កីឡាករអង់គ្លេស Jenson Buttonបានសម្តែងនូវក្តីរីករាយជាខ្លាំងបន្ទាប់ពីរូបគេបានយកឈ្នះជើងឯកកម្មវិធី Belgian F1 Grand Prixនៅទីលានប្រណាំងSpa-Francorchamps circuitក្រុង Spa-Francorchampsប្រទេសបែលហ្ស៊ិកកាលពីថ្ងៃអាទិត្យទី២ខែកញ្ញាកន្លង មកនេះ ។
កីឡាករអង់គ្លេស Jenson Buttonបានសម្តែងនូវក្តីរីករាយជាខ្លាំងបន្ទាប់ពីរូបគេបានយកឈ្នះជើងឯកកម្មវិធី Belgian F1 Grand Prixនៅទីលានប្រណាំងSpa-Francorchamps circuitក្រុង Spa-Francorchampsប្រទេសបែលហ្ស៊ិកកាលពីថ្ងៃអាទិត្យទី២ខែកញ្ញាកន្លង មកនេះ ។
Buttonវ័យ៣២ឆ្នាំបើកបរឱ្យក្រុមប្រណាំងម៉ាកឡារ៉ឹនបានបញ្ចប់ការប្រណាំង៤៤ជុំស្មើនឹងចម្ងាយផ្លូវ៣០៨,០៥២គីឡូម៉ែត្រដោយប្រើអស់ថិរវេលា១ម៉ោង២៩នាទីនិង០៨.៥៣០វិនាទីដណ្តើមបានពានជើងឯកយកមកគ្រប់គ្រងជាលើកទី២ក្នុងឆ្នាំថ្មី។ កីឡាករដែលបើកលឿនដណ្តើមបានចំណាត់ថ្នាក់លេខ២បានទៅលើកីឡាករអាល្លឺម៉ង់សេបាស្ទៀន វេតទែល ។ វេតទែលដែលបើកបរឱ្យក្រុមរេដប៊ុលបានបញ្ចប់ការប្រណាំងក្នុងថិរវេលាយឺតជាង Button ១៣.៦២៤វិនាទី ។
ចំណែកកីឡាករដែលបើកលឿនដណ្តើមបានចំណាត់ថ្នាក់លេខ៣បានទៅលើ Kimi Raikkonen។ Raikkonenសញ្ជាតិហ្វាំងឡង់បើកបរឱ្យក្រុមLotusបានបញ្ចប់ការប្រណាំងដោយប្រើថិរវេលាយឺតជាង Button ២៥.៣៣៤វិនាទី។សម្រាប់Buttonនេះគឺជាជ័យជម្នះជើងឯកលើកទី២របស់ខ្លួននៅក្នុងរដូវកាលប្រណាំងឆ្នាំ២០១២នេះ ហើយបើនិយាយនៅក្នុងអាជីពវិញ នេះគឺជាជ័យជម្នះលើកទី១៤ហើយ ។ ជើងឯកពិភពលោកឆ្នាំ២០០៩រូបនេះ បានថ្លែងថា៖«ជ័យជម្នះលើកនេះធ្វើឱ្យខ្ញុំមិនអាចរកអ្វីមកថ្លែងពីអារម្មណ៍បានទេ។ គឺជាជ័យជម្នះដ៏ត្រចះត្រចង់បំផុត។ វាជាឱកាសដ៏វិសេសវិសាលបំផុត»។
កីឡាករជើងខ្លាំងពិភពលោករបស់អាល្លឺម៉ង់ Michael Schumacherបញ្ចប់ការប្រណាំងក្នុងលំដាប់ទី៧។ កីឡាករវ័យ៤៣ឆ្នាំរូបនេះប្រើអស់ថិរវេលាច្រើនជាង Button ៥៣.៣៧៤វិនាទីតាមពីក្រោយកីឡាករ៣រូបក្នុងនោះមាន កីឡាករមិត្តរួមជាតិ Nico Hulkenberg កីឡាករប្រេស៊ីល Felipe Massa និងកីឡាករអូស្ត្រាលី Mark Webber។
ចំណែកនៅលើតារាងជើងឯកពិភពលោកវិញ បន្ទាប់ពីបញ្ចប់ការប្រណំាំងលើកនេះ (ជុំទី១២) កីឡាករអង់គ្លេសButtonស្ថិតនៅលំដាប់ទី៦មាន១០១ពិន្ទុ ។ ឯកីឡាករអាល្លឺម៉ង់វេតទែលស្ថិតនៅលំដាប់ទី២មាន១៤០ពិន្ទុនាំមុខកីឡាករMark Webberដែលស្ថិតនៅលំដាប់ទី៣មាន១៣២ពិន្ទុ។ ឯកីឡាករអេស្ប៉ាញ Fernando Alonsoស្ថិតនៅលំដាប់ទី១មាន១៦៤ពិន្ទុ ៕
ចែករំលែកព័តមាននេះ