ខេត្តស្វាយរៀង ៖ មានករណីគ្រោះថ្នាក់ចរាចរណ៍ដ៏អាក្រក់មួយកើតឡើងរវាងរថយន្តនិងរថយន្តបែជាក្លាយជាអំពើហិង្សា ដោយភាគីម្ខាងគេស្គាល់ថាជាស្នងការរងនៃស្នងការដ្ឋាននគបាលខេត្តស្វាយរៀងបានបើកបររថយន្តម៉ាក្សម៉ាស់ស្តា ពណ៌ស ពាក់ស្លាកលេខភ្នំពេញ 2AH-5178 បានបុកជាមួយរថយន្តម៉ាក្សHIGHLANDER ពណ៌ស ពាក់ស្លាកលេខស្វាយរៀង2C-2029…
ខេត្តស្វាយរៀង ៖ មានករណីគ្រោះថ្នាក់ចរាចរណ៍ដ៏អាក្រក់មួយកើតឡើងរវាងរថយន្តនិងរថយន្តបែជាក្លាយជាអំពើហិង្សា ដោយភាគីម្ខាងគេស្គាល់ថាជាស្នងការរងនៃស្នងការដ្ឋាននគបាលខេត្តស្វាយរៀងបានបើកបររថយន្តម៉ាក្សម៉ាស់ស្តា ពណ៌ស ពាក់ស្លាកលេខភ្នំពេញ 2AH-5178 បានបុកជាមួយរថយន្តម៉ាក្សHIGHLANDER ពណ៌ស ពាក់ស្លាកលេខស្វាយរៀង2C-2029 ចំទទឹងរថយន្តពេញទំហឹងបណ្តាលឲ្យខូតខាតរថយន្តទាំងសងខាងយ៉ាងដំណំ ។ ហើយអ្វីដែលមហាជនហួសចិត្តនោះគេឃើញម្ចាស់រថយន្តបង្ក ដែលគេស្គាល់ថា ជាស្នងការរងនោះបែជាយកខ្នោះដៃមកដាក់ខ្នោះម្ចាស់រថយន្តHIGHLANDER ហើយនាំគ្នាឡើងរថយន្តគេចខ្លួនទៅបាត់ទុកឲ្យជនរងគ្រោះឈរនៅលើថ្នល់ជិតរថយន្តរាប់ម៉ោង។
ករណីគ្រោះថ្នាក់ចរាចរណ៍នេះកើតឡើងនៅវេលាម៉ោង៩និង១០នាទីយប់ថ្ងៃទី៤មេសា២០២៥នៅលើកំណាត់ផ្លូវជាតិលេខ១ត្រង់ចំណុចខាងមុខវិទ្យាល័យហ៊ុនសែនជីភូ ស្ថិតក្នុងភូមិគម្ពោធប្រស់សង្កាត់ច្រកម្ទេសក្រុងបាវិត។
បើតាមបុរសឈ្មោះនាង សុផាត ភេទប្រុស អាយុ៥២ឆ្នាំ អ្នកបើកបររថយន្តHIGHLANDER ដែលជាជនរងគ្រោះបានឲ្យដឹងថា មុនពេលកើតហេតុ គាត់បានបើករថយន្តពីទឹសខាងលិចទៅកើតលុះមកដល់កន្លែងកើតហេតុខ្លួនបានឈប់រថយន្តដោយស៊ីញ៉ូភ្លើងសុំបទឆ្វេង ហើយក៏បើករថយន្តបទឆ្វេងយឺតៗ ស្រាប់តែមានយន្តម៉ាក្សម៉ាសស្តា ពណ៌ស១គ្រឿងបើកមកពីក្រោយស្របគ្នាបើកយ៉ាងលឿនបានបុករថយន្តខ្លួនចំពាក់កណ្តាលរថយន្តពេញទំហឹងបណ្តាលឲ្យខូចខាតទាំងសងខាងស្រាប់តែភាគីបង្កចុះមកពីលើរថយន្តមានគ្នា០៣នាក់ និងម្នាក់គេស្គាល់ថា ឈ្មោះកយ -មានឋានៈជាស្នងការរងនៃស្នងការដ្ឋាននគបាលខេត្តស្វាយរៀង បានយកខ្នោះមកចាប់ខ្លួនដាក់ខ្នោះដៃទៅក្រោយដោយអយុត្តិធម៌។ បន្ទាប់មកក៏ឃើញមានសមត្ថកិច្ចមកហៅឡើងលើរថយន្តជិះគេចខ្លួនទៅទឹសខាងកើតបាត់ស្រមោល។
តាមប្រភពដដែលបានបន្តថា នៅពេលប្រពន្ធគាត់សួរសមត្ថកិច្ចម្នាក់និយាយថា មិនដឹងទេ ហើយសួរវិញថា អ្នកណាគេដាក់ខ្នោះ។ ក៏ប៉ុន្តែមន្ត្រីនគបាលរូបនេះមិនព្រមដោះខ្នោះដៃចេញពីដៃរបស់គាត់ទេ ទុកឲ្យគាត់ឈឺចាប់រាប់ម៉ោង។ ខណៈនោះដែរក៏មានអ្នកសារព័ត៌មាននាំគ្នាមកឡាយផងដែរ ។
ទោះជាយ៉ាងណា មន្ត្រីនគបាលជាច្រើនរូបបានចុះទៅដល់លន្លែងកើតហេតុ ហាក់មិនអើពើ ជាមួយជនរងគ្រោះទេ ដោយឆ្លើយដេញដោលគ្នាថា មិនហ៊ានដោះខ្នោះដៃចេញពីជនរងគ្រោះទេ ដោយមិនដឹងអ្នកណាជាអ្នកដាក់។តាមពិតទំនងជាដឹងថា មេខ្លួនជាស្នងការរងទៀត ស្រាច់បណ្តោយ។
ទាក់ទិនករណីនេះដែរ មិនអាចរកការបំភ្លឺពីសមត្ថកិច្ចបានទេរហូតដល់វេលាម៉ោង១និង៣០នាទីរសៀលថ្ងៃទី៥ មេសា ឆ្នាំ២០២៥នេះ ។ ចំណែករថយន្តទាំង២សមត្ថកិច្ចបានយកមករក្សាទុកនៅការិយាល័យនគបាលចរាចរណ៍ស្នងការដ្ឋាននគបាលខេត្ត ដើម្បីដោះស្រាយតាមនិតិវិធី ។
ព័ត៌មានបន្ថែមនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