ខេត្ដព្រៃវែង ៖ នៅព្រឹកថ្ងៃទី១៤ កក្កដា ឆ្នាំ២០១០ វេលាម៉ោង១០ និង១៥នាទី ភ្នាក់ងារកោះសន្ដិភាពប្រចាំនៅខេត្ដព្រៃវែង រួមដំណើរជាមួយលោកនាង យ៉ាន ជំទប់ទី១ ឃុំព្រែកខ្សាយ “ក” ស្រុកពាមរក៍ បាននាំយកអំណោយរបស់សប្បុរសជនដែលបានផ្ដល់ជូនលោកតាឈួន សំ រស់នៅភូមិ ព្រែកខ្សាយ ឃុំព្រែកខ្សាយ“ក” ស្រុកពាមរក៍ តាមរយៈកោះសន្ដិភាព ដើម្បីនាំទៅប្រគល់ ជូនលោកតាដោយផ្ទាល់ដៃរួមមានគ្រឿងឧបភោគបរិភោគដូចជា
ខេត្ដព្រៃវែង ៖ នៅព្រឹកថ្ងៃទី១៤ កក្កដា ឆ្នាំ២០១០ វេលាម៉ោង១០ និង១៥នាទី ភ្នាក់ងារកោះសន្ដិភាពប្រចាំនៅខេត្ដព្រៃវែង រួមដំណើរជាមួយលោកនាង យ៉ាន ជំទប់ទី១ ឃុំព្រែកខ្សាយ “ក” ស្រុកពាមរក៍ បាននាំយកអំណោយរបស់សប្បុរសជនដែលបានផ្ដល់ជូនលោកតាឈួន សំ រស់នៅភូមិ ព្រែកខ្សាយ ឃុំព្រែកខ្សាយ“ក” ស្រុកពាមរក៍ តាមរយៈកោះសន្ដិភាព ដើម្បីនាំទៅប្រគល់ ជូនលោកតាដោយផ្ទាល់ដៃរួមមានគ្រឿងឧបភោគបរិភោគដូចជាអង្ករ ទឹកស៊ីអ៊ីវ អំបិល ស្ករ.ស ព្រមទាំងថវិកាមួយចំនួន ។
អំណោយដែលកោះសន្ដិភាពញំនាំទៅផ្ដល់ជូនលោកតា គឺទទួលបានពីសប្បុរសជន រួមមាន ១-លោកប៊ូ រ៉ា និងលោកស្រីអ៊ូ ចាន់ ថន ជួយឧបត្ថម្ភថវិកា១០ម៉ឺនរៀល ២-លោកសោម បូនី និងភរិយា ជួយឧបត្ថម្ភថវិកា៣០ដុល្លារអាមេរិក ៣-កញ្ញាជា ស្រីរ័ត្ន ឧបត្ថម្ភអង្ករ៣គីឡូក្រាម អំបិល២កញ្ចប់ ទឹកស៊ីអ៊ីវ២ដប ស្ករ.សកន្លះគីឡូក្រាម រួមនឹង ថវិកា១ម៉ឺនរៀល ៤-លោកតែ សុខឡុង ឧបត្ថម្ភថវិកា២០ម៉ឺនរៀល ។នេះជាអំណោយជាលើកទី៤ហើយដែលកោះសន្ដិភាពទទួលបានពីសប្បុរសជនដែលមានសទ្ធាជ្រះថ្លាបានបរិច្ចាគធនធានថវិកាផ្ទាល់ខ្លួនជូនដល់លោកតាចាស់ជរាឯកោតាមរយៈការអំពាវនាវរបស់កោះសន្ដិភាព។
លោកនាង យ៉ាន ជំទប់ទី១ ឃុំព្រែក ខ្សាយ“ក” បានសំដែងនូវក្ដីរភើបយ៉ាងក្រៃ លែង និងក្នុងនាមលោកជាក្រុមប្រឹក្សាឃុំ ជួសមុខឱ្យលោកតាឈួន សំ សូមអរគុណ និង ដឹងគុណចំពោះលោកអ្នកជាសប្បុរសជនទាំងក្នុង និងក្រៅប្រទេសទាំងអស់ ដែលបាន បរិច្ចាគថវិកាជួយដល់លោកតាឈួន សំ សូមអស់លោកទទួលបាននូវពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។ មួយចំណែកទៀត លោកក៏បានសំដែងនូវអំណរគុណយ៉ាងជ្រាលជ្រៅ ចំពោះសារព័ត៌មានកោះសន្ដិភាពដែលបានផ្សព្វផ្សាយព័ត៌មានមនុស្សធម៌ជួយដល់ជនក្រីក្រ ឯកោដូចលោកតាឈួន សំ នេះ ជាដើម ។ សូមឱ្យសារព័ត៌មានកោះសន្ដិភាពដំណើការកាន់តែល្បីឈ្មោះ និងពេញនិយមទូទាំងប្រទេស និងលើឆាកអន្ដរជាតិថែមទៀត ៕
ចែករំលែកព័តមាននេះ