កីឡាករអេស្ប៉ាញ Antonio Piedraឈ្នះដំណាក់ទី១៥ប្រណាំងកង់ Tour of Spain
12 ឆ្នាំ មុន
Antonio Piedraបានធ្វើឱ្យមិត្តរួមក្រុមក៏ដូចជាអ្នកគាំទ្រក្នុងស្រុករបស់ខ្លួនទទួលបានក្តីរីករាយជាខ្លាំងបន្ទាប់ពីរូបគេយកឈ្នះដំណាក់ទី១៥ប្រណាំងកង់នៅលើទឹកដីកំណើតកម្មវិធី Tour of Spainឆ្នាំ២០១២។ ការប្រណាំងនៃដំណាក់ដែលមានចម្ងាយផ្លូវ ១៨៦,៥គីឡូម៉ែត្រនេះត្រូវបានបញ្ចប់នៅទីក្រុង Lagos de Covadonga ប្រទេសអេស្ប៉ាញកាលពីថ្ងៃអាទិត្យទី២ខែកញ្ញាកន្លងមក
Antonio Piedraបានធ្វើឱ្យមិត្តរួមក្រុមក៏ដូចជាអ្នកគាំទ្រក្នុងស្រុករបស់ខ្លួនទទួលបានក្តីរីករាយជាខ្លាំងបន្ទាប់ពីរូបគេយកឈ្នះដំណាក់ទី១៥ប្រណាំងកង់នៅលើទឹកដីកំណើតកម្មវិធី Tour of Spainឆ្នាំ២០១២។ ការប្រណាំងនៃដំណាក់ដែលមានចម្ងាយផ្លូវ ១៨៦,៥គីឡូម៉ែត្រនេះត្រូវបានបញ្ចប់នៅទីក្រុង Lagos de Covadonga ប្រទេសអេស្ប៉ាញកាលពីថ្ងៃអាទិត្យទី២ខែកញ្ញាកន្លងមកនេះ ។
Piedraដែលជិះកង់ឱ្យក្រុម Caja Ruralបានយកឈ្នះដំណាក់មានចម្ងាយផ្លូវ១៨៦,៥គីឡូម៉ែត្រចេញដំណើរពីទីក្រុង La Robla ឆ្ពោះទៅកាន់ទីក្រុង Lagos de Covadongaដោយបានប្រើអស់ថិរវេលាតិចជាងគេបំផុតគឺ៥ម៉ោង១នាទីនិង២៣វិនាទីយកឈ្នះកីឡាករមិត្តរួមជាតិRuben Perez ជិះកង់ឱ្យក្រុម Euskaltel-Euskadi និងឈ្នះកីឡាករបារាំង Lloyd Mondoryជិះកង់ឱ្យក្រុម AG2R La Mondialeដែលបានប្រើថិរវេលាច្រើនជាង ២នាទីនិង២វិនាទីស្មើៗគ្នា ។
ចំណែកកីឡាករអង់គ្លេស Christopher Froome បានធ្លាក់មកលំដាប់ទី៤ក្រោមកីឡាករអេស្ប៉ាញម្នាក់ទៀតគឺ Alejandro Valverdeបន្ទាប់ពីបានប្រើថិរវេលាច្រើនជាងកីឡាករ Rodriguez ១នាទីនិង៤១នាទី ។សូមបញ្ជាក់ថា ការប្រណាំងកម្មវិធី Tour of Spainឆ្នាំនេះចែកចេញជា២១ដំណាក់និងមានចម្ងាយផ្លូវសរុប៣.៣៦០គីឡូម៉ែត្រ។ ដោយឡែកដំណាក់ទី១៥ដែលជាដំណាក់បន្តមានចម្ងាយផ្លូវ១៨៦,៥គីឡូម៉ែត្រដោយការប្រណាំងចាប់ចេញដំណើរពីទីក្រុង La Robla ឆ្ពោះទៅកាន់ទីក្រុង Lagos de Covadongaប្រទេសអេស្ប៉ាញ ៕
ចែករំលែកព័តមាននេះ