ជាធម្មតា ការទៅជួបជាមួយពេទ្យធ្មេញតែងតែបញ្ចប់ដោយដំបូន្មានដដែលៗថា ដុសសម្អាតធ្មេញរបស់អ្នកឱ្យបានពីរដងក្នុងមួយថ្ងៃរួចប្រើខ្សែកូតសម្អាតនៅពេលល្ងាច។ ប៉ុន្តែក្នុងពេលឥឡូវនេះ ក្រុមអ្នកវិទ្យាសាស្ត្របានលើកឡើងថា ការបៀកថ្នាំដុសធ្មេញចូលក្នុងអញ្ចាញបន្ទាប់ពីបាយថ្ងៃត្រង់រួច ជួយប្រឆាំងនឹងរោគពុកធ្មេញ។
ក្រុមអ្នកស្រាវជ្រាវរបស់សាកលវិទ្យាល័យ University of Gothenburgប្រទេសស៊ុយអែតបានរកឃើញថា ទង្វើបែបខាងលើនេះបានជួយកាត់បន្ថយការកើតមានចន្លោះប្រហោងធ្មេញបានច្រើន។
អ្នកដឹកនាំការស្រាវជ្រាវ វេជ្ជបណ្ឌិត Anna Nordstromបាននិយាយថា៖«ការបៀកលញ់ថ្នាំដុសធ្មេញលើធ្មេញរបស់អ្នកជួយបង្កើនការការពារដោយសារធាតុ Fluorideដល់ទៅ៤០០ភាគរយ»។ លោកស្រីវេជ្ជបណ្ឌិតបានបន្តថា៖«វិធីសាស្ត្រនេះបានបង្ហាញជាភស្តុតាងយ៉ាងហោចណាស់មានប្រសិទ្ធភាពស្មើនឹងការដុសធ្មេញដោយច្រាសលើកទី៣ក្នុងការបង្កើនចំនួន Fluorideក្នុងមាត់។ ការត្រដុសលើផ្នែកខាងមុខនៃធ្មេញរបស់លោកអ្នកជាមួយនឹងថ្នាំដុសធ្មេញអាចជាវិធីសាស្ត្រងាយស្រួលមួយក្នុងការផ្តល់សារធាតុ Fluorideជាលើកទី៣ដល់ធ្មេញអំឡុងពេលមួយថ្ងៃ ។ តែរឿងនេះមិនគួរត្រូវបានជំនួសដោយការដុសធ្មេញជាមួយនឹងថ្នាំដែលមានសារធាតុ Fluorideនៅពេលព្រឹកនិងល្ងាចនោះទេ»។ លោកស្រីបានបន្ថែមថា គេមិនគួរលាងសម្អាតថ្នាំដុសធ្មេញដោយទឹកបន្ទាប់ពីដុសសម្អាតដោយច្រាសហើយនោះទេ។
Fluorideជាសារធាតុរ៉ែកើតឡើងពីធម្មជាតិដែលការពាររោគពុកធ្មេញតាមរយៈបង្កើនកម្លាំងស្រោបលើស្រទាប់ការពារកាចាធ្មេញ ៕
ចែករំលែកព័តមាននេះ