងប្រទេសក្របខ័ណ្ឌ ក-១ និងក-២ នឹងរៀបចំឡើងនៅខេត្តពោធិ៍សាត់ ចាប់ពីថ្ងៃទី៥ កញ្ញា តទៅហើយលើប្រភេទវិញ្ញាសាបាល់ទាត់ក្របខ័ណ្ឌក-១ និងក-២ បាល់ទះបុរស-នារីក្របខ័ណ្ឌក-១ និងក-២ បាល់បោះបុរស-នារីក្របខ័ណ្ឌក-១ និងក-២ និងអត្តពលកម្ម ។
រាជធានីភ្នំពេញ ៖ លោកហ៊ុន សាមុត ប្រធាននាយកដ្ឋានអប់រំកាយ និងកីឡា បានឱ្យដឹងថា ការប្រកួតកីឡាជ្រើសរើសជើងឯកទូទាំងប្រទេសក្របខ័ណ្ឌ ក-១ និងក-២ នឹងរៀបចំឡើងនៅខេត្តពោធិ៍សាត់ ចាប់ពីថ្ងៃទី៥ កញ្ញា តទៅហើយលើប្រភេទវិញ្ញាសាបាល់ទាត់ក្របខ័ណ្ឌក-១ និងក-២ បាល់ទះបុរស-នារីក្របខ័ណ្ឌក-១ និងក-២ បាល់បោះបុរស-នារីក្របខ័ណ្ឌក-១ និងក-២ និងអត្តពលកម្ម ។
សម្រាប់ប្រភេទកីឡាបាល់ទាត់ក្របខ័ណ្ឌ ក-១ គឺមាន១០ក្រុម និងក្របខ័ណ្ឌក-២ មាន១០ក្រុម ។ ក្រុមកីឡាដែលលេងនៅក្របខ័ណ្ឌ ក-១ បើការប្រកួតទទួលបានចំណាត់ថ្នាក់លេខ១ និងលេខ២ នោះនឹងបានឡើងទៅលេងក្នុងក្របខ័ណ្ឌ League នាឆ្នាំក្រោយ ចំណែកក្រុមដែលលេងក្នុងក្របខ័ណ្ឌក-២ បើទទួលបានចំណាត់ថ្នាក់លេខ១ និងលេខ២ នោះនឹងបានឡើងលេងនៅក្របខ័ណ្ឌក-១ នាឆ្នាំក្រោយទៀត ។ សម្រាប់ប្រភេទកីឡាអត្តពលកម្មវិញ ប្រកួតជើងឯកទូទាំងប្រទេសបែបនេះអាចមានបន្ថែមវិញ្ញាសាមួយចំនួនទៀតដូចជា ចោលស្ន ចោលថាស រត់ពាក់កណ្តាលម៉ារ៉ាតុង រត់ម៉ារ៉ាតុង និងវិញ្ញាសាលោតបណ្តាក់៣ដង ។
គួរបញ្ជាក់ថា សម្រាប់ប្រភេទកីឡាអត្តពលកម្មមានកីឡាករចូលរួមចំនួន២១ក្រុម ។ ចំពោះប្រភេទកីឡាបាល់បោះ និងបាល់ទះវិញ សម្រាប់ក្របខ័ណ្ឌក-២ មាន១០ក្រុមដូចគ្នា តែក្របខ័ណ្ឌក-១ នៅមិនទាន់ដឹងនៅឡើយទេទាល់តែទៅដល់ខេត្តពោធិ៍សាត់ដែលជាកន្លែងប្រកួតទើបដឹង ។ តាមគម្រោងការប្រកួតជ្រើសរើសជើងឯកទូទាំងប្រទេសនេះនឹងបញ្ចប់នៅថ្ងៃទី១៩ កញ្ញា ខាងមុខ ៕
ចែករំលែកព័តមាននេះ