កីឡាករអាហ្វ្រិកខាងត្បូង Louis Oosthuizenកំពុងសម្លឹងរកពានជើងឯកកម្មវិធី Deutsche Bank Championshipប្រចាំឆ្នាំ២០១២បន្ទាប់ពីរូបគេបានយកឈ្នះជុំទី៣នៅទីលាន TPC Bostonស្ថិតក្នុងទីក្រុង Nortonរដ្ឋ Massachusettsសហរដ្ឋអាមេរិកកាលពីថ្ងៃ អាទិត្យទី២កញ្ញាកន្លងមកនេះ ។
កីឡាករអាហ្វ្រិកខាងត្បូង Louis Oosthuizenកំពុងសម្លឹងរកពានជើងឯកកម្មវិធី Deutsche Bank Championshipប្រចាំឆ្នាំ២០១២បន្ទាប់ពីរូបគេបានយកឈ្នះជុំទី៣នៅទីលាន TPC Bostonស្ថិតក្នុងទីក្រុង Nortonរដ្ឋ Massachusettsសហរដ្ឋអាមេរិកកាលពីថ្ងៃ អាទិត្យទី២កញ្ញាកន្លងមកនេះ ។
Oosthuizenបញ្ចប់ជុំទី៣ជាមួយលទ្ធផល ៨អាន់ឌ័រ ៦៣ ។ សរុបលទ្ធផលទាំង៣ជុំប្រកួត គេធ្វើបានលទ្ធផល ១៩អាន់ឌ័រ ១៩៤ ។ កីឡាករអៀរឡង់ខាងជើងរ៉ូរី ម៉ាកអុីលរ៉យបញ្ចប់ការប្រកួត៣ជុំធ្វើបានលទ្ធផលសរុប ១៦អាន់ឌ័រ ១៩៧ស្ថិតនៅលំដាប់ទី២ ។ សូមបញ្ជាក់ថា កីឡាករម៉ាកអុីលរ៉យទើបតែដណ្តើមបានពានជើងឯកក្របខណ្ឌធំ PGA Tourចំនួន២លើកប៉ុណ្ណោះក្នុងអាជីព ។
ជ័យជម្នះលើកទី២របស់គេកើតមាននៅក្នុងកម្មវិធី PGA Championshipកាលពីខែសីហា ។ ដោយឡែកក្នុងកម្មវិធីនេះ គេបាននាំមុខអស់២ជុំគឺជុំទី១និងទី២ ។ គេបានថ្លែងថា ៖«ឥឡូវនេះ ខ្ញុំបានមកចូលរួមកម្មវិធីនេះហើយ ។ អ្វីដែលខ្ញុំប្រាថ្នាគឺលេងឱ្យបានល្អតាមដែលអាចធ្វើទៅបាន ។ ខ្ញុំ ប្រហែលជាអាចធ្វើការវាយតម្លៃអ្វីៗសាជាថ្មីមុននឹងចូលប្រកួតក្នុងថ្ងៃផ្តាច់ព្រ័ត្រ ។ តែយ៉ាងណា ខ្ញុំសប្បាយចិត្តជាខ្លាំងចំពោះលទ្ធផលនៅ២ថ្ងៃ ដំបូង ។ ខ្ញុំដឹងថា ចាំបាច់ត្រូវតែធ្វើឱ្យបានល្អជាងនេះទៀតនៅថ្ងៃស្អែកទើបធានាបានថា អ្វីៗមិនងាយប្រែប្រួលដូចជាថ្ងៃនេះ »។
តាមពីក្រោយ៣ស្ត្រូកគឺកីឡាករអាមេរិកថៃហ្គ័រ វូដនិង Dustin Johnson ។ អ្នកទាំង២ឆ្លងកាត់៣ជុំប្រកួតធ្វើបានលទ្ធផលស្មើគ្នាគឺ ១៣អាន់ឌ័រ ២០០ស្ថិតនៅចំណាត់ថ្នាក់លេខ៣ស្ទួន ។ ព្រឹត្តិការណ៍ប្រកួត Deutsche Bank Championshipមានទឹកប្រាក់រង្វាន់សរុប ៨លានដុល្លារអាមេរិក ៕
ចែករំលែកព័តមាននេះ