រាជធានីភ្នំពេញ ៖ សមាសភាពប្រធានក្រុមប្រឹក្សាសង្កាត់ និងសមាជិកក្រុមប្រឹក្សាសង្កាត់គីឡូម៉ែត្រលេខ៦អាណតិ្តទី៣ ត្រូវបានធ្វើពិធីប្រកាសសុពលភាពកាលពីរសៀលថ្ងៃទី៣ កក្កដា ក្រោមអធិបតីភាពលោក ឃ្លាំង ហួត អភិបាលខណ្ឌឫស្សីកែវ ដោយមានការចូលរួមពីមន្ត្រីរាជការ និងប្រជាពលរដ្ឋយ៉ាងច្រើនកុះករ ។
រាជធានីភ្នំពេញ ៖ សមាសភាពប្រធានក្រុមប្រឹក្សាសង្កាត់ និងសមាជិកក្រុមប្រឹក្សាសង្កាត់គីឡូម៉ែត្រលេខ៦អាណតិ្តទី៣ ត្រូវបានធ្វើពិធីប្រកាសសុពលភាពកាលពីរសៀលថ្ងៃទី៣ កក្កដា ក្រោមអធិបតីភាពលោក ឃ្លាំង ហួត អភិបាលខណ្ឌឫស្សីកែវ ដោយមានការចូលរួមពីមន្ត្រីរាជការ និងប្រជាពលរដ្ឋយ៉ាងច្រើនកុះករ ។
ចៅសង្កាត់ ចៅសង្កាត់រងទី១ និងចៅសង្កាត់រងទី២ និងសមាជិកក្រុមប្រឹក្សាសង្កាត់នៃសង្កាត់គីឡូមែ៉ត្រលេខ៦ ដែលត្រូវបានប្រកាសសុពលភាពនារសៀលថ្ងៃនោះមាន លោក សុខ សម្បតិ្ត ជាចៅសង្កាត់ លោកស្រី សុខ ដេម៉ា ជាចៅសង្កាត់រងទី១ និងលោក សុខ ឃីម ជាចៅសង្កាត់រងទី២ ។ សង្កាត់គីឡូម៉ែត្រលេខ៦ មានសមាសភាពក្រុមប្រឹក្សាចំនួន១១នាក់ ក្នុងនោះមកពីគណបក្សប្រជាជនកម្ពុជា៦នាក់ និងគណបក្ស សម រង្ស៊ី ៥នាក់ ។
លោកឃ្លាំង ហួត អភិបាលខណ្ឌឫស្សីកែវ ថ្លែងថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៣នេះ ប្រព្រឹត្តទៅដោយសេរី និងយុត្តិធម៌ និងជាថ្នាលបណ្តុះបណ្តាលលទ្ធិប្រជាធិបតេយ្យនៅថ្នាក់ក្រោមជាតិ ។ លោក ក៏បានណែនាំដល់លោកចៅសង្កាត់ និងអស់លោក លោកស្រីជាចៅសង្កាត់រង និងសមាជិកក្រុមប្រឹក្សាទាំងអស់ដែលទើបជាប់ឆ្នោត សូមយកចិត្តទុកដាក់អនុវត្តឱ្យបានត្រឹមត្រូវតាមគោលនយោបាយ ច្បាប់ និងលិខិតបទដ្ឋានគតិយុត្តនានារបស់សរាជរដ្ឋាភិបាល បំពេញការងារចំពោះមុខឱ្យបានម៉ត់ចត់ រួមទាំងការធានាបាននូវសាមគ្គីភាពផ្ទៃក្នុង និងយោគយល់គ្នា ។ ត្រូវខិតខំបម្រើផលប្រយោជន៍ប្រជាពលរដ្ឋដែលជា ម្ចាស់ឆ្នោត ៕
ចែករំលែកព័តមាននេះ