មានកើតហេតុការណ៍សម្លាប់រង្គាលយ៉ាងសាហាវនៅសាលារៀនមួយក្នុងទីក្រុងរីយ៉ូឌឺហ្សាណេរ៉ូ ប្រទេសប្រេស៊ីល កាលពីល្ងាចថ្ងៃទី៧ មេសា កន្លងមក បណ្តាលឱ្យស្លាប់ក្មេងសិស្សសាលាជាង១០នាក់ និងជិត២០នាក់ទៀតរងរបួស ។ មន្ត្រីម្នាក់ដែលនៅកន្លែងកើតហេតុនិយាយឱ្យដឹងថា បុរសម្នាក់ប្រដាប់ដោយអាវុធធុនធ្ងន់បានដើរចូលក្នុងសាលាដែលខ្លួនធ្លាប់រៀន ហើយបាញ់រះទៅលើក្មេងសិស្សសាលា
មានកើតហេតុការណ៍សម្លាប់រង្គាលយ៉ាងសាហាវនៅសាលារៀនមួយក្នុងទីក្រុងរីយ៉ូឌឺហ្សាណេរ៉ូ ប្រទេសប្រេស៊ីល កាលពីល្ងាចថ្ងៃទី៧ មេសា កន្លងមក បណ្តាលឱ្យស្លាប់ក្មេងសិស្សសាលាជាង១០នាក់ និងជិត២០នាក់ទៀតរងរបួស ។ មន្ត្រីម្នាក់ដែលនៅកន្លែងកើតហេតុនិយាយឱ្យដឹងថា បុរសម្នាក់ប្រដាប់ដោយអាវុធធុនធ្ងន់បានដើរចូលក្នុងសាលាដែលខ្លួនធ្លាប់រៀន ហើយបាញ់រះទៅលើក្មេងសិស្សសាលា បណ្តាលឱ្យស្លាប់សិស្សសាលាចំនួន១១នាក់ និង១៨នាក់ទៀតរងរបួសក្រោយមកទើបបាញ់សម្លាប់ខ្លួនឯង ។
អាជ្ញាធរបានផ្តល់អត្តសញ្ញាណខ្មាន់កាំភ្លើងនោះមានឈ្មោះ Wellington Menezes de Olivera អាយុ២៤ឆ្នាំ ធ្លាប់រៀននៅសាលានេះដែរ ។ ប៉ូលិសនិយាយថា ខ្មាន់កាំភ្លើងនេះបានបន្សល់ទុកលិខិតមួយដែលក្នុងលិខិតនោះគេនិយាយថា គេចង់ធ្វើអត្តឃាត ។ ប្រធានាធិបតីប្រេស៊ីល លោកស្រីឌីលម៉ា រ៉ូសសែហ្វ ថ្លែងថា លោកស្រីមានការរន្ធត់យ៉ាងខ្លាំងចំពោះការបាញ់ប្រហារយ៉ាងសាហាវនេះ ។ លោកស្រីថ្លែងទៀតថា «ក្មេងៗស្លូតត្រង់ទាំងនោះបានបាត់បង់ជីវិត និងអនាគតរបស់ពួកគេ»។ រដ្ឋមន្ត្រីក្រសួងអប់រំប្រេស៊ីល លោក Fernando Haddad បានចាត់ទុកការវាយប្រហារនេះថា ជាសោកនាដកម្មដែលមិនធ្លាប់កើតមានពីមុនមកក្នុងប្រវត្តិសាស្ត្ររបស់ប្រទេស។
តាមប្រភពព័ត៌មានថា កុំតែប៉ូលិសទៅដល់ កន្លែងកើតហេតុទាន់ពេល កុំអីការវាយប្រហារនោះបណ្តាលឱ្យស្លាប់ក្មេងសិស្សសាលាច្រើននាក់ទៀត ។ នៅពេលទៅដល់កន្លែងកើតហេតុ ប៉ូលិសម្នាក់បានស្ម័គ្រស្លាប់ដោយបាញ់តគ្នាជាមួយខ្មាន់កាំភ្លើង ហើយបណ្តាលឱ្យខ្មាន់កាំភ្លើងនោះរងរបួស បន្ទាប់មកខ្មាន់កាំភ្លើងរូបនេះក៏បាញ់សម្លាប់ខ្លួនឯងតែម្តង ដោយបាញ់ចំក្បាល។ចំណែកប៉ូលិសនោះត្រូវបានគេចាត់ទុកថា ជាវីរបុរសម្នាក់ ៕
ចែករំលែកព័តមាននេះ