ខេត្តព្រះសីហនុ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានព្រលយពាក្យអោយដឹងថា ការចរចាជាមួយនឹងអាមេរិកទាក់ទងនឹងបញ្ហាពន្ធនឹងមានភាពស្មុគស្មាញ ។ សម្តេចធិបតីបានលើកឡើងយ៉ាងដូច្នេះ នៅពេលសម្តេចជួបសំណេះសំណាលជាមួយមន្ត្រីរាជការ…
ខេត្តព្រះសីហនុ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានព្រលយពាក្យអោយដឹងថា ការចរចាជាមួយនឹងអាមេរិកទាក់ទងនឹងបញ្ហាពន្ធនឹងមានភាពស្មុគស្មាញ ។
សម្តេចធិបតីបានលើកឡើងយ៉ាងដូច្នេះ នៅពេលសម្តេចជួបសំណេះសំណាលជាមួយមន្ត្រីរាជការ បុគ្គលិក កម្មករនិយោជិតកំពង់ផែស្វយ័តក្រុងព្រះសីហនុនៅថ្ងៃទី០១ ខែឧសភា នេះ ។ ប៉ុន្តែទោះបីជាជាយ៉ាងណាក៏ដោយចុះ សម្តេចបានបង្ហាញពីការតាំងចិត្តរបស់រាជរដ្ឋាភិបាល ដើម្បីធ្វើការចរចាដើម្បីការពារអត្ថប្រយោជន៍ជាតិនិងប្រជាជន ។
គួរបញ្ជាក់ថា អាមេរិកបានដាក់សម្ពាធពន្ធលើទំនិញកម្ពុជារហូតដល់៤៩ភាគរយ ហើយផ្តល់ពេល៩០ថ្ងៃសម្រាប់ការចរចា ។
មានប្រទេសជាច្រើនក្នុងពិភពលោកស្ថិតក្រោមការគាបពន្ធពីអាមេរិក ហើយប្រទេសទាំងនោះក៏ដូចកម្ពុជាដែរ កំពុងមមារញឹកក្នុងការចរចាជាមួយអាមេរិក ដើម្បីរកច្រកបន្ធូរបន្ថយពន្ធសម្រាប់ការនាំចេញទំនិញចូលទីផ្សារអាមេរិក ៕
ចែករំលែកព័តមាននេះ