នាងម៉ារីយ៉ា សារ៉ាប៉ូវ៉ា កីឡាការិនីវាយកូនបាល់ជនជាតិរុស្ស៊ីបានត្រឡប់ទៅរស់នៅម្នាក់ឯងវិញ ក្រោយពីចែកផ្លូវគ្នាជាមួយលោកសាសា វូចាស៊ីស ជាគូដណ្តឹងនិងជាកីឡាករបាល់បោះជនជាតិស្លូវ៉េនី ដោយសារតែគ្មានពេលវេលានៅក្បែរគ្នាឱ្យបានគ្រប់គ្រាន់ ។
កីឡាការិនីវាយកូនបាល់អាយុ២៥ឆ្នាំរូបនេះ មានគម្រោងរៀបការជាមួយគូដណ្តឹងជាកីឡាករបាល់បោះនៅប្រទេសតួកគី ក្នុងខែ
នាងម៉ារីយ៉ា សារ៉ាប៉ូវ៉ា កីឡាការិនីវាយកូនបាល់ជនជាតិរុស្ស៊ីបានត្រឡប់ទៅរស់នៅម្នាក់ឯងវិញ ក្រោយពីចែកផ្លូវគ្នាជាមួយលោកសាសា វូចាស៊ីស ជាគូដណ្តឹងនិងជាកីឡាករបាល់បោះជនជាតិស្លូវ៉េនី ដោយសារតែគ្មានពេលវេលានៅក្បែរគ្នាឱ្យបានគ្រប់គ្រាន់ ។
កីឡាការិនីវាយកូនបាល់អាយុ២៥ឆ្នាំរូបនេះ មានគម្រោងរៀបការជាមួយគូដណ្តឹងជាកីឡាករបាល់បោះនៅប្រទេសតួកគី ក្នុងខែវិច្ឆិកាខាងមុខ ប៉ុន្តែជាចុងក្រោយនេះបណ្តាអ្នកគាំទ្ររបស់អ្នកទាំង២ប្រហែលជាខកបំណង ដោយសារនាងបានបង្ហើបឱ្យដឹងក្រោយពីចប់ការប្រកួតកាលពីថ្ងៃទី៣១ សីហា កន្លងមកថា សេ្នហារបស់នាងជាមួយលោកវូចាស៊ីស បានបញ្ចប់ ។
ខណៈពេលដែលអ្នកសារព័ត៌មានសាកសួរពីធាតុពិតនៃហេតុការណ៍ខាងលើនាងសារ៉ាប៉ូវ៉ានិយាយថា«នេះជាការពិត គ្រប់យ៉ាងបានបញ្ចប់តាំងពីរដូវស្លឹកឈើជ្រុះមកម្ល៉េះ ហើយខ្ញុំកំពុងរង់ចាំថានឹងមាននរណាម្នាក់សាកសួរពីរឿងនេះ ប៉ុន្តែជាចុងក្រោយក៏គ្មានការសាកសួរ ។ ជាធម្មតាខ្ញុំមិនដែលបញ្ជាក់ពីរឿងផ្ទាល់ខ្លួនប្រាប់គេទេ ទោះបីជានៅក្នុងពេលដែលយើងបានទាក់ទងគ្នា ឬភ្ជាប់ពាក្យក៏ដោយ »។
ទោះជាយ៉ាងណាក៏ដោយ ម៉ារីយ៉ា សារ៉ាប៉ូវ៉ា នៅតែផ្តល់ក្តីសង្ឃឹមដល់អ្នកគាំទ្ររបស់ខ្លួនថានឹងមានឱកាសបានឃើញរូបនាងស្ថិតក្នុងឈុតកូនក្រមុំក្នុងពេលអនាគតជាមិនខាន ប៉ុន្តែមិនទាន់ដឹងថា តើអ្នកណាម្នាក់ជាកូនកំលោះនៅឡើយត្រូវចាំមើលបន្តិចទៀត ។ លោកអ្នកនឹងមានឱកាសបានឃើញ ព្រោះថាការរៀបអាពាហ៍ពិពាហ៍ចាត់ទុកថា ជារឿងរា៉វដែលនាងបានគិតគូរអស់រយៈពេលជាច្រើនឆ្នាំកន្លងមក ។
នាងម៉ារីយ៉ា សារ៉ាប៉ូវ៉ា បានជួបនឹងលោកសាសា វូចាស៊ីស ជាលើកដំបូងក្នុងពិធីជប់លៀងBBQ ក្នុងឆ្នាំ២០០៩ ។ នៅមុនពេលដែលអ្នកទាំង២បានបង្ហាញខ្លួនជាផ្លូវការដោយលោកវូចាស៊ីសប្រគល់ចិញ្ចៀនពេជ្រភ្ជាប់ពាក្យតម្លៃ២៥០.០០០ដុល្លារ ដល់នាងសារ៉ាប៉ូវ៉ា នៅក្នុងឆ្នាំ២០១០ ប៉ុន្តែជាចុងក្រោយក្តីស្រមៃរបស់អ្នកទាំងពីរដែលរស់នៅជាមួយគ្នាអស់រយៈពេល៤ឆ្នាំបានបញ្ចប់ ៕
ចែករំលែកព័តមាននេះ