រដ្ឋមន្ត្រីហិរញ្ញវត្ថុបារាំងលោក Pierre Mos covici ថ្លែងថា បណ្តារដ្ឋមន្ត្រីមកពីក្រុមប្រទេសឧស្សាហកម្ម G7 នឹងអំពាវនាវឱ្យប្រទេសផលិតប្រេងនៅលើពិភពលោកទាំងអស់បង្កើនផលិតផលដើម្បីកាត់បន្ថយតម្លៃ។ លោករដ្ឋមន្ត្រីថ្លែងនៅក្នុងបទសម្ភាសន៍មួយតាមទូរទស្សន៍ TF1 បារាំង យ៉ាងដូច្នេះថា«ខ្ញុំបានឈានដល់កិច្ចព្រមព្រៀងជាមួយបណ្តាប្រទេស G7 ដោយអំពាវនាវឱ្យ
រដ្ឋមន្ត្រីហិរញ្ញវត្ថុបារាំងលោក Pierre Mos covici ថ្លែងថា បណ្តារដ្ឋមន្ត្រីមកពីក្រុមប្រទេសឧស្សាហកម្ម G7 នឹងអំពាវនាវឱ្យប្រទេសផលិតប្រេងនៅលើពិភពលោកទាំងអស់បង្កើនផលិតផលដើម្បីកាត់បន្ថយតម្លៃ។ លោករដ្ឋមន្ត្រីថ្លែងនៅក្នុងបទសម្ភាសន៍មួយតាមទូរទស្សន៍ TF1 បារាំង យ៉ាងដូច្នេះថា«ខ្ញុំបានឈានដល់កិច្ចព្រមព្រៀងជាមួយបណ្តាប្រទេស G7 ដោយអំពាវនាវឱ្យប្រទេសផលិតប្រេងទាំងអស់បង្កើនការផលិតដើម្បីកាត់បន្ថយតម្លៃប្រេង ។
ស្ថិតក្រោមសម្ពាធនយោបាយដ៏ធ្ងន់ធ្ងរនៅក្នុងប្រទេសបារាំងដើម្បីកាត់បន្ថយតម្លៃប្រេងនៅស្ថានីយបូមប្រេងនោះ លោក Moscovici បានប្រកាសថា រដ្ឋាភិបាលនឹងចំណាយទឹកប្រាក់៣០០លានអឺរ៉ូដើម្បីកាត់បន្ថយតម្លៃប្រេងសម្រាប់ម្ចាស់យានយន្ត ។
នៅក្នុងគម្រោងនេះតម្លៃប្រេងនៅស្ថានីយបូមប្រេងនឹងធ្លាក់ដល់៦សេន ។ បន្ថែមទៅលើរបាយការណ៍របស់ក្រុមប្រទេស G7 លោក Moscovici បានបន្ថែមថា យន្តការនេះនឹងត្រូវបង្កើតឡើងដើម្បីបន្ធូរបន្ថយសម្រាប់បណ្តាប្រទេសដែលគិតថាតម្លៃប្រេងគឺជាផ្នែកមួយដ៏សំខាន់សម្រាប់ថវិការបស់គេ ។
សូមបញ្ជាក់ថា ក្រុមប្រទេស G7 រួមមាន អាេមរិក កាណាដា ជប៉ុន ចក្រភពអង់គ្លេស អាល្លឺម៉ង់ បារាំង និងអីុតាលី ។ ក្រុមប្រទេសទាំងអស់នេះបានអំពាវនាវដល់ប្រទេសផលិតប្រេងទាំងអស់នាំគ្នាលើកស្ទួយផលិតផល ខណៈដែលមានការព្រួយបារម្ភចំពោះព្យុះសង្ឃរាអីុសាក់ និងភាពតានតឹងជាមួយនឹងប្រទេសអីុរ៉ង់ ។ ព្យុះសង្ឃរាអីុសាក់ នេះបានបោកបក់មកលើឈូងសមុទ្រម៉ិចស៊ិក ជាកន្លែងផលិតប្រេងដ៏ធំ ។
ពួកពាណិជ្ជករព្យាករថា អាមេរិកអាចនឹងយកវិធានការយុទ្ធសាស្រ្តប្រេងបម្រុងមកប្រើប្រាស់ ក្នុងនោះប្រេងស្តុកទុកគ្រាអាសន្នចំនួន៦៩៦លានបារ៉ែលនឹងត្រូវបង្កើតឡើងដើម្បីទប់ទល់ការរំខានពីការផ្គត់ផ្គង់បន្ទាប់ពីការដាក់ទណ្ឌកម្មប្រេងរបស់អង្គការ OPEC កាលពីឆ្នាំ១៩៧៣-១៩៧៤ ៕
ចែករំលែកព័តមាននេះ