ការប្រកួតបាល់ទាត់យូរ៉ូត្រូវបានផ្តួចផ្តើមគំនិតដោយលោក Henri Delaunay ដែលជាប្រធានសហព័ន្ធបាល់ទាត់បារាំងក្នុងឆ្នាំ១៩២៧ ក៏ប៉ុន្តែរហូតមកដល់ឆ្នាំ១៩៥៨ វានៅមិនទាន់បានចាប់ផ្តើមដំណើរការប្រកួតនៅឡើយ ។ ការប្រកួតបាល់ទាត់យូរ៉ូលើកទី១ ត្រូវបានធ្វើឡើងក្នុងឆ្នាំ១៩៦០ ហើយពេលនោះប្រទេសបារាំង គឺជាអ្នកទទួលធ្វើជាម្ចាស់ផ្ទះ។
ការប្រកួតបាល់ទាត់យូរ៉ូត្រូវបានផ្តួចផ្តើមគំនិតដោយលោក Henri Delaunay ដែលជាប្រធានសហព័ន្ធបាល់ទាត់បារាំងក្នុងឆ្នាំ១៩២៧ ក៏ប៉ុន្តែរហូតមកដល់ឆ្នាំ១៩៥៨ វានៅមិនទាន់បានចាប់ផ្តើមដំណើរការប្រកួតនៅឡើយ ។ ការប្រកួតបាល់ទាត់យូរ៉ូលើកទី១ ត្រូវបានធ្វើឡើងក្នុងឆ្នាំ១៩៦០ ហើយពេលនោះប្រទេសបារាំង គឺជាអ្នកទទួលធ្វើជាម្ចាស់ផ្ទះ។
ទោះបីជាប្រទេសបារាំងធ្វើជាម្ចាស់ផ្ទះក្តី ក៏គ្មានសំណាងលើកពានរង្វាន់យូរ៉នេះដែរ។ ផ្ទុយទៅវិញសហភាពសូវៀត គឺជាអ្នកលើកពានរង្វាន់យូរ៉ូលើកទី១ បន្ទាប់ពីផ្តួលយូហ្គោស្លាវី 2-1 ។ ការប្រកួតដណ្តើមពានរង្វាន់លើកដំបូង គឺមានតែ៤ក្រុមប៉ុណ្ណោះចូលរួមប្រកួត ។ រហូតមកដល់ឆ្នាំ១៩៨០ គេបានពង្រីកទៅដល់៨ក្រុម ហើយជាបន្តបន្ទាប់នៅក្នុងឆ្នាំ១៩៩៦ មានក្រុមបាល់ទាត់ចំនួន១៦ចូលរួម ។ ចំនួន១៦ ក្រុមនេះបានរក្សាបន្តរហូតមកដល់ឆ្នាំ២០១២នេះដែរ ។ ទោះជាយ៉ាងណាក្តី នៅឆ្នាំ២០១៦ សហព័ន្ធបាល់ទាត់អឺរ៉ុបគ្រោងនឹងពង្រីកទៅដល់២៤ក្រុម ។
ក្រុមបាល់ទាត់ដែលធ្លាប់ទទួលបានពានរង្វាន់ជើងឯកយូរ៉ូច្រើនជាងគេបំផុត គឺប្រទេសអាល្លឺម៉ង់ ធ្លាប់ទទួលបាន៣ដង បន្ទាប់មកប្រទេសអេស្ប៉ាទទួលបានចំនួន២ដង និងលំដាប់ទី៣ គឺប្រទេសបារាំងធ្លាប់ទទួលបាន២ដងដែរ តែគេមិនធ្លាប់បានទទួលចំណាត់ថ្នាក់លេខ២ ។អេស្ប៉ាញ គឺជាក្រុមគ្រងជើងឯកយូរូ៉ឆ្នាំ២០០៨ ។ ដោយឡែកសម្រាប់ការប្រកួតបាល់ទាត់យូរ៉ូឆ្នាំ២០១២ នេះគឺរៀបចំធ្វើឡើងនៅក្នុងប្រទេសប៉ូឡូញ-អ៊ុយក្រែន ដែលនឹងប្រព្រឹត្តទៅចាប់ពីថ្ងៃសុក្រទី៧ មិថុនា រហូតដល់ថ្ងៃទី១ កក្កដា ឆ្នាំ២០១២ ។ ក្រុមដែលត្រូវចូលរួមប្រកួតមានចំនួន១៦ក្រុម ចែកជា៤ពូល គឺពូល A, B, C និង D ៕
ចែករំលែកព័តមាននេះ