រាជធានីភ្នំពេញ​៖ OCIC គឺជា​សម្ព័ន្ធ​សហគ្រាស និង​ជា​ក្រុមហ៊ុន​អភិវឌ្ឍន៍​អចលនទ្រព្យ​ ឈានមុខ​នៅ​ប្រទេស​កម្ពុជា និង ezesoft ផ្គត់ផ្គង់ និង​ដោះស្រាយ​សេវា​ឌី​ជី​ថ​ល​នៅ​កម្ពុជា ដែល​ជា​ផ្នែក​មួយ​នៃ​រចនាសម្ព័ន្ធ ឌី​ជី​ថ​ល ទំនាក់ទំនង និង​បច្ចេកវិទ្យា (DCT) របស់​ក្រុមហ៊ុន រ៉ូ​យ៉ា​ល់ គ្រុប បាន​ប្រកាស​ពី​ដៃគូ​យុទ្ធសាស្ត្រ ដើម្បី​ដាក់​ឱ្យ​ប្រើប្រាស់ WiFiX ដែល​ជា​សេវា WiFi សាធារណៈ​នៅ​ទីក្រុង​ន​រា ដោយ​ផ្ដល់​ជូន​ការ​ប្រើប្រាស់​អ៊ីនធឺណិត​ ដោយ​ឥត​គិតថ្លៃ មាន​សុវត្ថិភាព និង​ដំណើរការ​ពេញ 24 ម៉ោង ​។ កិច្ចព្រមព្រៀង​នេះ​ត្រូវ​បាន​ចុះហត្ថលេខា​ ដោយ​លោក Luis Chen អនុប្រធាន​ប្រតិបត្តិ​នៃ​ក្រុមហ៊ុន OCIC និង​លោក Yap Kok Leong អគ្គនាយក​ប្រតិបត្តិ​រចនាសម្ព័ន្ធ DCT របស់​ក្រុមហ៊ុន រ៉ូ​យ៉ា​ល់ គ្រុប និង​ក្រុមហ៊ុន ezesoft​ ។

WiFiX គឺជា​សេវាកម្ម​ឌី​ជី​ថ​ល​ថ្មី​មួយ សម្រាប់​ប្រើប្រាស់​អ៊ីនធឺណិត ​ក្នុង​ការ​ទំនាក់ទំនង​គ្រប់ពេលវេលា គ្រប់​ទីកន្លែង ហើយ​ជា​ជំនួយ​ដល់​ការ​សិក្សា គំនិត​ច្នៃប្រឌិត​ថ្មី អាជីវកម្ម​ប្រចាំ​ថ្ងៃ​ ។ សេវាកម្ម​ថ្មី​នេះ​នឹង​ពង្រីក​ការ​ភ្ជាប់​ទំនាក់ទំនង​ នៅ​ទី​សាធារណៈ​ឱ្យ​កាន់តែ​ប្រសើរ និង​ងាយស្រួល​ជាង​មុន​ដោយ​មិន​ចាំបាច់​បង់ប្រាក់ ​។

ទីក្រុង​ន​រា​គឺជា​ទីក្រុង​ ដែល​មានការ​អភិវឌ្ឍ​ចម្រុះ ​រួម​មាន​លំនៅ​ឋាន តំបន់​ពាណិជ្ជកម្ម កន្លែង​កម្សាន្ត និង​ទីធ្លា​សាធារណៈ ​។ ក្នុង​នោះ​ផង​ដែរ គោលដៅ​សំខាន់​ៗ​ដែល​ភ្ញៀវ​តែងតែ​អញ្ជើញ​មក​លេង​កម្សាន្ត​ នៅ​ទីក្រុង​ន​រា​រួម​មាន Norea Parkway, Riverlight និង សួន Coconut Park កោះន​រា ជាដើម ដោយ​ស្វាគមន៍​ភ្ញៀវ​ចន្លោះ​ពី 4,000 ទៅ 7,000 នាក់​នៅ​ថ្ងៃ​ធម្មតា និង​កើន​ដល់​ចន្លោះ 8,000 ទៅ 15,000 នាក់​នៅ​ចុង​ស​ប្ដា​ហ៍ ​។ ចំពោះ​ថ្ងៃ​ឈប់​សម្រាក និង​ពិធីបុណ្យ​ធំ​ៗ​វិញ គោលដៅ​សំខាន់​ទាំងនេះ​អាច​នឹង​ទទួល​បាន​ភ្ញៀវ​ចាប់ពី 10,000 ទៅ 30,000 នាក់ ដោយ WiFiX នឹង​ដើរតួ​នាទី​យ៉ាង​សំខាន់​ក្នុង​ការ​ផ្ដល់​ជូន ​ការ​ភ្ជាប់​ទំនាក់ទំនង ​ប្រកបដោយ​ទំនុកចិត្ត និង​កាន់តែ​ទូលំទូលាយ​ សម្រាប់​ប្រើប្រាស់​ប្រចាំ​ថ្ងៃ​ នៅ​ទីតាំង​ទីក្រុង​ន​រា​ផង​ដែរ​ ។

