ឆេះផ្ទះពលរដ្ឋម្នាក់នៅស្រុកសូទ្រនិគម ខូចខាតទ្រព្យសម្បត្តិខ្ទង់ម៉ឺនដុល្លារ និងរបួ.ស៤នាក់
- សៀមរាប
ខេត្តសៀមរាប ៖ ករណីអគ្គិភ័យឆាបឆេះផ្ទះរបស់ ឈ្មោះ ហេង ឡាន់ ភេទប្រុស អាយុ ៥៥ឆ្នាំ ស្ថិតនៅចំណុចភូមិដូនហុង…
ខេត្តសៀមរាប ៖ ករណីអគ្គិភ័យឆាបឆេះផ្ទះរបស់ ឈ្មោះ ហេង ឡាន់ ភេទប្រុស អាយុ ៥៥ឆ្នាំ ស្ថិតនៅចំណុចភូមិដូនហុង ឃុំដំដែក ស្រុកសូទ្រនិគម ខេត្ត សៀមរាប បណ្តាលឱ្យរងការខូចខាតទាំងស្រុង ផ្ទះ ០១ ខ្នង ទំហំ ០៨ម៉ែត្រ x ១២ម៉ែត្រ ឈើលើថ្មក្រោមដំបូលប្រក់ក្បឿង និងសង្ក័សី ព្រមទាំងតូបលក់ចាប់ហួយ ០១ ខ្នង ប្រក់សង្ក័សី ទំហំ ៦ម៉ែត្រ x ១២ ម៉ែត្រ និងរងរបួសធ្ងន់ ស្រាល ៤នាក់ បញ្ជូនទៅមន្ទីរពេទ្តបង្អែក ស្រុកសូទ្រនិគមភ្លាមៗ។
ហេតុការណ៍ ឆេះផ្ទះពលរដ្ឋនោះ បានកើត នៅថ្ងៃ សៅរ៍ ៩កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៥ ខែមេសា ឆ្នាំ២០២៦ វេលាម៉ោង ១២ និង២០នាទី រំលង អធ្រាត្រ និងរលត់ស្ថាពរម៉ោង ៣និង៥០ នាទី ព្រឹក ចំណុចភូមិដូនហុង ឃុំដំដែក ស្រុកសូទ្រនិគម ខេត្តសៀមរាប ។
បើតាម ប្រសាសន៍របស់លោកឧត្តមសេនីយ៍ ត្រី ណុប សារ៉ាក់ ស្នងការរង និង ជាអ្នកនាំពាក្យ នៃស្នងការដ្ឋាននគរបាលខេត្តសៀមរាប បានប្រាប់តាម តេឡេក្រាម នៅវេលាម៉ោងប្រមាណ១០ និង ៣០ នាទី ថ្ងៃទី ២៥ ខែ មេសា ឆ្នាំ២០២៦នេះថា ករណីអគ្គិភ័យឆាបឆេះផ្ទះរបស់ ឈ្មោះ ហេង ឡាន់ ភេទប្រុស អាយុ ៥៥ឆ្នាំ ស្ថិតនៅចំណុចភូមិដូនហុង ឃុំដំដែក ស្រុកសូទ្រនិគម ខេត្ត សៀមរាប ។
បណ្តាលឱ្យរងការខូចខាតទាំងស្រុង ផ្ទះ ០១ ខ្នង ទំហំ ០៨ម៉ែត្រ x ១២ម៉ែត្រ ឈើលើថ្មក្រោមដំបូលប្រក់ក្បឿង និងសង្ក័សី ព្រមទាំងតូបលក់ចាប់ហួយ ០១ ខ្នង ប្រក់សង្ក័សី ទំហំ ៦ម៉ែត្រ x ១២ ម៉ែត្រ រួមទាំង :-ឆេះ រថយន្ត ០១គ្រឿង ម៉ាកតាកូម៉ា -ឆេះម៉ូតូ ០៤គ្រឿង និង ម៉ូតូសណ្ដោងរឺម៉ក ០២-របួសម្ចាស់ផ្ទះ ០៤នាក់ កំពុងសម្រាកព្យាបាលនៅមន្ទីរពេទ្យបង្អែកស្រុកសូទ្រ និគម(ធ្ងន់១នាក់បញ្ជូនទៅមន្ទីរពេទ្យខេត្តសៀម រាប) -សម្ភារ និង ទ្រព្យសម្បត្តិផ្សេងៗទៀតពុំទាន់វាយតម្លៃបាន។
លោកបញ្ជាក់ថា ក្នុងកិច្ចប្រតិបត្តិការដោយសហការជាមួយអធិការដ្ឋាននគរបាលស្រុកបាគង ឡានអគ្គិភ័យ ០១គ្រឿង និង ស្នងការដ្ឋាននគរបាលខេត្ត សៀមរាប ឡានអគ្គិភ័យ ០៣គ្រឿង ។ ប្រើប្រាស់រថយន្ដពន្លត់អគ្គិភ័យចំនួន ០៤គ្រឿង ។
មូលហេតុ: ការឆាបឆេះបណ្ដាលមកពីទុស្សេខ្សែភ្លើង ។ បច្ចុប្បន្ន ផ្ទះ ប្រជាពលរដ្ឋ ដែលឆេះ អស់ ស្ទើរទាំងស្រុង នោះ និង សម្ភារៈប្រើប្រាស់ និង រថយន្ត ព្រមទាំងម៉ូតូសណ្តោងរ៉ឺម៉ក បើគិតជាទឹកប្រាក់ ខ្ទង់ម៉ឺនដុល្លារ ៕
ចែករំលែកព័តមាននេះ