ទីក្រុងហ្សាការតា ៖ ឥណ្ឌូណេស៊ីនឹងនាំចូលប្រេងឆៅចំនួន ១៥០ លានបារ៉ែលពីប្រទេសរុស្ស៊ីនៅឆ្នាំនេះ ខណៈដែលប្រទេសសេដ្ឋកិច្ចធំជាងគេនៅអាស៊ីអាគ្នេយ៍មួយនេះ ទទួលបានការផ្គត់ផ្គង់ប្រេងឆៅ និងឧស្ម័នឥន្ធនៈរាវ (LPG) ពីប្រទេសរុស្ស៊ី…
ទីក្រុងហ្សាការតា ៖ ឥណ្ឌូណេស៊ីនឹងនាំចូលប្រេងឆៅចំនួន ១៥០ លានបារ៉ែលពីប្រទេសរុស្ស៊ីនៅឆ្នាំនេះ ខណៈដែលប្រទេសសេដ្ឋកិច្ចធំជាងគេនៅអាស៊ីអាគ្នេយ៍មួយនេះ ទទួលបានការផ្គត់ផ្គង់ប្រេងឆៅ និងឧស្ម័នឥន្ធនៈរាវ (LPG) ពីប្រទេសរុស្ស៊ី ចំពេលមានការខ្វះខាតថាមពលក្នុងស្រុក បន្ទាប់ពីការផ្ទុះសង្គ្រាមមជ្ឈិមបូព៌ា។ នេះបើយោងតាមប្រភពពី Reuters បានចេញផ្សាយ។
លោក Yuliot Tanjung អនុរដ្ឋមន្ត្រីក្រសួងថាមពលឥណ្ឌូណេស៊ី នៅថ្ងៃទី២៤ ខែមេសា ឆ្នាំ២០២៦ បានប្រាប់អ្នកសារព័ត៌មានថា រដ្ឋាភិបាលបានព្រមព្រៀងថា បរិមាណប្រេងឆៅសរុបដែលនឹងនាំចូលពីប្រទេសរុស្ស៊ីគឺប្រហែល ១៥០ លានបារ៉ែល ដើម្បីបំពេញតម្រូវការក្នុងស្រុករហូតដល់ចុងឆ្នាំនេះ ដោយបន្ថែមថា រដ្ឋាភិបាលគ្រាន់តែត្រូវការរៀបចំយន្តការនាំចូលតែប៉ុណ្ណោះ។ ទោះយ៉ាងណាក៏ដោយ បរិមាណនាំចូលឧស្ម័នឥន្ធនៈរាវពីប្រទេសរុស្ស៊ី នីមិនទាន់ត្រូវបានសម្រេចនៅឡើយទេ។
លោក Yuliot ក៏បានឱ្យដឹងទៀតថា ប្រទេសឥណ្ឌូណេស៊ីក៏កំពុងស្វែងរកការធានាប្រេងឆៅ និងឧស្ម័នឥន្ធនៈរាវពីប្រទេសដទៃទៀត រួមទាំងសហរដ្ឋអាមេរិកផងដែរ។ លោកថា «យើងនាំចូលប្រហែល ១ លានបារ៉ែលក្នុង១ថ្ងៃ ដូច្នេះយើងអាចឃើញថា ជាមួយ ១៥០ លានបារ៉ែលនេះ វានៅតែខ្វះខាត។ យើងកំពុងស្វែងរកការផ្គត់ផ្គង់បន្ថែមពីប្រទេសដទៃទៀត រួមទាំងសហរដ្ឋអាមេរិកផងដែរ»។
ប្រទេសឥណ្ឌូណេស៊ីទទួលបានកិច្ចព្រមព្រៀងមួយដើម្បីទិញប្រេងឆៅ និងឧស្ម័នពីសហរដ្ឋអាមេរិក ក្រោមកិច្ចព្រមព្រៀងស្តីពីពាណិជ្ជកម្មទៅវិញទៅមក។ តាមរយៈនោះ លោក Yuliot បានបន្ថែមដូច្នេះថា «យើងសង្ឃឹមថា យើងអាចបំពេញតម្រូវការប្រេងឆៅ និងឧស្ម័នឥន្ធនៈរាវក្នុងស្រុកពីប្រភពផ្សេងៗ»៕
ចែករំលែកព័តមាននេះ