អន្តរជាតិ ៖ ការពន្យារបទឈប់បាញ់រវាងប្រទេសអ៊ីស្រាអែល និងលីបង់ មិនអាចបន្ធូរបន្ថយសម្ពាធនៃតម្លៃប្រេងឆៅអន្តរជាតិនោះទេ ប៉ុន្តែបែរជាជំរុញឱ្យតម្លៃកើនឡើងនៅថ្ងៃទី២៤ ខែមេសា ឆ្នាំ២០២៦ សូម្បីតែបន្ទាប់ពីការប្រកាសពន្យារបទឈប់បាញ់ដ៏សំខាន់នេះចេញផ្សាយជាផ្លូវការយ៉ាងណាក៏ដោយ។ នេះបើយោងតាមប្រភពពី…
អន្តរជាតិ ៖ ការពន្យារបទឈប់បាញ់រវាងប្រទេសអ៊ីស្រាអែល និងលីបង់ មិនអាចបន្ធូរបន្ថយសម្ពាធនៃតម្លៃប្រេងឆៅអន្តរជាតិនោះទេ ប៉ុន្តែបែរជាជំរុញឱ្យតម្លៃកើនឡើងនៅថ្ងៃទី២៤ ខែមេសា ឆ្នាំ២០២៦ សូម្បីតែបន្ទាប់ពីការប្រកាសពន្យារបទឈប់បាញ់ដ៏សំខាន់នេះចេញផ្សាយជាផ្លូវការយ៉ាងណាក៏ដោយ។ នេះបើយោងតាមប្រភពពី BBC បានចេញផ្សាយ។
នៅព្រឹកនេះ តម្លៃប្រេងឆៅ Brent ដែលជាស្តង់ដារសកល បានកើនឡើង ០,៧% ដល់ ១០៥,៨០ ដុល្លារក្នុង១បារ៉ែល ចំណែកប្រេងឆៅស្តង់ដាសហរដ្ឋអាមេរិក West Texas Intermediate (WTI) បានកើនឡើង ០,៦% ដល់ ៩៦,៥០ ដុល្លារក្នុង១បារ៉ែល។
ប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) កាលពីថ្ងៃទី២៣ ខែមេសា ឆ្នាំ២០២៦ បានប្រកាសថា បទឈប់បាញ់រវាងអ៊ីស្រាអែល និងលីបង់ នឹងត្រូវពន្យាររយៈពេល៣សប្តាហ៍ បន្ទាប់ពីការចរចាថ្មីរវាងបេសកជនរបស់ភាគីនានានៅទីក្រុងវ៉ាស៊ីនតោន។ ដ្បិតការប្រយុទ្ធគ្នារវាងអ៊ីស្រាអែល និងលីបង់ បានគំរាមកំហែងដល់បទឈប់បាញ់ដ៏ផុយស្រួយរវាងសហរដ្ឋអាមេរិក និងអ៊ីរ៉ង់ បន្ទាប់ពីទីក្រុងតេអេរ៉ង់បានអះអាងថា ការប៉ះទង្គិចគ្នាបានរំលោភលើបទឈប់បាញ់តាមលក្ខខណ្ឌ។
តម្លៃប្រេងឆៅអន្តរជាតិបានកើនឡើងចាប់តាំងពី លោកប្រធានាធិបតី ត្រាំ បាននិយាយថា សហរដ្ឋអាមេរិកនឹងផ្អាកការវាយប្រហាររហូតដល់អ៊ីរ៉ង់បង្ហាញសំណើបង្កើតកិច្ចព្រមព្រៀងសន្តិភាព។ ទន្ទឹមនឹងនេះ ការដឹកជញ្ជូនឆ្លងកាត់ច្រកសមុទ្រហ័រមូស (Hormuz) ភាគច្រើននៅតែជាប់គាំង ដែលរំខានដល់លំហូរថាមពលសកល៕
ចែករំលែកព័តមាននេះ