Daniel Gealeដណ្តើមបានកិត្តិយសជូនប្រទេសអូស្ត្រាលីរបស់ខ្លួនបន្ទាប់ពីរូបគេយកឈ្នះកីឡាករអាល្លឺម៉ង់ Felix Sturmក្នុងការប្រកួតពេញ១២ទឹកនៅសង្វៀនKoenigPilsener Arenaក្រុង Oberhausenប្រទេសអាល្លឺម៉ង់កាលពីរាត្រីថ្ងៃអាទិត្យទី២កញ្ញាកន្លងមកនេះ ។
Daniel Gealeដណ្តើមបានកិត្តិយសជូនប្រទេសអូស្ត្រាលីរបស់ខ្លួនបន្ទាប់ពីរូបគេយកឈ្នះកីឡាករអាល្លឺម៉ង់ Felix Sturmក្នុងការប្រកួតពេញ១២ទឹកនៅសង្វៀនKoenigPilsener Arenaក្រុង Oberhausenប្រទេសអាល្លឺម៉ង់កាលពីរាត្រីថ្ងៃអាទិត្យទី២កញ្ញាកន្លងមកនេះ ។
ក្នុងនាមខ្លួនជាម្ចាស់ខ្សែក្រវាត់ស្ថាប័ន IBF Daniel Gealeបានយកឈ្នះ Felix Sturmក្នុងលទ្ធផលពិន្ទុ ១១៦-១១២ដណ្តើមបានខ្សែក្រវាត់ស្ថាប័ន WBAក្នុងប្រភេទទម្ងន់ Super World middleweight ។ថ្លែងបន្ទាប់ពីក្លាយជាម្ចាស់ខ្សែក្រវាត់២ស្ថាប័ន Daniel Gealeបានបញ្ជាក់ថា៖ «នេះជាសុបិនមួយ ប៉ុន្តែយើងជឿជាក់ថា សុបិននេះពិតជាអាចក្លាយមកជាការពិត ។ Felix Sturmជាកីឡាករជើងខ្លាំងយូរមកហើយ ប៉ុន្តែគេមិនដែលធ្លាប់ប៉ះជាមួយខ្ញុំទេពីមុនមក ។ ពួកយើងទាំង២បានធ្វើឱ្យកក្រើកសង្វៀននៅរាត្រីនេះ ។ មាន២-៣ដងដែលគេរងការឈឺចាប់ក្រោមកណ្តាប់ដៃដ៏ធ្ងន់របស់ខ្ញុំ »។ កីឡាករវ័យ៣១ឆ្នាំរូបនេះបានបន្ថែមថា៖«ខ្ញុំអស់កម្លាំងបន្តិចដែរ ប៉ុន្តែលទ្ធផលនេះពិតជាល្អខ្លាំងណាស់ »។
សូមបញ្ជាក់ថា Daniel Gealeធ្វើបានល្អបំផុតក្នុងទឹកទី៣ ។ នៅទឹកនេះគេបានបង្ហាញឱ្យឃើញនូវភាពរហ័សរហួនរបស់ខ្លួន ។ ប៉ុន្តែទោះជាយ៉ាងនេះក្តី Sturmដែល៦ឆ្នាំបន្តបន្ទាប់គ្នាមិនដែលស្គាល់ពាក្យថាចាញ់នោះគេចបានយ៉ាងល្អនិងបានវាយបកមកវិញដោយកណ្តាប់ដៃស្តាំ ។ យ៉ាងណាក៏ដោយ Daniel Gealeចាប់មានប្រៀបនិងគ្រប់គ្រងការប្រកួតក្នុងទឹកទី៦ហើយប្រៀបនេះមានរហូតដល់ទឹកទី១០ ។
នៅ២ទឹកចុងក្រោយ Sturmបានវាយបកវិញដោយការបញ្ជូនកណ្តាប់ដៃចំៗគោលដៅយ៉ាងល្អ ។ ២ទឹកនេះការប្រកួតរបស់កីឡាករទាំង២មើលទៅមិនលើសខ្វះគ្នាប៉ុន្មាននោះទេហើយដែលបញ្ហានេះនាំឱ្យចៅក្រមពិបាកក្នុងការឱ្យពិន្ទុ ។ សូមបញ្ជាក់ថា Daniel Gealeធ្លាប់ប្រកួតឈ្នះ២៨លើក ចាញ់១និងផ្តួលដៃគូឱ្យសន្លប់បាន១៥លើកខណៈ Felix Sturmឈ្នះ៣៧ ចាញ់៣ ស្មើ២ និងធ្លាប់ផ្តួលដៃគូឱ្យសន្លប់១៦លើក ៕
ចែករំលែកព័តមាននេះ