ក្រុងប៉ោយប៉ែត ៖ ចំនួនភ្ញៀវទេសចរ បរទេសចម្រុះជាតិសាសន៍ដែលចូលមកប្រទេសកម្ពុជាតាមច្រកទ្វារអន្តរជាតិប៉ោយប៉ែតទៅទស្សនាប្រាង្គប្រាសាទអង្គរវត្តក៏ដូចជាទៅកម្សាន្តតាមរមណីយដ្ឋាននានាក្នុងខេត្តផ្សេងៗពីមួយខែទៅមួយខែ មានការកើនឡើងជាលំដាប់។ សម្រាប់ខែមិថុនា ឆ្នាំ២០១២ កន្លងទៅនេះ ចំនួនភ្ញៀវទេសចរសរុបដែលចូលមកកម្ពុជាតាមច្រកទ្វារអន្តរជាតិ
ក្រុងប៉ោយប៉ែត ៖ ចំនួនភ្ញៀវទេសចរ បរទេសចម្រុះជាតិសាសន៍ដែលចូលមកប្រទេសកម្ពុជាតាមច្រកទ្វារអន្តរជាតិប៉ោយប៉ែតទៅទស្សនាប្រាង្គប្រាសាទអង្គរវត្តក៏ដូចជាទៅកម្សាន្តតាមរមណីយដ្ឋាននានាក្នុងខេត្តផ្សេងៗពីមួយខែទៅមួយខែ មានការកើនឡើងជាលំដាប់។ សម្រាប់ខែមិថុនា ឆ្នាំ២០១២ កន្លងទៅនេះ ចំនួនភ្ញៀវទេសចរសរុបដែលចូលមកកម្ពុជាតាមច្រកទ្វារអន្តរជាតិប៉ោយប៉ែតមានចំនួន៣៨.៩៨២នាក់ ។ លោកជង់ ឡឹម ប្រធានមន្ទីរទេសចរណ៍ខេត្តបន្ទាយមានជ័យ និងជាអនុប្រធានក្រុមការងារច្រកទ្វារ បានប្រាប់កោះសន្តិភាពថា ចំនួនភ្ញៀវសរុបប្រចាំខែមិថុនា កន្លងមកនេះ មានការកើនឡើង០,២៦% ប្រើប្រៀបធៀបទៅនឹងខែឧសភា ឆ្នាំ២០១២ ។
លោកប្រធានបានបន្តថា ចំនួនភ្ញៀវសម្រាប់ខែមិថុនា ឆ្នាំ២០១២មានចំនួន៣៨.៩៨២នាក់ ឯភ្ញៀវសរុបសម្រាប់ខែឧសភា មានចំនួនត្រឹមតែ៣៨.៨៨០នាក់ប៉ុណ្ណោះ ។ លោកក៏បានប្រៀបធៀបរយៈពេលដូចគ្នាគឺខែមិថុនា ឆ្នាំ២០១១ និងខែមិថុនា ឆ្នាំ២០១២ មានការកើនឡើង៣៦,៦៧% ដោយសារភ្ញៀវសរុបក្នុងខែមិថុនា ឆ្នាំ២០១១ មានត្រឹមតែ២៨.៥២២នាក់ បើប្រៀបធៀប៦ខែឆ្នាំ២០១១ និង៦ខែឆ្នាំ២០១២ ភ្ញៀវសរុបមានការកើនឡើង៤២,៥០% ។
លោកជង់ ឡឹម មានប្រសាសន៍ថា៦ខែដើមឆ្នាំ២០១២ ភ្ញៀវសរុបមានចំនួន២៨៩.០០៦នាក់ ឯ៦ខែឆ្នាំ២០១១ភ្ញៀវសរុបមានត្រឹមតែ២០២.៨០៥នាក់ តែប៉ុណ្ណោះ ។ លោកប្រធានមន្ទីរបញ្ជាក់ថា ភ្ញៀវសរុបក្នុងខែមិថុនា ឆ្នាំ២០១២ គឺភ្ញៀវថៃឈរលំដាប់លេខ១ ភ្ញៀវកូរ៉េលំដាប់លេខ២ ភ្ញៀវរុស្ស៊ីលំដាប់លេខ៣ ភ្ញៀវអាមេរិកលំដាប់លេខ៤ និងភ្ញៀវអង់គ្លេសលំដាប់លេខ៥ ៕
ចែករំលែកព័តមាននេះ