ខណ:ដែលអាមេរិកកំពុងដាក់សម្ពាធពន្ធមកលើប្រទេសកម្ពុជានោះ មានអ្នកនយោបាយប្រឆាំងបានទៅប្រាប់សហភាពអឺរ៉ុបអោយដាក់ទណ្ឌកម្មមកលើកម្ពុជាថែមទៀត។ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានលើកឡើងយ៉ាងដូច្នេះ នៅពេលសម្តេចជួបសំណេះសំណាលជាមួយមន្ត្រីរាជការ បុគ្គលិក កម្មករនិយោជិតកំពង់ផែស្វយ័តក្រុងព្រះសីហនុកាលពីថ្ងៃទី១ ខែឧសភា…
ខណ:ដែលអាមេរិកកំពុងដាក់សម្ពាធពន្ធមកលើប្រទេសកម្ពុជានោះ មានអ្នកនយោបាយប្រឆាំងបានទៅប្រាប់សហភាពអឺរ៉ុបអោយដាក់ទណ្ឌកម្មមកលើកម្ពុជាថែមទៀត។
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានលើកឡើងយ៉ាងដូច្នេះ នៅពេលសម្តេចជួបសំណេះសំណាលជាមួយមន្ត្រីរាជការ បុគ្គលិក កម្មករនិយោជិតកំពង់ផែស្វយ័តក្រុងព្រះសីហនុកាលពីថ្ងៃទី១ ខែឧសភា នេះ ។
សម្តេចធិបតីបាននិយាយបន្ថែមទៀតថា ការធ្វើដូច្នេះ ជាសកម្មភាពយកជើងរាទឹក ហើយមិនជួយអ្វីដល់កម្ពុជាទេ ពីព្រោះការដាក់សម្ពាធបន្ថែមបែបនេះ វានឹងធ្វើអោយប៉ះពាល់ដល់កម្មករដោយរួមទាំងអ្នកដែលគាំទ្រដល់ក្រុមប្រឆាំងផង។
គួរបញ្ជាក់ថា អាមេរិកបានដាក់សម្ពាធពន្ធលើទំនិញកម្ពុជា រហូតដល់៤៩ភាគរយ ហើយផ្តល់ពេល ៩០ថ្ងៃសម្រាប់ការចរចា ។
ប៉ុន្តែទោះបីជាយ៉ាងណាក៏ដោយចុះ សម្តេចបានបង្ហាញពីការតាំងចិត្តរបស់រាជរដ្ឋាភិបាល ដើម្បីធ្វើការចរចាដើម្បីការពារអត្ថប្រយោជន៍ជាតិ និងប្រជាជន។
មានប្រទេសជាច្រើនក្នុងពិភពលោកស្ថិតក្រោមការគាបពន្ធពីអាមេរិក ហើយប្រទេសទាំងនោះក៏ដូចកម្ពុជាដែរ កំពុងមមារញឹកក្នុងការចរចាជាមួយអាមេរិក ដើម្បីរកច្រកបន្ធូរបន្ថយពន្ធសម្រាប់ការនាំចេញទំនិញចូលទីផ្សារអាមេរិក ៕
ចែករំលែកព័តមាននេះ