យោងតាមតួលេខចុងក្រោយរបស់ក្រសួងកិច្ចការស៊ីវិលចិនឱ្យដឹងថាទឹកជំនន់នានាបង្កឡើងដោយភ្លៀងធ្លាក់ខ្លាំងលើតំបន់ជាច្រើនរបស់ចិនចាប់តាំងពីថ្ងៃទី២០មិថុនាមកអ្នកស្លាប់ឡើងដល់៥០នាក់ហើយមនុស្ស៤២នាក់បាត់ខ្លួន។គិតមកដល់ថ្ងៃទី២៩ មិថុនាវេលាម៉ោង១០ព្រឹកមនុស្សជាង១០,៤លាននាក់រងការប៉ះពាល់ដោយភ្លៀងធ្លាក់ខ្លាំងក្នុងស្រុកចំនួន៣៩ នៅតំបន់ ម៉ុងហ្គោលី ក្នុងខេត្ត
យោងតាមតួលេខចុងក្រោយរបស់ក្រសួងកិច្ចការស៊ីវិលចិនឱ្យដឹងថាទឹកជំនន់នានាបង្កឡើងដោយភ្លៀងធ្លាក់ខ្លាំងលើតំបន់ជាច្រើនរបស់ចិនចាប់តាំងពីថ្ងៃទី២០មិថុនាមកអ្នកស្លាប់ឡើងដល់៥០នាក់ហើយមនុស្ស៤២នាក់បាត់ខ្លួន។គិតមកដល់ថ្ងៃទី២៩ មិថុនាវេលាម៉ោង១០ព្រឹកមនុស្សជាង១០,៤លាននាក់រងការប៉ះពាល់ដោយភ្លៀងធ្លាក់ខ្លាំងក្នុងស្រុកចំនួន៣៩ នៅតំបន់ ម៉ុងហ្គោលី ក្នុងខេត្តហ្សេយ៉ាង ហ្វូជាន យ៉ាងស៊ូ ហ៊ូបី ហ៊ូណាន់ ក្វាងទុង ក្វាងស៊ី ចុងគិញ ស៊ីឈួន និងហ្គីហ្សូ ដោយមុស្ស១,២៤៧លាននាក់ត្រូវការជំនួយបន្ទាន់ ។
ភ្លៀងធ្លាក់ខ្លាំងបណ្តាលឱ្យផ្ទះ៣៤.០០០ខ្នងត្រូវរលំបាក់ហើយផ្ទះ៨៩.០០០ខ្នងរងការខូចខាតហើយបំផ្លាញផ្ទៃដីដាំដុះក្នុងតំបន់ទាំងនោះចំនួន៧៣៨.០០០ហិកតាដែលបង្កការខូចខាតខាងសេដ្ឋកិច្ចដោយផ្ទាល់ប្រមាណជា១០,៣ពាន់លានយន់ (១,៦២ពាន់លានដុល្លារ)។
កាលពីថ្ងៃទី៣០មិថុនាអាជ្ញាធរមូលដ្ឋានរាយការណ៍ថាមនុស្ស៧នាក់ស្លាប់ក្នុងការបាក់ដីមួយ កាលពីរសៀលថ្ងៃទី២៨មិថុនាសង្កត់មកលើផ្លូវថ្នល់មួយក្នុងខេត្តស៊ីឈួនភាគនិរតីចិន ។ ការបាក់ដីនោះកើតមាននាវេលាម៉ោង១៥សង្កត់មកលើផ្លូវថ្នល់មួយក្នុងសង្កាត់មីអានសា ស្រុកអីុអាននីញ។ ពួកអ្នកជួយសង្គ្រោះបានកាយយកសាកសពមនុស្ស៧នាក់ពីគំនរបាក់បែកកាលពីវេលាថ្ងៃត្រង់ថ្ងៃទី២៩មិថុនា ។ ពួកអ្នកជួយសង្គ្រោះពេលនេះកំពុងតែកាយដីចេញដើម្បីឱ្យមានចរាចរណ៍ឡើងវិញតាមដងផ្លូវនោះ៕
ចែករំលែកព័តមាននេះ