ការវិវឌ្ឍន៍នៃវិទ្យាសាស្ត្រ និងវិជ្ជសាស្ត្រ កាន់តែរីកចំរើនពីមួយថ្ងៃទៅមួយថ្ងៃ កត្តាសុខភាពរបស់មនុស្សត្រូវបានយកចិត្តទុកដាក់យ៉ាងខ្លាំងក្លាពីវេជ្ជបណ្ឌិត សាស្ត្រាចារ្យ អ្នកស្រាវជ្រាវពាសពេញសកលលោក ដើម្បីស្វែងរកនូវវិធីសាស្ត្រ ការព្យាបាល ដើម្បីព្យាបាលអ្នកជំងឺឱ្យកាន់តែមានប្រសិទ្ធភាពខ្ពស់ និងសុខភាពមនុស្សកាន់តែប្រសើរ។ ការព្យាបាលដោយចលនា PHYSIOTHERAPY គឺជាវិធីសាស្ត្រនៃការព្យាបាលមួយដែលត្រូវបានទទួលស្គាល់ និងពេញនិយមយ៉ាងខ្លាំងនៅលើប្រទេសជាច្រើនក្នុងសកលលោក ដោយសារតែការព្យាបាលតាមរបៀបចលនាមានប្រសិទ្ធភាពខ្ពស់ និងមានប្រយោជន៍យ៉ាងធំធេងចំពោះអ្នកជំងឺ ដូចជា ឈឺចង្កេះ ឈឺ.ក ស្មា ក្បាល និងស្ត្រេស។ល។ តាមរយៈការស្រាវជ្រាវ និងបទពិសោធន៍របស់ក្រុមគ្រូពេទ្យ នៅមន្ទីរព្យាបាលចលនាក្នុងប្រទេសកម្ពុជា បានឱ្យដឹងថា ការព្យាបាលដោយចលនានេះ ក៏ត្រូវបានទទួលស្គាល់ពីក្រសួងសុខាភិបាល និងពីសំណាក់ប្រជាពលរដ្ឋយ៉ាងច្រើន ដែលបានទទួលការព្យាបាល ហើយបានជាសះស្បើយ ជាពិសេសចំពោះជំងឺឈឺចង្កេះ ឈឺស្មា ក មានការកើតឡើងភាគច្រើនទៅលើមនុស្សវ័យកណ្តាលឡើងទៅ។
តាមការសម្ភាសន៍ជាមួយក្រុមគ្រូពេទ្យនៅមន្ទីរព្យាបាលដោយចលនា ចំពោះការឈឺចង្កេះ ក និងស្មា បណ្តាលមកពីកត្តាច្រើនយ៉ាងដូចជាសកម្មភាពការងារប្រចាំថ្ងៃ ការអង្គុយយូរពេក ការលើកវត្ថុធ្ងន់ៗ ធ្លាប់មានគ្រោះថ្នាក់ដូចជា ដួលអុកគូទ ឬប៉ះទង្គិចតង់ចង្កេះ ឬក។ ជំងឺឆ្អឹងដូចជា ពុកឆ្អឹង ឬមានបញ្ហាដុះចេញពីឆ្អឹងកងនីមួយៗ ត្រង់ចង្កេះ ក ឬស្មា ធ្វើឱ្យអ្នកជំងឺមានអារម្មណ៍ខឹងឆេវឆាវមិនស្រឡះក្នុងខួរក្បាល ធ្វើឱ្យពិបាកក្នុងការគេង ឬគេងមិនលក់ ឈឺចាប់ពេលអង្គុយ ឬឈរ។
សំរាប់ជំងឺឈឺក្បាល តានតឹងក្នុងអារម្មណ៍ (Stress) ពិបាកក្នុងការគេង ភាគច្រើនបណ្តាលមកពីមានសម្ពាធអារម្មណ៍ក្នុងការងារ គ្រួសារ គិតច្រើនពេក គេងមិនគ្រប់គ្រាន់ ឬគេងច្រើនពេក មានភាពភ័យ តក់ស្លុតនូវរឿងអ្វីមួយ បញ្ហារបស់សាច់ដុំ ឬសន្លាក់ឆ្អឹងក (មិនសូវកំរើក) មានដុំសង្កត់នៅត្រង់ចំណុចខួរក្បាល (Tuynor) ទល់លាមក ខ្វះអុកស៊ីហ្សែន (នៅក្នុងបន្ទប់តូចថប់)។ល។ ជំងឺនេះច្រើនកើតចំពោះមនុស្សវ័យកណ្តាលឡើងទៅ។ តាមវិធីសាស្ត្រព្យាបាលចលនាដោយធ្វើការបន្ធូរសាច់ដុំក និងស្មា ក្បាល កំរើកឆ្អឹងក ខ្នង ចង្កេះ (ដើម្បីធ្វើឱ្យដកដង្ហើមបានធូរ) កំរើកសន្លាក់ឆ្អឹង Mobile Colum Vertebral ចុចចំចំណុច ដែលធ្វើឱ្យគេងឆាប់លក់ (Point) បន្ទាប់ពីការព្យាបាលរួចធ្វើឱ្យអ្នកជំងឺធូរស្បើយក្នុងអារម្មណ៍ បាត់ឈឺក្បាល និងគេងលក់ស្រួល។ តាមរយៈការព្យាបាលចលនា បានបង្ហាញឱ្យឃើញពីប្រសិទ្ធភាពយ៉ាងខ្ពស់ដល់អ្នកជំងឺខាងលើនេះ ដោយក្រុមគ្រូពេទ្យនៅមន្ទីរព្យាបាលចលនា ដែលមានអាសយដ្ឋានផ្ទះលេខ១៨ ផ្លូវ ៣៦០ សង្កាត់បឹងកេងកងទី៣ ខណ្ឌចំការមន ខាងកើតឡានបាញ់ទឹក២៥០ម៉ែត្រ ឬអាចទំនាក់ទំនងព័ត៌មាន តាមទូរស័ព្ទលេខ ០២៣ ៦៦៦ ៦៦ ៩៦/ ០៩៧ ៨៨៨ ៨៨ ៧៧។
តាមការសម្ភាសន៍ លើអ្នកជំងឺដែលបានទទួលការព្យាបាលនៅទីនេះ បានបញ្ជាក់ថា ការព្យាបាលចលនានេះ ពិតជាបានធូរស្បើយ និងមានប្រយោជន៍ចំពោះសុខភាពយ៉ាងខ្លាំង ហើយជួយកាត់បន្ថយការប្រើប្រាស់ថ្នាំមួយចំនួនដែលប៉ះពាល់ដល់សុខភាពដូចជាក្រពះជាដើម។ នៅមន្ទីរព្យាបាលចលនាមានគ្រូពេទ្យប្រុសស្រីជាច្រើនរូប ដែលមានសញ្ញាបត្រពេទ្យព្យាបាលដោយចលនា មានបទពិសោធន៍ជាច្រើនឆ្នាំ មានបច្ចេកទេសក្នុងការព្យាបាលខ្ពស់ និងមានម៉ាស៊ីនសំរាប់ព្យាបាលការឈឺចាប់ ឱ្យអ្នកជំងឺបានជាសះស្បើយផងដែរ។ មន្ទីរព្យាបាលចលនា ដែលមានអាសយដ្ឋានខាងលើនេះទទួលពិគ្រោះ និងប្រឹក្សាពីការព្យាបាល និងផ្តល់លំហាត់ប្រាណ ដល់អ្នកជំងឺដោយឥតគិតថ្លៃ៕
ចែករំលែកព័តមាននេះ