រដ្ឋាភិបាលជប៉ុនកាលពីថ្ងៃសុក្របានសម្រេចអនុម័តផែនការដំឡើងទ្វេដងលើពន្ធលក់៥ភាគរយទ្វេដង ដើម្បីចំណាយសម្រាប់សុខុមាលភាពដោយទទួលស្គាល់ថា វាបរាជ័យក្នុងការអង្វរកពីខាងបក្សប្រឆាំងដើម្បីចូលរួមកិច្ចសហប្រតិបត្តិការលើសេចក្តីព្រាងច្បាប់។ លោកនាយករដ្ឋមន្ត្រី Yoshihiko Noda ដែលត្រូវការសន្លឹកឆ្នោតពីខាងបក្សប្រឆាំងក្នុង ការអនុម័តច្បាប់ថវិកាក្នុងសភាបានដាក់ឱ្យគណៈរដ្ឋមន្ត្រីអនុម័តផ្អាកមួយរយៈ ដើម្បីបញ្ចុះបញ្ចូលគណបក្សផ្សេងមកពិភាក្សាមុនពេលដាក់សំណើដល់សភាមុនកិច្ចប្រជុំ ។
ប៉ុន្តែសមាជិកសភាមកពីគណបក្សប្រឆាំងបានជំទាស់ ព្រោះពួកគេប្រឆាំងទៅនឹងដំណោះស្រាយរបស់លោក Noda និងបង្ខំឱ្យមានការបោះឆ្នោតសម្រេចលើសំណើរបស់រដ្ឋាភិបាលឱ្យបានឆាប់ៗផង ។ រដ្ឋាភិបាលមានផែនការក្នុងការស្នើដំឡើងច្បាប់ពន្ធនៅខែបន្ទាប់ ប៉ុន្តែផ្លូវឆ្លងកាត់វាកាន់តែមិនច្បាស់លាស់ ជាងការរំពឹងទុក ពេលសេចក្តីព្រាងច្បាប់របស់រដ្ឋាភិបាលបង្កើតផែនការកាលពីចុងឆ្នាំ២០១១ ដែលត្រូវចាត់ទុកថា ជាជំហានដំបូងដ៏សំខាន់ក្នុងការស្ថាបនាហិរញ្ញវត្ថុសាធារណៈដែលស្ថិតក្នុងភាពស្រពេចស្រពិល ។
លោករដ្ឋមន្ត្រីក្រសួងហិរញ្ញវត្ថុជប៉ុន Jun Azumi និយាយថា បានស្តែងយ៉ាងច្បាស់ថា វានឹងជួបការលំបាកក្នុងការទទួលបានគណបក្សប្រឆាំងមកចូលរួមសហការនាពេលខាងមុខ ដើម្បីអាចឱ្យគណៈរដ្ឋមន្ត្រីសម្រេចអនុម័តផែនការកំណែទម្រង់សុខុមាលភាព និងពន្ធ ។ ចំណុចមួយដែលយើងត្រូវការពិភាក្សាជាមួយខាងអ្នកប្រឆាំង គឺរបៀបនៃការដោះស្រាយលើការដំឡើងពន្ធកាន់តែខ្ពស់ជាមួយប្រជាពលរដ្ឋដែលមានប្រាក់ចំណូលទាប ។
កាលពីចុងឆ្នាំមុន គណបក្សកាន់អំណាចរបស់លោក Noda បានព្រមព្រាងលើកាលកំណត់ក្នុងការដំំឡើងពន្ធលក់ថា ការដំឡើងពន្ធមិនធ្វើនាពេលឆាប់នេះទេ រហូតដល់ខែ មេសា ឆ្នាំ២០១៤ ។ កាលវិភាគសម្រាប់ដំឡើងពន្ធដែលរដ្ឋាភិបាលជប៉ុនគ្រោងធ្វើឡើង គឺបន្ថែមលើពន្ធលក់៥ភាគរយដល់៨ភាគរយក្នុងខែមេសា ឆ្នាំ២០១៤ និងបន្ថែមពន្ធដល់១០ភាគរយ ក្នុងខែតុលា ឆ្នាំ២០១៥ ។ លោក Azumi និយាយថា រដ្ឋាភិបាលនឹងចាប់ផ្តើមធ្វើការក្នុងការសរសេរច្បាប់ ដើម្បីផ្លាស់ប្តូរពន្ធលក់ និងកំណែទម្រង់ការចំណាយផ្នែកសុខុមាលភាព ។
គណបក្សប្រជាធិបតេយ្យដែលគ្រប់គ្រងរដ្ឋាភិបាលទំនងនៅតែបន្តលួងលោមសមាជិកសភានៃបក្សប្រឆាំងដើម្បីឱ្យពួកគេចូលរួមសហការលើគ្រោងការ ប៉ុន្តែវាមិនច្បាស់នៅឡើយថា តើពួកគេនឹងឆ្លើយតបវិញបែបណា។ ទោះបីជាច្បាប់ពន្ធលក់ដំឡើងដល់១០ភាគ រយក្តី វាគ្រាន់តែជាជំហានដំបូង ដើម្បីទម្លាក់បំណុលសាធារណៈដ៏ច្រើនរបស់រដ្ឋាភិបាលជប៉ុន ដែលបានកើនឡើងលើបណ្តាប្រទេសឧស្សាហកម្មឈានមុខ និងតូចជាង២ដងនៃទំហំសេដ្ឋកិច្ច៥សែនកោដិដុល្លាររបស់ជប៉ុន ៕
ចែករំលែកព័តមាននេះ