លោក Luis Chen អនុប្រធាន​ប្រតិបត្តិ​ក្រុមហ៊ុន OCIC មាន​ប្រសាសន៍​ថា​៖ «​ការ​ចាប់​ដៃគូ​សហការ​រវាង​ក្រុមហ៊ុន OCIC និង​ក្រុមហ៊ុន ezesoft គឺជា​ជំហាន​ដ៏​សំខាន់​មួយ ​ក្នុង​ការ​កែប្រែ​ទីក្រុង​ន​រា​ទៅ​ជាទី​ក្រុង​ឌី​ជី​ថ​ល​ថ្មី​មួយ​ ។ តាម​រយៈ​ការ​វិនិយោគ​លើ​ហេដ្ឋារចនាសម្ព័ន្ធ​ឌី​ជី​ថ​ល និង​ផែនការ​សម្រាប់​ការ​អភិវឌ្ឍ​ប្រព័ន្ធ 5G នា​ពេល​អនាគត​នេះ ពួក​យើង​កំពុង​កសាង​មូលដ្ឋាន​គ្រឹះ ​ប្រកបដោយ​ចីរភាព ពង្រឹង​ទំនុកចិត្ត​វិនិយោគិន និង​ពង្រីក​សក្ដានុពល​នៃ​ឯករាជ្យ​ ឌី​ជី​ថ​ល​ដ៏​ពិតប្រាកដ​» ​។

ភាព​ជា​ដៃគូ​ក្រោម​ប្រធានបទ «​កាន់តែ​ប្រសើរ​ជាមួយ​គ្នា (Better Together)» នេះ បាន​ធ្វើ​ឱ្យ​ក្រុមហ៊ុន​កូន​ខ្មែរ​ចំនួន​ពីរ​ សហការ​គ្នា​លើ​គំនិត​ផ្ដួចផ្ដើម​ឌី​ជី​ថ​ល​ជាក់លាក់​មួយ​ សម្រាប់​បម្រើ​ជា​ប្រយោជន៍​សាធារណៈ​ទាំងមូល​ ។ WiFiX បាន​ឆ្លុះ​បញ្ចាំង​ពី​ការ​ប្ដេជ្ញា​ចិត្ត​រួម​គ្នា ដើម្បី​កែ​លម្អ​លើ​កា​រត​ភ្ជាប់ និង​ទំនាក់ទំនង​ប្រចាំ​ថ្ងៃ​ ឱ្យ​កាន់តែ​ប្រសើរ ស្រប​ពេល​ដែល​ប្រទេស​កម្ពុជា ​កំពុង​ផ្លាស់​ប្ដូរ​មុខមាត់​ថ្មី​តាម​រយៈ​ប្រព័ន្ធ​ឌី​ជី​ថ​ល ​។

លោក Yap Kok Leong អគ្គនាយក​ប្រតិបត្តិ​ក្រុមហ៊ុន ezesoft ក៏​មាន​ប្រសាសន៍​ដែរ​ថា​៖ «​ឯករាជ្យ​ឌី​ជី​ថ​ល​ដ៏​ពិតប្រាកដ​មួយ​ត្រូវ​បាន​បង្កើត​ឡើង​ដោយ​ហេដ្ឋារចនាសម្ព័ន្ធ​ដ៏​រឹង​មាំ​មួយ​ដូច​គ្នា​។ ការ​ដាក់​ឱ្យ​ដំណើរការ WiFiX ក្នុង​ស្ថានភាព​ដ៏​លំបាក​មួយ​នេះ​ ក៏​បាន​បញ្ជាក់​យ៉ាង​ច្បាស់​ដែរ​ថា ដំណើរ​ឌី​ជី​ថ​ល​របស់​កម្ពុជា​គឺ​មិន​អាច​បញ្ឈប់​បាន​ឡើយ ​។ ពួក​យើង​មក​ទី​នេះ​រួម​គ្នា​ ជាមួយ​ក្រុមហ៊ុន OCIC ដើម្បី​ផ្ដល់​ជូន​កា​រត​ភ្ជាប់​ទំនាក់ទំនង ​ដែល​មាន​ល្បឿន​លឿន​រវាង​គ្នា​នឹង​គ្នា ​សម្រាប់​ប្រជាជន​កម្ពុជា​» ​។

ការ​ដាក់​ឱ្យ​ប្រើប្រាស់ WiFiX នឹង​ពង្រឹង​សុវត្ថិភាព និង​ផ្ដល់​ភាព​ងាយស្រួល​នៅ​ទីធ្លា​សាធារណៈ ព្រមទាំង​ពង្រីក​សក្ដានុពល​បន្ថែម​ទៀត​ នៅ​ទីក្រុង​ន​រា​ក្លាយជា​ទីក្រុង​ដ៏​សកម្ម​ សម្រាប់​ពាណិជ្ជកម្ម ការ​រស់នៅ និង​ការ​ប្រើប្រាស់​របស់​សហគមន៍​ទាំងមូល​ ជា​រៀងរាល់ថ្ងៃ​ ។

អំពី​ក្រុមហ៊ុន ezesoft
ezesoft គឺជា​ក្រុមហ៊ុន ​ដែល​ផ្ដល់​ដំណោះស្រាយ​ប្រព័ន្ធ​ឌី​ជី​ថ​ល ដល់​សហគ្រាស និង​ស្ថាប័នរដ្ឋ ដើម្បី​ជំរុញ​ការ​ផ្លាស់​ប្ដូរ​ឌី​ជី​ថ​ល​ ប្រកបដោយ​ចីរភាព ​។ ezesoft ផ្ដល់​សេវាកម្ម​ដែល​ផ្ដល់​ដំណោះស្រាយ ​ទៅ​លើ​សុវត្ថិភាព​ផ្នែក​បច្ចេកវិទ្យា ការ​រួម​បញ្ចូល​ប្រព័ន្ធ និង​ការ​គ្រប់គ្រង​លើ​សេវា​ផ្សេង​ៗ​ប្រកបដោយ​ទំនុកចិត្ត និង​ប្រសិទ្ធភាព ៕ អត្ថបទសហការ