រាជធានីភ្នំពេញ ៖ គ្រឿងឧបភោគបរិភោគ និងសំភារប្រើប្រាស់ រួមទាំងថវិកាមួយចំនួនជាអំណោយរបស់លោកឧត្តមសេនីយ៍ទោ ហ៊ុន ម៉ាណែត ត្រូវបានលោកម៉ឹង ពន្លក ប្រធានក្រុមចលនាយុវជនកម្ពុជា(ក្រុម១៥៧) និងក្រុម ការងារនាំយកទៅប្រគល់ជូនគ្រួសារទុរគតជន លោកតា លោកយាយចំនួន២គ្រួសារដែល រស់ នៅក្នុង
រាជធានីភ្នំពេញ ៖ គ្រឿងឧបភោគបរិភោគ និងសំភារប្រើប្រាស់ រួមទាំងថវិកាមួយចំនួនជាអំណោយរបស់លោកឧត្តមសេនីយ៍ទោ ហ៊ុន ម៉ាណែត ត្រូវបានលោកម៉ឹង ពន្លក ប្រធានក្រុមចលនាយុវជនកម្ពុជា(ក្រុម១៥៧) និងក្រុម ការងារនាំយកទៅប្រគល់ជូនគ្រួសារទុរគតជន លោកតា លោកយាយចំនួន២គ្រួសារដែល រស់ នៅក្នុងភូមិលូគីឡូម៉ែត្រលេខ១១ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ កាលពីថ្ងៃទី៨ មេសា ឆ្នាំ២០១២ ។
លោកហ៊ូ សាម៉ន ចៅសង្កាត់ស្វាយប៉ាកបានឲ្យដឹងថា គ្រួសារតាយាយចំនួន២គ្រួសារនេះក្រីក្រលំបាកណាស់ ពួកគាត់មករស់នៅទីនោះចាប់តាំងពីឆ្នាំ១៩៩១មកម៉្លេះ ដោយមានការជួយទំនុកបម្រុងពីអាជ្ញាធរដែនដីនិងអ្នកជិតខាង។ លោកតាស៊ុំ សន មានអាយុ៩៥ឆ្នាំ និងលោកយាយគង់ ស៊ន អាយុ៩៦ឆ្នាំ ប្រកបមុខរបរលក់សាំងពីរបីដបនៅខាងមុខផ្ទះដើម្បីចិញ្ចឹមជីវិត។ រីឯលោកតាច័ន្ទ ហ៊ន អាយុ៧៩ឆ្នាំ ពិការដៃម្ខាងមានកូនប្រុសម្នាក់និងប្រកបរបរលក់ថ្នាំបុរាណ។
លោកម៉ឹង ពន្លក ប្រធានក្រុមចលនាយុវជនកម្ពុជា(ក្រុម១៥៧) តំណាងលោកឧត្តមសេនីយ៍ទោហ៊ុន ម៉ាណែត មានប្រសាសន៍ប្រាប់លោកតា លោកយាយថា អំណោយដែលនាំមកចែកជូននេះជារបស់លោកឧត្តមសេនីយ៍ទោហ៊ុន ម៉ា ណែត ដែលមានភារកិច្ចត្រូវបំពេញទើបមិនបានមកជូនដោយផ្ទាល់។ លោកបន្តថាដោយទទួលបានព័ត៌មានពីអាជ្ញាធរដែនដី និងបានដឹងថា គ្រួសារតាយាយមានការលំបាកខ្វះខាតទើបលោកហ៊ុន ម៉ាណែត បានចាត់ចែងឲ្យក្រុមការងារចុះមកពិនិត្យមើល និងនាំយកអំណោយមួយចំនួនមកប្រគល់ជូនក្នុងឱកាសឆ្នាំថ្មីប្រពៃណីជាតិខ្មែរ ដើម្បីឱ្យលោកតា លោកយាយបានយកទៅធ្វើបុណ្យធ្វើទានតាមសេចក្តីត្រូវការ។
លោកម៉ឹង ពន្លក បញ្ជាក់បន្ថែមទៀតថាដោយមើលឃើញស្ថានភាពរស់នៅរបស់លោកតា លោកយាយ២គ្រួសារនេះមានការលំបាកជាក់ស្តែងលោកនឹងនាំព័ត៌មាននេះទៅជម្រាបជូនលោកឧត្តមសេនីយ៍ទោហ៊ុន ម៉ាណែត ជាបន្តទៀត ។អំណោយដែលបាននាំយកទៅចែកជូនលោកតា លោកយាយនាឱកាសនោះរួមមានមួយគ្រួសារទទួលបានអង្ករ១០០គីឡូក្រាម មី១០កេស អំបិល១០គីឡូក្រាម ស្ករស១០គីឡូក្រាម ប៊ីចេង៥គីឡូក្រាម ទឹកស៊ីអ៊ីវ-ទឹកត្រី៤យួរ ត្រីខកំប៉ុង៥០ឡូ ចានឆ្នាំង១ឈុត ក្រមា៥ សារុង៥ សាប៊ូ ទឹកដោះគោខាប់ ប្រេងកូឡា ប្រេងខ្យល់ ប្រេងឆា កន្ទេល ថ្នាំពេទ្យ និងប្រាក់មួយគ្រួសារចំនួន៥០ម៉ឺនរៀល ។
លោកតា លោកយាយដែលទទួលបានអំណោយបានថ្លែងអំណរគុណដល់លោកឧត្តមសេនីយ៍ទោហ៊ុន ម៉ាណែត និងក្រុមចលនាយុវជនកម្ពុជា (ក្រុម១៥៧) និងបួងសួងសូមឱ្យទេវតាឆ្នាំថ្មីតាមបីបាច់ថែរក្សា ឱ្យជួបតែសេចក្តីសុខ សេចក្តីចម្រើន មានសុភមង្គលនៅក្នុងគ្រួសារ ៕
ចែករំលែកព័តមាននេះ