ខាងក្រោមនេះគឺជាការណែនាំខ្លះៗជុំវិញការដាក់តាំងដើមឈើ ឬផើងផ្កា ៖
– មិនគួរដាក់តាំងផើងផ្កា ឬថូផ្កាតុបតែងលំអក្នុងកន្លែងដែលមានខ្យល់បក់ខ្លាំង ឬមានការក្ដៅ ឬត្រជាក់ខ្លាំងឆ្លងកាត់នៅគ្រប់ពេលវេលានោះទេ ព្រោះនឹងធ្វើឱ្យជាតិសំណើមងាយស្ងួត ធ្វើឱ្យដើមឈើ ឬផ្កាស្រពាប់ស្រពោន និងងាប់។
- ត្រូវគិតគូរពីពន្លឺថ្ងៃ ឬកន្លែងដែលមានពន្លឺផ្សេងៗ ព្រោះថា ដើមឈើតុបតែងលំអ ឬដើមផ្កាមួយចំនួនមានតំរូវការពន្លឺខុសៗគ្នា ដោយប្រភេទខ្លះត្រូវការពន្លឺខ្លាំងអាចរក្សា ទុកលំអនៅក្បែរមាត់ទ្វារ បង្អួច ឬនៅកន្លែង ដែលមានពន្លឺស្រស់ ស្រាយ ។
– សំរាប់ដើមឈើតុបតែងលំអនៅតាមផ្ទះដែលមានមែកធាងបែកជាគុម្ព និងត្រូវការទីកន្លែងធំ មិនគួរយកទៅលំអនៅក្បែរផ្លូវដើរចេញ-ចូលនោះទេ ព្រោះថា អាចនឹងធ្វើឱ្យមានការកកស្ទះ និងគ្រោះថ្នាក់ដល់ដើមឈើបាន ។
– មិនគួរយករបស់របរណាមួយមកចងព័ទ្ធនឹងដើមឈើ ឬផ្កាដែលលំអក្នុងផើង (ថូ) ឡើយ ។
– ការប្រើប្រាស់ឈើលំអនៅក្នុងអគារចាំបាច់ត្រូវមានដើមឈើសំរាប់ធ្វើការផ្លាស់ប្ដូរ មិនគួរប្រើដើមឈើតុបតែងលំអ ដែលដាក់តាំងលំអយូរទេ ព្រោះអាចធ្វើឱ្យទ្រុឌទ្រោមបាន ។
– ផើងដើមឈើ ឬថូផ្កាដែលលំអ គួរមានឧបករណ៍ទ្រាប់ផើង ឬថូ ការពារមិនឱ្យទឹកហូរចញពីរន្ធផើងផ្កា ដែលអាចធ្វើឱ្យស្មោកគ្រោកបាន ។
– ដើមឈើតុបតែងលំអនៅផ្នែកខាងក្នុងអគារ គួរមានកំពស់មិនឱ្យលើសពី៦ហ្វ៊ូត ឬ ១,៨២ម៉ែត្រឡើយ ព្រោះថា បើខ្ពស់ជាងនេះវាអាចធ្វើឱ្យមានភាពរញ៉េរញ៉ៃ ។
– គួរមានការប្រុងប្រយ័ត្នកុំឱ្យដើមឈើលំអក្នុងផើងដុះរីករាលដាលជាដាច់ខាត អាចធ្វើឱ្យមានភាពស្មោកគ្រោក ធ្វើឱ្យមានដង្កូវ ឬមូស និងមិនគួរប្រើថ្នាំសំលាប់សត្វល្អិតទៅលើឈើតែងលំអក្នុងអគារទេ ។
– គួរធ្វើការស្រោចទឹក និងដាក់ជីឱ្យបានជាប់លាប់ ។
– ការស្រោចទឹកទៅលើឈើតែងលំអ គួរធ្វើការស្រោចនៅត្រង់គល់ ៕
ចែករំលែកព័តមាននេះ