រាជធានីភ្នំពេញ ៖ ការិយាល័យក្រុមហ៊ុនសំណង់(ផ្នែក សិក្សាប្លង់)មួយកន្លែង ស្ថិតនៅផ្ទះល្វែងជាន់ទី៣ បុរីអូរ៉ូរ៉ា ស៊ីធី ក្នុងភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ…
រាជធានីភ្នំពេញ ៖ ការិយាល័យក្រុមហ៊ុនសំណង់(ផ្នែក សិក្សាប្លង់)មួយកន្លែង ស្ថិតនៅផ្ទះល្វែងជាន់ទី៣ បុរីអូរ៉ូរ៉ា ស៊ីធី ក្នុងភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញត្រូវបានអគ្គិភ័យឆាបឆេះយ៉ាងសន្ធោសន្ធៅ បណ្ដាលឲ្យសម្ភារៈការិយាល័យ រួមមានកៅអី តុ ទូ និងកុំព្យូទ័រជាច្រើនគ្រឿងបានរងការខូចខាត ។
ហេតុការណ៍អគ្គិភ័យនេះ បានកើតឡើងកាលពីវេលាម៉ោង២និង៣៥នាទី ថ្ងៃទី៥ ខែឧសភា ឆ្នាំ២០២៥ ភ្លាមៗរថយន្តពន្លត់អគ្គិភ័យជាច្រើនគ្រឿងបានទៅអន្តរាគមន៍បា.ញ់ពន្លត់ ។
តាមសាក្សីបានអោយដឹងថា នៅមុនពេលកើតហេតុ គេឃើញភ្លើងបានឆាបឆេះពីជាន់ទី៣ នៃផ្ទះល្វែងយ៉ាងសន្ធោសន្ធៅ ហើយបង្កឲ្យមានការភ្ញាក់ផ្អើលដល់បុគ្គលិក និងប្រជាពលរដ្ឋនៅក្បែរខាង នាំគ្នាទាក់ទងទៅរថយន្តពន្លត់អគ្គិភ័យមកជួយអន្តរាគមន៍ ។
តាមនគរបាលការិល័យបង្ការពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍នេះរថយន្តពន្លត់អគ្គិភ័យចំនួន៥គ្រឿងបានទៅអន្តរាគមន៍បាញ់ពន្លត់ប្រើប្រាស់អស់ទឹក ៣រថយន្ត ។
តាមនគរបាលបានឲ្យដឹងទៀតថា អគ្គិភ័យនេះបានឆាបឆេះការិយាល័យក្រុមហ៊ុនសំណង់(ផ្នែកសិក្សាប្លង់) មួយបណ្ដាលឱ្យសម្ភារៈ រួមមាន កៅអី តុ ទូ និងកុំព្យូទ័រជាច្រើនគ្រឿងបានរងការខូចខាត ។ ទោះបីជាយ៉ាងណា ពុំបណ្ដាលឱ្យឆេះរាលដាល និងបង្កឲ្យមានមនុស្សរងរបួសឡើយ ។
ទាក់ទិននឹងការកើតមានអគ្គិភ័យនេះ សមត្ថកិច្ចកំពុងតែស្រាវជ្រាវ ។ គេមានការសង្ស័យថា បណ្ដាលមកឆ្លងចរន្តអគ្គិសនី ៕
ចែករំលែកព័តមាននេះ