ខេត្តកំពត ៖ គ្រូបង្រៀនមួយរូបឈ្មោះស្រេង ប៊ុនសេង បានត្រូវចរន្តអគ្គិសនីឆក់ស្លា.ប់នៅរោងបុណ្យមួយកន្លែងមុខសាលាស្រុកកំពង់ត្រាច កាលពីវេលាម៉ោង៣រសៀលថ្ងៃទី២៨ មករា ។ តាមអ្នកនៅកន្លែងកើតហេតុនិយាយថា នារសៀលថ្ងៃនោះនៅផ្ទះលោកតាកាវ ឡាង មានធ្វើបុណ្យខួបសពប្រពន្ធគាត់ដែលស្លា.ប់គំរប់៧ថ្ងៃ ហើយបុរសរងគ្រោះជាគ្រូបង្រៀនរូបនោះជាអ្នកចាត់ចែងតភ្លើងសំរាប់ពិធីបុណ្យដោយតចេញពីបង្គោលបណ្តាញអគ្គិសនីតាមផ្លូវ
ខេត្តកំពត ៖ គ្រូបង្រៀនមួយរូបឈ្មោះស្រេង ប៊ុនសេង បានត្រូវចរន្តអគ្គិសនីឆក់ស្លាប់នៅរោងបុណ្យមួយកន្លែងមុខសាលាស្រុកកំពង់ត្រាច កាលពីវេលាម៉ោង៣រសៀលថ្ងៃទី២៨ មករា ។ តាមអ្នកនៅកន្លែងកើតហេតុនិយាយថា នារសៀលថ្ងៃនោះនៅផ្ទះលោកតាកាវ ឡាង មានធ្វើបុណ្យខួបសពប្រពន្ធគាត់ដែលស្លាប់គំរប់៧ថ្ងៃ ហើយបុរសរងគ្រោះជាគ្រូបង្រៀនរូបនោះជាអ្នកចាត់ចែងតភ្លើងសំរាប់ពិធីបុណ្យដោយតចេញពីបង្គោលបណ្តាញអគ្គិសនីតាមផ្លូវ ។ ទោះបីជាបែបណា សកម្មភាពបែបនេះត្រូវបានគេគ្រប់គ្នាហាមឃាត់កុំឱ្យត ព្រោះធ្លាប់បានឆក់ក្មេងប្រុសម្នាក់ម្តងហើយតែមិនស្លាប់ ។ ថ្វីបើមានការឃាត់បែបនេះក្តី តែលោកស្រេង ប៊ុនសេង និយាយថា កុំភ័យអីព្រោះគាត់មានជំនាញតភ្លើង១០ឆ្នាំហើយ ផ្ទុយទៅវិញគ្រាន់តែបើកប្រអប់ភ្លើង និងដៃម្ខាងអោបបង្គោលភ្លើងក៏ឆក់ផ្ងារក្រោយធ្លាក់មកដី ។
ក្រោយពីកើតហេតុការណ៍នោះ ក៏មានការខិតខំជួយសង្គ្រោះដោយអ្នកខ្លះកើបភក់យកមកប៉ាតលើដងខ្លួន និងខ្លះជួយធ្វើចលនា ប៉ុន្តែ ទោះជាខំប្រឹងជួយយ៉ាងណាក៏ឥតប្រយោជន៍ដែរ ព្រោះគ្រូបង្រៀនរូបនេះបានស្លាប់ទៅហើយ ។ ដោយការមិនអស់ចិត្ត ក្រុមគ្រួសារក៏បានដឹកសពមកមន្ទីរពេទ្យខេត្តទៀត ប៉ុន្តែទីបំផុតត្រូវដឹកសពយកទៅធ្វើបុណ្យវិញ ។ អាជីវករផ្សារកំពង់ត្រាចបានចូលរួមសោកស្តាយលោកស្រេង ប៊ុនសេង ហៅគ្រូឡេវ ដែលមានមុខរបរច្រើនដូចជាថតកាស្សែតលក់នៅផ្សារ និងមានមីក្រូ ម៉ាស៊ីនភ្លើង សំរាប់ជួលក្នុងពិធីផ្សេងៗផង ។ មន្ត្រីនគរបាលនិយាយថា លោកគ្រូឡេវមានជំនាញតភ្លើងយូរហើយតែភ្លាត់ស្នៀតបែរជាបាត់បង់ជីវិតដោយគ្មានអ្នកណាអាចជួយបាន ហើយក៏មានមនុស្ស៥នាក់ហើយដែលត្រូវអគ្គិសនីឆក់ស្លាប់កន្លងមកនៅក្នុងស្រុកនេះ ៕
ចែករំលែកព័តមាននេះ