រាជធានីភ្នំពេញ​ ៖ Cellcard ដែលជា​ក្រុម​ហ៊ុនទូរស័ព្ទចល័តឈានមុខគេនៅកម្ពុជា បាន​បើកយុទ្ធនាការ​មួយ​ដែល​អនុញ្ញាត​ឲ្យតារា​ក្នុងស្រុក រួមមាន ពិធីករទូរទស្សន៍ MyTV តាប៊យ និងពិធីការិនីទូរទស្សន៍ CTN កញ្ញាជីជី សាក ល្បងប្រើប្រាស់ទូរស័ព្ទ XG Samsung Power Pack ដែលក្រុមហ៊ុនទើបនឹងបាន​ចេញលក់កាល​ពីពេលថ្មីៗនេះ ។

ពិធីករទូរទស្សន៍ MyTV តាប៊យ ពិធីកា​រិនី​ទូរទស្សន៍ CTN ពិធីករទូរទស្សន៍ MyTV សុវណ្ណ និងអតីតពិធីការិនីកម្មវិធី Cellcard Scene កញ្ញាសាមន្ថា ត្រូវបាន​បង្ហាញខ្លួន​ជាអ្នក​ប្រើប្រាស់ XG Samsung Power Pack នៅក្នុងព្រឹត្តិការណ៍ព័ត៌មានមួយ​ដែល​ប្រព្រឹត្តទៅនៅការិយាល័យកណ្ដាលរបស់ក្រុមហ៊ុន Cellcard នៅលើមហាវិថីព្រះសីហនុ ។ តារាម្នាក់ៗនឹង​ចំណាយ​ពេលពីរ​បីសប្ដាហ៍​ខាង​មុខនេះ ដើម្បី​សាក​ល្បងប្រើប្រាស់ XG Samsung Power Pack ។

លោក កាយ ឡូត ប្រធានប្រតិបត្តិក្រុមហ៊ុន Cellcard មានប្រសាសន៍ថា «យើង​បាន​ជ្រើស​រើស​តារារបស់យើងយ៉ាងហ្មត់ចត់។ តារាខ្លះ​ត្រូវ​បានគេស្គាល់ដោយសារការបង្កើតនូវការនិយមភាពទាន់សម័យ ចំណែកឯតារា​ផ្សេងទៀតត្រូវ​បានគេស្គាល់ដោយ​សារ​ការ​និយាយអំពីទំនោរ ជាពិសេសការរីកចម្រើនផ្នែកបច្ចេកវិទ្យា»។ លោក កាយ ឡូត បន្ថែមថា «យើងគិតថា អ្នក​ប្រើ​ប្រាស់ XG Samsung Power Pack របស់យើង គឺជាតំណាងដ៏ល្អបំផុតនៃស្រទាប់យុវវ័យដែលទាន់​សម័យនិង​មាន​សំឡេង​កាន់តែច្រើនឡើងៗនៃប្រទេសកម្ពុជា»។ ក្នុងអំឡុង​យុទ្ធ​នាការមួយខែនេះ ក្រុមតារាទាំងនោះ​នឹងត្រូវ​ស្នើ​ឲ្យធ្វើអត្ថាធិប្បាយអំពី XG Samsung Power Pack តាមកញ្ចក់ទូរទស្សន៍ នៅលើ Facebook និងនៅលើទំព័រកាសែតផងដែរ ។

លោក កាយ ឡូត មានប្រសាសន៍ថា «គម្រោង XG Samsung Power Pack បូករួម​ជាមួយនឹងទូរស័ព្ទ Samsung Galaxy មាន​អត្ថ​ប្រយោជន៍ស្ទើរតែគ្មានដែនកំណត់។ យើងមាន​ចំណាប់​អារម្មណ៍ចង់ដឹងថាតើតារាម្នាក់ៗនឹងប្រើ​ប្រាស់ XG Samsung Power Pack យ៉ាង​ដូច​ម្ដេចខ្លះ»។ ថ្មីៗនេះក្រុមហ៊ុន Cellcard បានប្រកាស​អំពី​កិច្ចសហការជាមួយទូរស័ព្ទ Samsung Galaxy និងគម្រោង XG របស់ Cellcard ដែល​រួម​មាន​ការហៅទូរស័ព្ទ និងទិន្នន័យ ព្រម​ទាំងលក្ខណៈពិសេសដទៃទៀត​នៅក្នុងទូរស័ព្ទដៃ Samsung Galaxy ដែលកំពុងពេញនិយមនៅកម្ពុជា ។

