ADផ្ទាំងផ្សព្វផ្សាយពាណិជ្ជកម្ម

Picture

ប្រជាជនដើរលេងចូលឆ្នាំបាចសាចលុយទៅកាន់ខេត្តទាំង២៤

1 ខែ មុន

ប្រជាជន​កម្ពុជា​ជា​ច្រើន​ក្នុង​ចំណោម​១៧​លាន​នាក់​បាន​ធ្វើ​ដំណើរ​ទៅ​កាន់​ខេត្ត​ទាំង​២៤​របស់​កម្ពុជា ។ របាយការណ៍​ពី​ខេត្ត​នានា​បង្ហាញ​ពី​ភាព​អ៊ូអរ និង​សប្បាយ​រីករាយ​របស់​ប្រជាជន​ក្នុង​ដំណើរ​កម្សាន្ត​តាម​បណ្តា​ខេត្ត ។ លំហូរ​មនុស្ស​ដ៏​ច្រើន​សន្ធឹកសន្ធាប់​ទៅ​កាន់​ខេត្ត​នានា​វា​មិន​ត្រឹមតែ​ធ្វើ​អោយ​ប្រជាជន​មានការ​សប្បាយ​រីករាយ​នោះ​ទេ ប៉ុន្តែ​វា​ក៏​នាំ​អោយ​មាន​សកម្មភាព​សេដ្ឋកិច្ច​រស់​រវើក​នៅ​តាម​បណ្តា​ខេត្ត​ទាំងនោះ​ដោយ​ធ្វើ​អោយ​ប្រជាជន​រកស៊ី​នៅ​តាម​ខេត្ត​នានា​ទទួល​បាន​ចំណូល​ផង​ដែរ ។ ចេញពី​ជ្រុង​សេដ្ឋកិច្ច​នេះ កម្ពុជា​អាច​គិត​អោយ​ស៊ីជម្រៅ​ជាង​នេះ…

ប្រជាជន​កម្ពុជា​ជា​ច្រើន​ក្នុង​ចំណោម​១៧​លាន​នាក់​បាន​ធ្វើ​ដំណើរ​ទៅ​កាន់​ខេត្ត​ទាំង​២៤​របស់​កម្ពុជា ។ របាយការណ៍​ពី​ខេត្ត​នានា​បង្ហាញ​ពី​ភាព​អ៊ូអរ និង​សប្បាយ​រីករាយ​របស់​ប្រជាជន​ក្នុង​ដំណើរ​កម្សាន្ត​តាម​បណ្តា​ខេត្ត ។

លំហូរ​មនុស្ស​ដ៏​ច្រើន​សន្ធឹកសន្ធាប់​ទៅ​កាន់​ខេត្ត​នានា​វា​មិន​ត្រឹមតែ​ធ្វើ​អោយ​ប្រជាជន​មានការ​សប្បាយ​រីករាយ​នោះ​ទេ ប៉ុន្តែ​វា​ក៏​នាំ​អោយ​មាន​សកម្មភាព​សេដ្ឋកិច្ច​រស់​រវើក​នៅ​តាម​បណ្តា​ខេត្ត​ទាំងនោះ​ដោយ​ធ្វើ​អោយ​ប្រជាជន​រកស៊ី​នៅ​តាម​ខេត្ត​នានា​ទទួល​បាន​ចំណូល​ផង​ដែរ ។

ចេញពី​ជ្រុង​សេដ្ឋកិច្ច​នេះ កម្ពុជា​អាច​គិត​អោយ​ស៊ីជម្រៅ​ជាង​នេះ ដល់​ផែនការ​ជំរុញ​ទេសចរណ៍​ក្នុងស្រុក ដើម្បី​អោយ​ក្លាយជា​កម្លាំង​ច​លករ​មួយ​នៃ​ការ​ធ្វើ​អោយ​សេដ្ឋកិច្ច​ក្នុងស្រុក​មាន​ភាព​រស់​រវើក និង​មាន​ល្បាយ​កំណើនសេដ្ឋកិច្ច​ទៅ​កាន់​ខេត្ត​នានា ។ និយាយ​អោយ​ចំ​ជាង​នេះ​កាលណា​ប្រជាជន​កម្ពុជា​ធ្វើ​ដំណើរ​កាន់តែ​ច្រើន​នៅ​ក្នុង​ប្រទេស​ទៅ​កាន់​ខេត្ត​នានា វា​នឹង​ធ្វើ​អោយ​ការ​រកស៊ី​របស់​ប្រជាជន​នៅ​តាម​ខេត្ត ទាំងនោះ​កាន់តែ​មាន​លទ្ធភាព​រក​លុយ​នៅ​ក្នុង​ការ​ផ្គត់ផ្គង់​ជីវភាព ។

ដូច្នេះ អភិបាល និង​មន្ត្រីខេត្ត​ទាំងអស់​នៅ​ក្នុង​ប្រទេស​កម្ពុជា​គួរ​គិត​អោយ​បាន​ដិត​ដល់ និង​ស៊ីជម្រៅ​ថា តើ​ខ្លួន​គួរ​ធ្វើ​ដូច​ម្តេច​ដើម្បី​លើកទឹកចិត្ត​ប្រជាជន​កម្ពុជា​មក​ពី​កន្លែង​ផ្សេង​ៗ​ធ្វើ​ដំណើរ​មក​លេង​ខេត្ត​របស់​ខ្លួន​ដោយ​នាំ​យក​លុយ​មក​អោយ​ប្រជាជន​នៅ​ក្នុង​ខេត្ត​សា​ម៉ី​នោះ ។

