បណ្តាសមាជិកក្រុមប្រណាំង Force India ត្រូវបានបង្ខំចិត្តរត់ភៀសខ្លួនយ៉ាងតក់ក្រហល់ខណៈក្រុមអ្នកតវ៉ាបានគប់ដបសាំងដុតភ្លើងសំដៅរថយន្តរបស់ពួកគេនៅតាមផ្លូវត្រឡប់ពីការប្រណាំងសាកល្បងកម្មវិធី Bahrain Grand Prixនៅប្រទេសបារ៉ែនកាលពីថ្ងៃទី១៨មេសា ។
បណ្តាសមាជិកក្រុមប្រណាំង Force India ត្រូវបានបង្ខំចិត្តរត់ភៀសខ្លួនយ៉ាងតក់ក្រហល់ខណៈក្រុមអ្នកត វ៉ាបានគប់ដបសាំងដុតភ្លើងសំដៅរថយន្តរបស់ពួកគេនៅតាមផ្លូវ ត្រឡប់ពីការប្រណាំងសាកល្បងកម្មវិធី Bahrain Grand Prixនៅប្រទេសបារ៉ែនកាលពីថ្ងៃទី១៨មេសា ។
ទោះជាយ៉ាង ណាក្តីមានក្រុមអ្នកបច្ចេកទេសម៉ាស៊ីនចំនួន៤នាក់បានជាប់គាំងនៅ ក្នុងហេតុ ការណ៍នោះខណៈប៉ូលិសកំពុងប៉ះទង្គិចជាមួយក្រុមអ្នកតវ៉ា ។ ប៉ូលសបានបាញ់ឧស្ម័នបង្ហូរទឹកភ្នែកដើម្បីរំដោះសមាជិកហ្វមមូឡា វ័ន។ បន្ទាប់ពីពួកគេបានរត់កាត់អណ្តាតភ្លើងដែលកំពុងឆេះតាមថ្នល់។ គ្មានបុគ្គលិកក្រុម Force Indiaណាម្នាក់រងរបួសទេ ប៉ុន្តែមានសមាជិក២នាក់របស់ក្រុមនេះបានសុំត្រឡប់ទៅផ្ទះរបស់ ខ្លួនវិញ។ Nico Hulkenbergអ្នកបើកបរឱ្យក្រុមបានប្រាប់BBCថា៖«ពួកយើងមិនគួរណា មកស្ថិតក្នុងកន្លែងបែបនេះទេ»។
បើទោះជាវាគឺជាហេតុការណ៍ ដែលគួរឱ្យខ្លាចនិងដ៏អាក្រក់ ប៉ុន្តែកីឡាករក្រុមForce Indiaម្នាក់ទៀតគឺ Paul di Restaបញ្ជាក់ថា គេបានរៀបចំខ្លួនរួចជាស្រេចចូលក្នុងទីលានប្រណាំងប្រសិនជា Bahrain Grand Prixដំណើរការទៅមុខនាថ្ងៃទី២២ មេសា ។ អ្នកបច្ចេកទេសម៉ាស៊ីនចំនួន៤នាក់ដែលបានស្ថិតនៅកណ្តាលហេតុការ ណ៍បាននិយាយថា ពួកគេពិតជាភ័យតក់ស្លុតនិងខឹងអ្នករៀបចំខ្លាំងណាស់។ ម្ចាស់ទីលានប្រណាំងលោក Zayed R Alzayaniបាននិយាយលួងលោមពួកគេថា ពួកគេមិនមែនជាគោលដៅនៃការវាយប្រហារ ឡើយ។ ពួកគេគ្រាន់តែស្ថិតក្នុងហេតុការណ៍នោះដោយចៃដន្យប៉ុណ្ណោះ។ លោកបន្តថា៖«ពួកគេទាំង៤នាក់មិនមែនជាគោលដៅទ។ ហេតុការណ៍គ្រាន់តែកើតចំពេលដែលពួកគេទៅដល់ទីនោះប៉ុណ្ណោះ។ ខ្ញុំគិតថា វាជារឿងស៊យមួយ។
រឿងបែបនេះអាចកើតឡើងនៅកន្លែងណាមួយក្នុងពិភពលោក ជាពិសេសគឺការជាប់គាំងនៅក្នុងហ្វូងកូដកម្ម ឬការប្រយុទ្ធគ្នាណាមួយ»។ លោកបន្តថា «វាអាចមានអំពើហិង្សាកើតឡើងបន្តទៀត។ «ខ្ញុំមិនអាចនិយាយបានពីកម្រិតនៃអំពើហិង្សានោះទេ តែខ្ញុំមិនគិតថា រឿងបែបនេះកើតក្នុងទីលានប្រណាំងនៅជិតនឹងទីលានប្រណាំងនោះឡើយ »៕
ចែករំលែកព័តមាននេះ