កិច្ចព្រមព្រៀងនេះត្រូវបាន​ពិពណ៌នាថា ជា​កិច្ចព្រមព្រៀងលើកដំបូងបង្អស់សម្រាប់ទីផ្សារទូរស័ព្ទចល័ត​នៅកម្ពុជា មានន័យថា គ្រប់​ទូរស័ព្ទ Samsung Galaxy SIII, Samsung Galaxy Note, Samsung Galaxy Tab 7.7 និងទូរស័ព្ទ Samsung Galaxy ផ្សេងទៀត នឹង​មានភ្ជាប់ជាមួយគម្រោង XG របស់ Cellcardដែលរួមមានកញ្ចប់សេវាសម្រាប់ការហៅ​ទូរស័ព្ទ​និង​ទិន្ន​ន័យអ៊ីនធើរណេតរួចជាស្រេច ។

ការផ្ដល់ជូននេះមានសម្រាប់តែទូរស័ព្ទ Samsung Galaxy ដែលមានប័ណ្ណធានា ហើយ​អនុញ្ញាតឲ្យ​អតិថិជន​អាចទិញ​ដោយ​បង់ប្រាក់ជាមុនក៏បាន ឬបង់រំលស់​ប្រចាំខែ៥៩ដុល្លារ​ក្នុង​មួយ​ខែ ។ ការផ្ដល់ជូននេះរួមបញ្ចូល​ទាំង​អត្ថ​ប្រយោជន៍គម្រោង XG និងការផ្ដល់ជូន​ទិន្នន័យ​បន្ថែមផងដែរ។ គម្រោងឥណទានសម្រាប់ XG Samsung Power Pack នេះកំពុងត្រូវបាន​ផ្ដល់​ជូនដោយ AEON មកពីប្រទេសជប៉ុន ។

តារាដែលចូលរួមនៅក្នុងយុទ្ធនាការ«សាកល្បងប្រើប្រាស់»នេះត្រូវបានគេស្គាល់ច្បាស់ដោយសារចំណាប់អារម្មណ៍និងជំនាញរបស់ពួក
គេ។
-ពិធីករតាប៊យដែលទស្ស​និកជន​ស្គាល់ថា ជាអ្នកជំនាញផ្នែកតន្ត្រីសម័យកូរ៉េ K-pop និង​ការ​កម្សាន្តទូទៅ ។
-ពិធីការិនីជីជី ដែលគេស្គាល់​ដោយសារ​បុគ្គ​លិកលក្ខណៈចូលចិត្តនិយាយលេងសើច និង​ចំណាប់​អារម្មណ៍លើភាពទាន់សម័យ និងប្រព័ន្ធ​ព័ត៌មានសង្គម ។
-ពិធីករសុវណ្ណ មកពីកម្មវិធី​ជជែក​អំពី​បច្ចេក​វិទ្យា​របស់ទូរទស្សន៍ MyTV និងចំណេះដឹង​អំពីនិន្នាការបច្ចេកវិទ្យាចុងក្រោយ​បង្អស់។
-កញ្ញា សាមន្ថា ត្រូវបានគេស្គាល់ថាជា​សហ​គ្រិនវ័យក្មេងដែលជាគំរូដ៏ល្អសម្រាប់និស្សិតបញ្ចប់ការសិក្សាពីមហា​វិទ្យាល័យ​នាបច្ចុប្បន្ន ។ សាមន្ថា ធ្លាប់បម្រើការជាពិធីការិនីប៉ុស្តិ៍ CTN និង MyTV ។

Cellcard គឺជាបណ្ដាញទូរគមនា​គមន៍ឈាន​មុខគេនៅក្នុងប្រទេសកម្ពុជា ។​ក្រុមហ៊ុន​Cellcard ​ត្រូវបាន​បង្កើតឡើងនៅ​ក្នុងឆ្នាំ​១៩៩៦និងបានផ្ដល់សេវាទូរស័ព្ទចល័តដល់ប្រជាពលរដ្ឋកម្ពុជារាប់លាននាក់ក្នុងរយៈពេលជាងមួយទសវត្សរ៍​កន្លះ​កន្លងមក ។

បច្ចុប្បន្ន ក្រុមហ៊ុន​មាន​បុគ្គលិកជាង៧០០នាក់ ដែលបម្រើការងារនៅ​ក្នុងការិយាល័យជាច្រើនកន្លែងនៅទូទាំងប្រទេស​កម្ពុជា និងមានអតិថិជនប្រមាណ៣ លាននាក់ដែលមានបណ្ដាញសេវាទូរស័ព្ទចល័តគ្របដណ្ដប់ទូទាំងប្រទេស។ ទោះស្ថិតក្នុងទីផ្សារ ទូរគមនាគមន៍ដែលវិវឌ្ឍឥតឈប់ឈរក្ដី ក្រុម ហ៊ុន Cellcard នៅតែបន្ដផ្ដល់សេវាជូនប្រទេស កម្ពុជា ក៏ដូចជាប្រជាជនកម្ពុជា ប្រកបដោយ ការប្ដេជ្ញាចិត្តខ្ពស់៕