ពិធី​បុណ្យចូលឆ្នាំ​ខ្មែរ​នេះ ជា​ឧទាហរណ៍​ដ៏​ល្អ​មួយ​ដែល​បង្ហាញ​ថា បើ​ខេត្ត​នីមួយ​ៗ​អាច​ចេះ​រៀបចំ​គម្រោង​ច្បាស់លាស់​នៅ​ក្នុង​ការ​ឃោសនា​វិស័យ​ទេសចរណ៍​នៅ​ក្នុង​ខេត្ត​របស់​ខ្លួន ពេល​នោះ​វា​នឹង​មាន​មនុស្ស​ជា​ច្រើន​ទៅ​លេង​ហើយ ធ្វើ​អោយ​សកម្មភាព​សេដ្ឋកិច្ច​នៅ​ក្នុង​ខេត្ត​មាន​មាន​រស់​រវើក ហើយ​ប្រជាជន​ក្នុង​ខេត្ត​អាច​រក​លុយ​បាន​ពី​វិស័យ​ទេសចរណ៍​ក្នុងស្រុក ។

ខេត្ត​នីមួយ​ៗ​ត្រូវ​តែ​រំលេច​ពី​ភាព​ទាក់ទាញ​នៃ​តំបន់​ទេសចរណ៍​នៅ​ក្នុង​ខេត្ត​គួប​ផ្សំ​នឹង​ការ​រៀបចំ​ព្រឹត្តិការណ៍​សប្បាយ​នានា​ដូច​ជា ការ​រត់​មា​រ៉ា​តុ​ន ឬ​ការ​ប្រណាំង​ជាដើម​ដើម្បី​អោយ​អ្នក​ភ្នំពេញ និង​អ្នក​ខេត្ត​ផ្សេង​ទៀត​ទៅ​លេង និង​សប្បាយ ។

ស្ថានភាព​សេដ្ឋកិច្ច​ពិភពលោក​បាន​ធ្វើ​អោយ​ប៉ះពាល់​ដល់​វិស័យ​ទេសចរណ៍​ពិភពលោក ហើយ​មនុស្ស​ក្នុង​ពិភពលោក​បាន​កាត់​បន្ថយ​ការ​ធ្វើ​ដំណើរ​ទៅ​ក្រៅប្រទេស ឬ​ក៏​បន្ថយ​ចំណាយ​ក្នុង​ការ​ដើរ​លេង​កម្សាន្ត ។ កត្តា​នេះ​បាន​ធ្វើ​អោយ​វិស័យ​ទេសចរណ៍​កម្ពុជា​ដែល​ពឹងផ្អែក​ខ្លាំង​ពី​ទេសចរ​បរទេស​មានការ​ប៉ះពាល់​ខ្លាំង ហើយ វា​ក៏​ប៉ះពាល់​ដល់​សេដ្ឋកិច្ចជាតិ​ទាំងមូល ។

ការ​លើកកម្ពស់​វិស័យ​ទេសចរណ៍​ក្នុងស្រុក​នឹង​ជួយ​មួយ​ផ្នែក​ដល់​ជីវភាព​ប្រជាជន​កម្ពុជា​តាម​បណ្តា​ខេត្ត និង​រួមចំណែក​សំខាន់​ផង​ដែរ ដល់​សេដ្ឋកិច្ចជាតិ​ទាំងមូល ។

នៅ​ក្នុង​បរិបទ​ពិភពលោក​ដ៏​ផុយ​ស្រួយ​នេះ​សេដ្ឋកិច្ច​ពឹងផ្អែក​ខ្លាំង​លើ​កម្លាំង​ខាងក្រៅ​ប្រទេស​ដូច​ជា វិនិយោគ​បរទេស និង​អ្នក​ទេសចរណ៍​បរទេស​ងាយ​នឹង​រង​ផល​ប៉ះពាល់​ណាស់ ។ ដូច្នេះ សេដ្ឋកិច្ច​កម្ពុជា​ត្រូវ​បង្កើន​កម្លាំង​ច​លករ​ខាងក្នុង​ប្រទេស​សម្រាប់​ការ​រីក​ចម្រើន​សេដ្ឋកិច្ច ។ បើសិនជា​សកម្មភាព​សេដ្ឋកិច្ច​កម្ពុជា​នៅ​ក្នុង​ប្រទេស​មាន​ភាពរឹងមាំ​នោះ វា​នឹង​មិន​ងាយ​រង្គោះរង្គើ​ដោយ សារភាព​វឹកវរ​ពិភពលោក និង​កត្តា​ខាងក្រៅ​ប្រទេស​ឡើយ ។

នេះ​ជា​ពេល​វា​លា​ដែល​ត្រូវ​គិត​អោយ​ខ្លាំង​ដល់​ការ​ពង្រឹង​កត្តា​ខាងក្នុង​សម្រាប់​សេដ្ឋកិច្ច​និង​ទេសចរណ៍​កម្ពុជា ហើយ​កាត់​បន្ថយ​ការ​ពឹងផ្អែក​ខ្លាំង​ដល់​កត្តា​ខាងក្រៅ​ដើម្បី​កំណើនសេដ្ឋកិច្ច ៕

អត្ថបទសរសេរ ដោយ

កែសម្រួលដោយ